Biblia Todo Logo
La Biblia Online
- Anuncios -




JOSHUA 22:5 - Hawa Naga Bible 2001

5 Moshe rueq nvr kv-phuinx tvrac kuex phvnx wuez shuinz: Yehowa nuimshiq Tishox muex lungwawx shuinz, vpiq thuinroc shuimx kaz vtueq, vpiq tvrac htenc kuex phvnx shuinz, vpiq nuex tvmtuing httax vtueq nuimshiq thuinz vmungx lotlaz maq nuiyc rullungx lotlaz maq vpiq muex nawk palx kuq shuinz,” ngoz tueq jungx tueq.

Ver Capítulo Copiar

ASII LAKDAP Bible (BSI)

5 Mosheq raq namshiq ma aming tri raütu kuqtaq kra tsapkapkap maq lang ronglaq: Tatiwe nam Shiikeawe ka lungwii ronglaq, apaiq raq thimitlaq kra sham ronglaq, apaiq aming thun kra lang ronglaq, apaiq wokhong na phaqchii nichii maq sironglaq, kiimaq tsan nai mongjii wiita kuq lanta apaiq ka shiili lii ronglaq.”

Ver Capítulo Copiar




JOSHUA 22:5
50 Referencias Cruzadas  

Vpiq rueq nvrc bomc htenc kuex tay phvnx vtueq, vlvmx yauk shuimc shuimc jix kuex thuinhvlx yaq.


Vkhoc lvmx maq jix tsuingshiq rueq Tishox muex tvluimc wvnc wuez shuex, vpiq rueq shuimx wvnc tueq htenc kuex tsuingshiq rueq lauk gay shuex rvmuq, vpiq rueq nvrc tvrac htenc kuex mkaq muinz phvnx wuez shuex rvtueq.


Vpiq rueq, “Mkhoc shoc maq nuimshiq rueq ngaz rueq nvr shaungx htenc nuiyc ngvy tvrac kuex tvkhvlc muit maq phvnx ruiux yuq, ngaz rueq Ejip miqsaz htauk nuex tvhttuiuc kuq tauk thuimkux kuex nuimshiq htauk nuex tvhttuiuc mauk rvshaungx. Ngaz kuex nuimshiq tvhvlc jix Yehowa rvtauk,” ngoz tueq jungx tueq.


Yuq muinz ngaz muex lungwawx jix nuiyc ngvy tvrac phvnx jix kuex vphvnx pat vmunc nuex httuiuc laz ngvy lungwawc thuinz kuex tvkhic shaungx.


“Nuimshiq muex ngaz Yehowa rueq jungx vphaungx phvnx ruip saz kuex tay shuinz. Vganc tishox htenc kox wawc nauk thoz kaz; kvruex hez muingc htenc doc muinz nauk jungx kaz.


Nuimshiq rueq ngaz muex nawk palx kuq ruiux yuq, Ngaz, Yehowa nuimshiq Tishox rueq nuimshiq muex ruimruimx kuq vtueq, phuiuz vsvy nuiyc yuix kuex phoay laz tv-phauk saq phaungx, vmac vtsac lotlaz lvmz kuq gay phaungx.


Mnoz rueq kvmungx vshuiux lvmx rueq mrullungx kuex shvmx vrvmx tvdung kuq yaq ningkhvnc nuex, mnoz rueq kvmungx vshuiux lvmx yvmx khoc lac httax yaq nguinx kuex honc lvmz shuiuz.


Vjux vguez phuiuz vsvy tvkoc yvmx ngoz tueq lac kuimphox tvhtumx vshuinx? M-yauk mauk kuex tvhtumx gay ruiux yvmx ngoz tueq lac rvmc svy lez httax vtuinx? Ngvy kvjaz kuex tay vtueq ngaz rueq jungx phaungx kvkhoc shuimx shuinz, nuimshiq rueq raungc hvlc phvnx phuiuz vsvy kuex phauk saq vtueq kokez wuez kuinz.


Tsuingshiq rueq Bala muingc jungx vtueq kvtuemc tvkoc ngvy miqsaz htenc muex tvluing kuq wvnc tueq rulc rv-ngvlc, tsuingshiq thuinz vmungx lotlaz maq ngvy miqsaz htenc nawk palx htungx kuex lvp wvnc vtueq, ‘Yehowa vtvraungx,’ ngoz tueq kvtuemc ruiux yuq, tsuingshiq kuex ngvy miqsaz htenc nuex lomx vtueq rungwanx wvnc wuez tuex.


Yesu rueq, “‘Taungjix m-Tishox kuex mthuinz mmungx lotlaz maq, mthuinz mtharc lotlaz maq, tvmaung rvwvlc lotlaz maq lungwawc rax tuex,’


Kvkaq Yesu rueq, “Satan lex, kaz wvnc kuiuz! Rumvrc luik nuex, ‘Taungjix m-Tishox muex dvyx nawk palx lvp shuiux nuiyc vpiq muex shomc kuy rax!’ ngoz tueq juex wuiyq shec tvnx,” ngoz tueq tvralc tueq.


“Ukhaq muinz jiyungx wanueyc bomc nvrc jix muex yaungx lot muq; piq rueq washiz kuex shuiuc vtueq washiz kuex lungwawx shuex; washiz nuex tvmtuing httax ruiux, vganc washiz muex wvlc guez rvshuex. Nuimshiq rueq Tishox muex muinz mungkawx tsak vnyvmx muex muinz vdvmz nuex shuimx lvp muit.


