JOSHUA 22:6 - Hawa Naga Bible 2001

^6-8 Yoshua rueq vruex ruimruimc kuy kvjaz maq tsuingshiq muex, “Nuimshiq kuex pinhtumc rungwanx vtueq nyvmx saz paunghvlc, kuimshawx kuimphox, yanx menx, yanx, khoz vkhvy hup vsvmx htenc paunghvlc maq yuimx nuex yek waung wuez tuinx. Nuimshiq ralx hez kox wawc lvp wvnc shuinx hup vsvmx htenc kuex nuimshiq phvnx vmaq taungnyuing sanox muex phvlx kuq shuinz,” ngoz tueq yuimx nuex tvyek tueq. Kvruex yimaq tsuinghez muinz miqmac yuimx nuex yek waung wuez tueq. Moshe rueq Manase phvnx kholak muex Yodan ruilx maq shaldungc kox mungx kuex kuq tueq, yuq muinz Yoshua rueq Yodan ruilx maq shalx nyuip kox wawc ghaq vraungx kuex vganc phvnx htenc rulc vdvmz vganc kholak kvmac tauk kuq tueq.

ASII LAKDAP Bible (BSI)

^6-8 Joshua raq tsangshiq ma akha ramram kuq raüta tsangshiq ka tiiwato: “Namshiq ka jam na chiithe jong she, nyamse kong pahea, kampho, chaq, miiki ngam, jin, kiimaq khu akhea howan lantiishe wawan tlan. Namjaqtinok jaq wa alam wan han sepat lopi thun ka namphu namnobi rai riiphea riinyin riironglaq.” Kra raütiishe tsangshiq ka maiqmii hiqshong niishe wawanto. Mosheq raq Manase phan wa nokkho miika, Jordan rai maq shedong nü wang kriiwa tsangshiq rii hiqshong chumkuqto. Shatmaq Manase phan nokkho miika, Joshua raq Israilnok maiqphan ahinti krai, Jordan rai maq shenyap nü wang binjü kiiwa chumkuqto.

JOSHUA 22:6 Referencias Cruzadas

RAPHA HIQWA LAK 14:19

piq muex ruimruimx kuq yaq lvmx maq, “Raungx nuiyc ghaq tvdungc sungc jix waz Johvlc Pinhtumc Tishox rueq Abram muex ruimrix mkuq shueq!

RAPHA HIQWA LAK 47:10

Kvruex yimaq Yaku rueq hokhvmx waz muex ruimruimx kuq shec ruiux kaz wvnc tueq.

RAPHA HIQWA LAK 47:7

Kvruex yimaq Yosep rueq vwaz Yaku kuex hokhvmx waz kox nuex shvlx wvnc tueq. Yaku rueq hokhvmx waz muex ruimruimx kuq koq tueq,

2 SAMUEL 6:18

Piq rueq kvkhoc shomc nawk kuy juing htenc shomc kuy lot yix, Tvphaungc Tvsuip Yehowa muingc maq miq htenc muex ruimruimx kuq ruiux,

2 SAMUEL 6:19

tsuingshiq lotlaz muex phuiuz svy phvlx kuq tueq. Israel mungx nuex httax yaq yalxjuik miqwaz lotlaz muex wanx poz phuq, jac shoay poz phuq nuiyc svpiq thuey shanx raungluingx phok kuq tueq. Kvruex yimaq miq htenc kuex miqmac yuimx nuex waung wvnc wuez tueq.

2 SAMUEL 6:20

Kvruex yimaq, Dawid kuex piq yuimx wuinz kox nuex rvbomc waungc ngoz tueq yuimx nuex waung koq tueq, Michal kuex piq humc kay kaz tueq. Piq rueq, “Majuiuc raungnuiyq Israel hokhvmx waz kuex piq shauk pumz tvkoc muingc yunghvlc dung laz juing shuimx tueq ix! Piq rueq piq shauk pumz kuex piq vyungx vlaungx bix nvrc nyuiuz hez htumc nuex vngaz waz ikhoc tvkhic tueq ix!” ngoz tueq ngoz kuq tueq.

