JOSHUA 22:9 - Hawa Naga Bible 2001

⁹ Kvkhoc rvtueq Ruben, Gad nuiyc Shaldungc Manase phvnx htenc kuex miqmac yuimx nuex yek waung wuez tueq. Tsuinghez kuex Kanaan mungx Shilo ghaq nuex httax yaq Israel miqsaz kox maq kaz wvnc vtueq, Yehowa rueq Moshe maq raz tueq nvr tueq rulc rv-ngvlc tsuingshiq rueq vlvp taq Gilead mungx nuex yek waung wuez tueq.

ASII LAKDAP Bible (BSI)

⁹ Krai mren, Reuben phan, Gad phan, kiimaq Shedong nü na siti Manase phan ka tsangshiq hiqshong niishe jang wanto. Tsangshiq raq, tsangphu tsangno Israilnok ka, Kanan mung na Shilo chela piitiip na baiqthü raüta, tsangshiq ka tsangshiq hiqshong Gilead wang na jang wanto. Ara Gilead wang arka Tatiwe raq Mosheq lümaq tsangshiq miitu chumkuqto.

JOSHUA 22:9 Referencias Cruzadas

2 SAMUEL 2:9

Abner rueq Eshboshet kuex Gilead, Asher, Jezreel, Ephraim nuiyc Benjamin hong htenc maq phaungc vtueq Israel mungx lotlaz nuex hokhvmx muex tvyaungc tueq.

1 KAÜWA WERAÜ 5:9

Tsuingshiq rueq Gilead mungx nuex suiux vmanx kung paunghvlc lvp tvy ningkhvnc nuex, shaldungc kox Euphrat Ruilx kumtsvy tvnx nuex httuiuc laz guimz wuez yaq.

Tvtsvmc 60:7

Gilead kuex ngvy laung, Manase muinz ngvy laung rvtueq; Ephraim kuex ngvy yanx khux phuk rvtueq, Yuda kuex ngvy hokhvmx rvtueq.

WEAWEA 32:1

Ruben phvnx nuiyc Gad phvnx nuex suiux vmanx paunghvlc httax yaq. Kvkaq tsuingshiq rueq Jazer mungx nuiyc Gilead mungx nuex remc juing ghaq vhvlx khiz vtueq,

WEAWEA 32:20

Moshe rueq, “Nuimshiq bomkhvmc tv-phaungx shuinx ngoz ruiux kuex, Yehowa khaungkac nuex ralx khvt kay tvkoc tvyoalc wuez shuinz.

WEAWEA 32:22

mungtan kuex lvp tvy rax. Kvruex yimaq jix nuimshiq kuex Yehowa nuiyc miqmac phvnx Israel miqsaz laung nuex yauk shuimc shuimx tuit shex ningkhvnc nuex, vruex yuq yek kaz lvp tuinx. Kvkaq Yehowa rueq Yodan ruilx maq shaldungc kox mungx vruex kuex nuimshiq muex vphvlx kuq rvtueq lvmz tuiuz wvnc wuez shuex.

WEAWEA 32:26

Nuiyshiq juik vsaz hez htenc nuiyc khelx, vmanx nuiyc khelbuenx htenc kuex vruex hong nuex httax yaq Gilead ghaq nuex mhttax laz kueq.

WEAWEA 32:29

“Gad phvnx nuiyc Ruben phvnx kuex Yehowa rueq nvr tueq rulc rv-ngvlc Yodan ruilx kuex yanz vtueq ralx khvt ruiux yuq muinz, nuimshiq kuex tsuingshiq rueq romc kuy ningkhvnc nuex kvruex mungx kuex lvp wvnc ruiux yuq muinz, Gilead mungx kuex tsuingshiq muex kuq gay shuinz.

TRI CHONGKE 3:18

“Kvruex lauk kvkaq dvyx ngaz rueq tsuingshiq muex ngoc, ‘Yehowa naungshiq Tishox rueq Yodan Ruilx maq shaldungc kox nuex httax yaq mungx vruex nuimshiq muex tvkhvt tvlvp kuq yaq. Majuiuc nuimshiq shvrvyx bix muex koz vlak kuex tvshuimc shuinz, vganc Israel phvnx htenc laung ghaq vraungx lvp wvnc tvkoc ralx khux romc kuy kay tvkoc nuimshiq rueq Yodan Ruilx kuex yauk lox rvp wvnc wuez shuinz.

TRI CHONGKE 3:20

Yehowa rueq nuimshiq muex suinglix lix hvlc httaz ngaungc tvkoc kuq kv-phuinx ikhoc, vganc Israel phvnx htenc tvkoc Yodan Ruilx maq shalx nyuip kox hong kuex khvt lvp wvnc vtueq nomic httaz ngaungc wvnc tuex nuex httuiuc laz nuimshiq rueq tsuingshiq muex romc lawc kuy rax. Kvruex yimaq jix nuimshiq kuex ngaz rueq phvlx kuq shec phaungx mungx kvyuq yek kaz wuez tuinx,’ ngoz tueq tvkhic shec tauk.

TRI CHONGKE 34:1

Moshe kuex Moba tvnx maq Nebo Kanx nuex duiz kaz vtueq, Yerikho ghaq maq shaldungc kox nuex httax yaq Pisga Kankhux nuex duiz tueq, Yehowa rueq kvruex maq wvmungx tuimx tvkhic tueq kuex: ghaqkhux kox Dan ghaq nuex httuiuc laz yungx yaq Gilead mungx;

JOSHUA 13:11

Gilead mungx, Geshur nuiyc Maaka hong htenc, Hermon Kanx lotlaz nuiyc Saleka nuex httuiuc laz yungx yaq Bashan mungx wvmungx tuimz lomx tueq.

JOSHUA 13:25

Tsuingshiq ghaqphux kuex Jazer ghaq nuiyc Gilead mungx wawc ghaqyungx lotlaz, Rabba ghaq maq shaldungc kox nuex httax yaq Areora ghaq nuex httuiuc laz Ammon mungx kholak lomx tueq;

JOSHUA 13:31

Gilead mungx kholak nuiyc Bashan mungx hokhvmx waz Oga mungtan wawc ghaqyungx htenc rvtueq Ashtarot nuiyc Edrei ghaq muinz lomx tueq. Kvruex lotlaz kuex Manase saz Makhir taungx hez kholak muex vphvlx kuq ghaqphux ghaqruiy rvtueq.

JOSHUA 22:10

Ruben, Gad nuiyc Shaldungc Manase phvnx htenc kuex Yodan ruilx maq shalx nyuip kox Gelilot hong nuex httuiuc kaz vtueq, yuix ruilx kawx nuex shomrawx yunghvlc tvhungx tueq.

PHOWEBI 20:1

Ghaqkhux kox Dan ghaq maq ghaqyaz kox Bersheba nuex httuiuc laz httax yaq Israel miqsaz lotlaz nuiyc, shaldungc kox Gilead mungx wawc muinz gvl koq tueq tvralc tueq. Tsuinghez kuex shauk pumz vshiz maq raz tueq Mezpa ghaq nuex Yehowa khaungkac nuex rvtuimx kaz tueq.

PHOWEBI 5:17

Gad phvnx kuex Yodan ruilx maq shaldungc kox nuex httax kaz tueq, Dan phvnx kuex svngpholix htenc ningkhvnc nuex ngaungc kaz tueq. Asher phvnx kuex svmuktvrax kawx nuex httax kaz wuez tueq; tsuingshiq kuex yuix kawx tv-phvnc nuex httax yaq.