JOSHUA 22:9 - ASII LAKDAP Bible (BSI)

⁹ Krai mren, Reuben phan, Gad phan, kiimaq Shedong nü na siti Manase phan ka tsangshiq hiqshong niishe jang wanto. Tsangshiq raq, tsangphu tsangno Israilnok ka, Kanan mung na Shilo chela piitiip na baiqthü raüta, tsangshiq ka tsangshiq hiqshong Gilead wang na jang wanto. Ara Gilead wang arka Tatiwe raq Mosheq lümaq tsangshiq miitu chumkuqto.

Hawa Naga Bible 2001

⁹ Kvkhoc rvtueq Ruben, Gad nuiyc Shaldungc Manase phvnx htenc kuex miqmac yuimx nuex yek waung wuez tueq. Tsuinghez kuex Kanaan mungx Shilo ghaq nuex httax yaq Israel miqsaz kox maq kaz wvnc vtueq, Yehowa rueq Moshe maq raz tueq nvr tueq rulc rv-ngvlc tsuingshiq rueq vlvp taq Gilead mungx nuex yek waung wuez tueq.

JOSHUA 22:9 Referencias Cruzadas

2 SAMUEL 2:9

Kiijaq Abnar raq Ishbosheth ka Gilead wang tlotli na, Ashar wang na, Jejreel wang na, Ephraim wang na, kiimaq Benjamin wang na, kiimaq liiwan raü ka Israil mung hupli thaq na hokham ma shongto.

1 KAÜWA WERAÜ 5:9

Tsangshiq raq Gilead wang na nyamse pahea dunghiq wanto. Kra ningkhan tsangshiqnok ka kriimaq shedong mung nü nü na bintang jiingi kumtsaiphii wang ümloq na saüli wa hamtlaq kra hamwan raüta Euphretis rai kii wang kiina saüli shong wanto.

Tvtsvmc 60:7

Gilead wang ka ihiq, kiimaq Manase wang kiimin ihiq sii; Ephraim wang ka ihiq shong kiimaq Juda wang ka ihokham chongwai kii.

WEAWEA 32:1

Reuben phan nai Gad phan jaq niika jam nyamse kong pahea. Krai mren tsangshiq raq Jajer wang nai Gilead wang binjü ka nyamse rüm ma hiqshong ka thep chhito.

WEAWEA 32:20

Kiijiishe Mosheq raq treto, “Namshiq raq ngutlan kra ngohea miklo han jiika, ikhla arjaq Tatiwe manna, rekhat wa miitu chiqchap rechap süje tiije ronglaq.

WEAWEA 32:22

Raüta mung ka jiiwan chang. Kra kunjai shetiq namshiq ka mijangho han. Jamkhano ngukla namshiq raq Tatiwe ma jaq shamke chang nai namphu namno Israilnok ma khrum jaqshamke chang ka lot lanshe ngushat. Kra raütiq Tatiwe raq ara Jordan rai reko shedong nü wang arka namshiq riishe dea nguta tri ka mishat.

WEAWEA 32:26

Naishiq jamti nyungre kiimaq naisetiim kiimaq naishiq minsaü kong kiimaq sku kong ka Gilead wang chela thun kiijaq misi.

WEAWEA 32:29

“Gad phan nai Reuben phan maiqwere thun ka Jordan rai ka jin raüta Tatiwe aming wokhong maq rekhat miitu khekham jiila kiimaq tsangshiq khrum maq namshiq raq mung ka khat lanta mijii wan lot han jiila, tsangshiq ma Gilead wang ka tsangshiq tachong hiqshong miitu kuq ronglaq.

TRI CHONGKE 3:18

“Kra chumkuq kang akhing na, ngi raq tsii ka chongkuq kang: ‘Tatiwe nashiq Shiikeawe raq namshiq ma Jordan Rai maq shedong nü wang thun kra namshiq siwan miitu kuqto. Riita ümchaü min namshiq phong wa srea nolabi thun kra rekhat wa miitu tiije ronglaq. Lanta Jordan rai reko na Israilnok maiq phan ahinti kriima lamkhu shea tiiwa ronglaq, raüta tsangshiq raq tsangshiq rii hiqshong thun kra jiiwan na khrum kuq ronglaq.

TRI CHONGKE 3:20

Namshiq maiqmiinok ata Israilnok phan thun raq Tatiwe raq tsangshiq rii achumkuq Jordan rai reko mung wa hiqshong rahai thun kra tsangshiq raq mijii wan shaq wiiwii, Tatiwe raq namshiq ma hansang maq shong nga wan miitu jamkho tiihong kuqtaq kiikha tsangshiq miimin asi chang hiq shong thun kra mitiihong kuq wan shaq wiiwii khrum kuq ronglaq. Kra lot lantiishetiq namshiq ka ara ngi raq namshiq ma hiqshong rahai chumkuq kang arjiishe jangho lantiishe mishong nga wan han.’

TRI CHONGKE 34:1

Mosheq ka Mob mung hiq thungtan maq Nebo Pum na düwanto. Raüta Pisga Pum khuthaq na düwato. Kriika Jeriko chela maq shedong nü na riito. Kiimaq Tatiwe raq apaiq ma Kanan mung tlotli ka tiichhi kuqto: Gilead wang hamli maq riita shekhu nü na Dan chela na saüli tiichhi kuqto.

JOSHUA 13:11

Kra thun ka Gilead wang binjü kra, Geshur wang binjü kra, kiimaq Maka wang binjü kra, kiimaq Harmon Pumji wang binjü thun tlotli, kiimaq Bashan wang binjü tlotli, raüta Saleka wang binjü na saüli.

JOSHUA 13:25

Tsangshiqnok hiq rai mong niika, Jajar chela kiimaq Gilead wang wa tlotli chela thun kra, kiimaq Ammon mung wa Aroar chela na saüli riito; Aroar chela ka Rabba chela ma maq shedong nü na riito.

JOSHUA 13:31

Kiimaq Gilead wang wa khoko kra tiiham wanto, kiimaq Bashan wang wa Og hokhamwe nyungchong chela wiinai Ashtaroth chela nai Edrei chela kriimin lomtlii riito. Arthun chela arka Manase se Machir saüse phan ma chumkuqto.

JOSHUA 22:10

Riita Reuben phan, Gad phan, kiimaq Shedong nü na siti Manase phan ka Jordan rai maq shenyap nü na Geliloth chela na saüto. Raüta tsangshiq raq kiijaq jürai tho na ajongwiq kiimaq atsomwiq berong-wacha ashi haito.

PHOWEBI 20:1

Mung tiihea raüpot kra lap raüta, Israil mungti tlotli sheqkhu nü na Dan chela maq phaho raüta shemai nü na Beersheba chela na saüli, kiimaq shedong nü miika Gilead wang na saüli, mungmaiqse raq bom ka treto. Raüta tsangshiq tarü kiqshi maq Tatiwe man na Mijpa chela na ngongthunto.

PHOWEBI 5:17

Gad phan ka Jordan rai maq shedong nü na shongto. Kiimaq Dan phan ka sangpholai na minshiiqto. Ashar phan ka khamjongkii na shongto; tsangshiq ka khamjongkii na chamtraq, shongto.