Raüta apaiq ma shiiman kuqto. Raüta akha ramkuqto, “Ratsan Ramong Nyang Na Siti Shiikeawe, ra nai hiq klotiwe raq Abram ka mishmanlaq!
JOSHUA 22:6 - ASII LAKDAP Bible (BSI) Joshua raq tsangshiq ma akha ramram kuq raüta tsangshiq ka tiiwato: “Namshiq ka jam na chiithe jong she, nyamse kong pahea, kampho, chaq, miiki ngam, jin, kiimaq khu akhea howan lantiishe wawan tlan. Namjaqtinok jaq wa alam wan han sepat lopi thun ka namphu namnobi rai riiphea riinyin riironglaq.” Kra raütiishe tsangshiq ka maiqmii hiqshong niishe wawanto. Mosheq raq Manase phan wa nokkho miika, Jordan rai maq shedong nü wang kriiwa tsangshiq rii hiqshong chumkuqto. Shatmaq Manase phan nokkho miika, Joshua raq Israilnok maiqphan ahinti krai, Jordan rai maq shenyap nü wang binjü kiiwa chumkuqto. Hawa Naga Bible 2001 Yoshua rueq vruex ruimruimc kuy kvjaz maq tsuingshiq muex, “Nuimshiq kuex pinhtumc rungwanx vtueq nyvmx saz paunghvlc, kuimshawx kuimphox, yanx menx, yanx, khoz vkhvy hup vsvmx htenc paunghvlc maq yuimx nuex yek waung wuez tuinx. Nuimshiq ralx hez kox wawc lvp wvnc shuinx hup vsvmx htenc kuex nuimshiq phvnx vmaq taungnyuing sanox muex phvlx kuq shuinz,” ngoz tueq yuimx nuex tvyek tueq. Kvruex yimaq tsuinghez muinz miqmac yuimx nuex yek waung wuez tueq. Moshe rueq Manase phvnx kholak muex Yodan ruilx maq shaldungc kox mungx kuex kuq tueq, yuq muinz Yoshua rueq Yodan ruilx maq shalx nyuip kox wawc ghaq vraungx kuex vganc phvnx htenc rulc vdvmz vganc kholak kvmac tauk kuq tueq. |
Raüta apaiq ma shiiman kuqto. Raüta akha ramkuqto, “Ratsan Ramong Nyang Na Siti Shiikeawe, ra nai hiq klotiwe raq Abram ka mishmanlaq!
Kra lot raütiishe Joseph raq awe ka shea wan raüta hokhamwe man na tiichapto. Jakob raq hokhamwe ma achu shiiman kuqto.
Apaiq kra nyamse honglu take wan thun kra kuqlot raütiishe, apaiq raq mungmaiqse ma Tati Ajong Pinthumwe mang maq ramram kuqto.
Raüta tsangshiq tarü tlotli ma phaqnai sea kriishe pheanyin kuqto. Apaiq raq Israil mungti maiqwe kiimaq jechakre loweatek ma, winsii thopshishi kiimaq wa na ashu ngamphu phuchhuq chhuq kiimaq spiqtsi shin maq aklo winsii shin phuchhuq chhuq pheakuqto. Kra lot jai she maiq thun ka wiita jam niishe wawanto.
Kra jaqsham lot jai she Dawit ka ajam na achak asetiim ma ramtii-bokke wan she wato. Apaiq saü wan kiita Maikel ka tapmong maq kinphai na apaiq rai riihumkai dongkito. Raüta, “Israilnok hokhamwe raq ümchaü ranaiq apaiq mang ka jonghea tiidongto!” nguta kriinyung raq nguto. “Apaiq ka khuhü kheahü maq angok angiwe ikha, asengi jaqshisekong jechakse re man na wiinum neasiqto!”
Ratiichat angu ranaiq niishetiq Solomon raq mungmaiqse thun ka tsangshiq hiqshong niishe tiiwa baiqto. Tsangshiq tarü raq apaiq ka tiitsam kamto. Raüta maiqmii jam na chojong chise she wawanto. Jamkhano ngukla Tatiwe raq ajaqshi Dawit ma nai asengi Israilnok ma achu shiiman jonghea achonglot mai pahea kuqto.
Kriithaq niimin, mungmaiqse Ephraim phan wa, Manase phan wa, Isakar phan wa, kiimaq Jebulun phan wa akirai thun ka tsangshiq khum ka tri na chongtlaq kiikha phumram kham maq bat hü tiisiihü miili ajiq aphiq li Tiichhii Wan Poi ka kloto. Kra ningkhan Hokhamwe Hejekia raq tsangshiq miitu akha achu jaüto:
Kiimaq Mosheq raq hupsam thun ka wiita shrira liito. Raüta tsangshiq raq jaqsham ka Tatiwe raq aming kuqtaq kra phan phan dea kloto nguta liito. Kiimaq Mosheq raq kra hupsam thun ka shiimanto.
Simeon raq tsangtsam ma ramram achu shiiman kuqto. Raüta, anyung Meriq ma chongto, “Ara no arka, Shiikeawe raq ashong. Apaiq lümaq, Shiikeawe raq Israilnok phan pahea mishthen baiq. Kiimaq apaiq lümaq hali, Israilnok phan, pahea mitiichhii kuq. Apaiq ka Shiikeawe raq ashong wan miithii ajong ashi. Maiq pahea raq, apaiq angeng mirwan.
Ara lot jai she, Jesuq raq ajaqshisetiim ka Jerusalem maq riita, Bethani hiqshong tho na saüli she shea hoto. Kiijaq saüki raütiishe, apaiq raq ajaq ka ra na do raüta, tsangshiq ma achu jaü kuqto.
Krai mren, Joshua riimin, Jephunne se Kelib ma achu shiiman kuqto. Raüta apaiq rii tachong hiqshong Hebron chela kra chumkuqto.
Raütiishe Joshua raq mungmaiqse ka tiiwa baiqto, Krai mren maiqthun ka loweatek maiqmiimii hiqshong niishe jang wanto.
Raüta Samuel raq mungmaiqse ma, hokhamwe arang nai apaiq raq mung peng jaqsham holai kra chongkuqto. Raüta kra thun ka lakdap ashi na waiq thüto. Raüta kra lakdap ka asii khok mong na thüto. Raüta apaiq raq maiq thun ka loweatek wiita maiqmii hiqshong na tiiwa baiqto.
Saul raq nolabi ka maiq hingtsam tseato. Kriiwa hingnai ka apaiq rai Mikmash kinchit na nai ku akin tonglong wang na Bethel chela na thüto. Raüta hingshi ka ase Jonathan rai Benjamin wang na Gibea chela kiina tiikito. Kriiwa chantlaq maiq thun ka Saul raq jam na tiiwa baiqto.
Raüla Eli raq Elkana nai tsangnyung ka akha shiiman kuqtlo, “Ümniiraq ümse ashi Tatiwe ma kiinong kuq laü kra song miitu, apaiq raq ümniima arnyung lümaq ümsetiim abiritiq mikuqlaq.” Kra lot jai tsangshiq ka jam niishe jang wantlo.