1 HOKHVMX 8:66

Raungx tvjvp vngoz raungnuiyq Solomon rueq mungx miqsaz htenc kuex miqmac yuimx nuex tvyek tueq. Tsuingshiq rueq muinz vpiq muex tvtsvmc kvmc kuq wuez ruiux, vpiq nvrc waz Dawid nuiyc vpiq miqsaz Israel muex Yehowa ruimruimc kuy ningkhvnc nuex vkoz vkez maq miqmac yuimx nuex yek waung wuez tueq.

2 KAÜWA WERAÜ 30:18

Kvdvyx muinz rvmuq, Ephraim, Manase, Issakar nuiyc Zebulun phvnx htenc wawc vhttuiuc kaz miq paunghvlc kuex htungx vlayx rulc rv-ngvlc kvsawc nawc lvmz shuimx wuez muq, Tsuingshiq rueq Tvlvy Wvnc Moalx kuex hunghtaungx muq muex tvyaungc moalx wuez tueq. Kvkhoc rvtueq Hokhvmx Hezekia rueq tsuingshiq tvkoc vjux thoz bomc maq thoz tueq kuex:

DUNGWVNC 39:43

Tsuingshiq rueq vshuimx kaz wvnc htenc kuex Moshe rueq lawc koq tueq lotlaz, Yehowa rueq nvr tueq rulc rv-ngvlc shuimx kaz tueq lvmz kuex khiz lvp tueq. Kvkhoc rvtueq Moshe rueq tsuingshiq muex ruimrix kejux kuq tueq.

Luke 2:34

Simeon rueq tsuingshiq muex ruimruimx kuq ruiux vnyuiuz Mary muex, “Vruex nox kuex Israel htenc muex paunghvlc tvkoc vrulc juing nuiyc paunghvlc tvkoc palc daungc wvnc lvmx muinz, miq paunghvlc rvkhawc rvlvlc juing Tishox kox wawc mvhttarc vshiz tvkoc muinz tvhungx taq shec tueq,

Luke 24:50

Kvruex yimaq tsuingshiq kuex ghaqyungx kvmaq Bethany nuex httuiuc laz shvlx laq vtueq kvruex baung kvmaq vpiq yauk kuex tenz ruiux tsuinghez muex ruimruimx kuq tueq.

JOSHUA 14:13

Yoshua rueq Jephunne saz Kaleb muex ruimruimx kuq ruiux, Hebron ghaqyungx phvlx kuq tueq.

JOSHUA 24:28

Kvruex yimaq Yoshua rueq miq htenc kuex tvyek gay koq tueq miqmac yuimx nuex yek waung wuez tueq.

1 SAMUEL 10:25

Samuel rueq hokhvmx rueq phvnc juing tvrac htenc nuiyc hokhvmx rueq lvp aungx yaq htenc kuex mungx miqsaz muex jungphvnx kuq tueq, kvruex htenc kuex luik dvp vshiz nuex wuiyq taq vtueq vsawc baung nuex piq rueq httuiyq httvmx taq tueq. Kvruex yimaq miq htenc kuex miqmac yuimx nuex tvwaung gay tueq.

1 SAMUEL 2:20

Kvkaq Eli rueq Elkana nuiyc vtaungx nyuiuz muex ruimruimx kuq vtueq piq muex ngoc, “Vpiq muex mnoz rueq lekuq shec toq saz vruex laung nuex yalxjuik nyuiuz vruex htauk vyuq vganc suiuz vsaz htenc kuex Yehowa rueq mnoz muex mkuq kv-phux,” ngoz tueq jungx tueq. Kvruex yimaq tsuinghez kuex yuimx nuex yek waung tueq.