Ngvy yauk shuimc vruex gurc pic jix ukhaq yuq muinz, ngvy yix nuex phvnx naungx vtueq ngaz httax taungx kvyuq ngvy nvrc waz muinz httax tuex. Iwaz rueq ngvy yauk shuimc kuy jix ukhaq muex muinz tvtsanc nganc kuq shuex.


“Nuimshiq rueq ngaz lungwawx vphuinx ngoz ruiux kuex ngaz rueq nvrc bomc htenc kuex tay phvnx wuez shuinx.


Piq httuiuc kaz tueq nuex miq htenc muex Tishox rueq yvmx khoc lac ruimrix kuq yaq nguinx kuex khiz vtueq, piq kuex vkoz vkez maq Taungjix nuex thuinz vmungx lotlaz maq tvmtuing httax tvkoc lotlaz muex honc tvsvmz jungx kuq tueq.


Yvmx khoc lac ngoz ruiux lec ngvy remc jix waz ngaz rueq nawk palx vshaungx Tishox vpiq raungkamx waz washiz m-yac ngvy kox nuex kaz vtueq,


Ngaz rueq jungx vshaungx vsuing rvtueq kuex ngvy thuinz vmungx lotlaz nuiyc vpiq Saz Thuix Thaungx Vhvlx lvmz jungphvnx vtueq ngaz rueq nawk vshaungx Tishox kuex ngvy hakhix rvtueq.


Lungwawc thuinz nuex kvguirc guenc lomx muq mruez kueq; honc vbac kuex shuiuc gay ruiux, vhvlx nuex rvwak kuiuz.


Tishox muex lungwawx vtueq vpiq rueq dvnc dawc yaq rulc rv-ngvlc vgvlc rvhumc jix htenc tvkoc lotlaz muex vhvlx lvmz m-yaungx wvnc kueq, Tishox kuex tsuingshiq rulc vdvmz nuex yauk shuimc yaq kuex naungshiq rueq tuiuz vshix.


Yehowa nuimshiq Tishox muex hiyaz tvtsanc nganc vtueq vpiq muex dvyx nawk palx kuy rax. Vpiq muex tvmtuing httax ruiux vpiq muingc kuex ruingc vtueq dvyx bomkhvmc tvy rax.


“Yehowa nuimshiq Tishox kuex lungwawx vtueq vpiq tvrac htenc kuex phvnx wuez shuinz.


“Kvkhoc rvtueq nuimshiq muex majuiuc raungnuiyq ngaz rueq kuq vphaungx tvrac kuex phvnx wuez shuinz; Yehowa nuimshiq Tishox muex thuinz vmungx lotlaz maq lungwawx shuinz.


“Nuimshiq muex ngaz rueq jungx kuq vphaungx tvrac htenc kuex tvmtuing vhttax maq phvnx wuez shuinz: Yehowa nuimshiq Tishox kuex lungwawx shuinz, vpiq rueq nvr yaq htenc kuex phvnx vtueq tvmtuing maq httax wuez kuinz.


Yehowa rueq shunshvlx yaq kuex phvnx vtueq vpiq muex tvtsanc nganc shuinz; vpiq rueq jungx yaq kvjaz kuex tay vtueq phvnx shuinz; vpiq muex nawk palx vtueq tvmtuing maq httax wuez kuinz.


Nuimshiq rueq kvruex maq Yehowa nuimshiq Tishox kuex raungc raq tvluimc vtueq, nuimshiq thuinz vmungx lotlaz maq vpiq kuex thuiyx wuez ruiux yuq kuex humc wuez shuinx.


yuq muinz Yehowa Tishox muex kvmluimx jix nuimshiq kuex majuiuc raungnuiyq nuex httuiuc laz thuiuzthuic tvraungx tvhttax yaq.


Nuimshiq rueq tvrac kvruex rvkhauk laz tvmtuing maq phvnx ruiux yuq, vganc phvnx miqsaz htenc khaungkac nuex nuimshiq taksux tharc nuiyc vtuiuz vtay kuex kvkhic wvnc tuex. Tsuingshiq rueq tvrac htenc kuex tay wvnc ruiux yuq, ‘Vruex phvnx miqsaz vruex kuex taksux tharc nuiyc vtuiuz vtay httaz hvlc miqphvnx vyungx khoc vnauz!’ ngoz tueq thaungbaungx wuez shuex.


Nuimshiq honc lvmz wuez shuinz! Miqmac muik maq khiz wvnc tuit htenc kuex lauk gay muit tvkoc tvmaung hvt rvshuinz. Kvruex lvmz kuex nuimsaz hez nuiyc nuimsuiuz hez muex jungx kuq wuez shuinz:


Yuq muinz ngaz muex lungwawx vtueq ngvy tvrac phvnc jix muex kuex miq pat vhingc vmunc nuex httuiuc laz ngaz rueq menjenc kuq shaungx.


Yehowa nuimshiq Tishox rueq vkuq tvrac lotlaz kuex phvnx wuez shuinz.


Tishox kejux wawc kvyez wvnc jix yaungx muq mruez kueq, tvwungx wuez shuinz. Vkhuip pulx ruingx kuex peluz wvnc vtueq piq vyangx maq kuilc daz paunghvlc tvrvhumc kuq yaq ikhoc, nuimshiq ukhaq nuex muinz kvkhoc yaungx muq mruez kueq, honc lvmz wuez shuinz.


Mvyx tvy rvhumc ruiux yuq phaungx duingduing tvmtuing httax jix waz kuex thuinhvlx yaq, yvmx khoc lac ngoz ruiux lec piq rueq kvkhoc talx lawc yaq kuex lotlaungc wvnc shuex nuex Tishox rueq vpiq muex lungwawc jix muex kuq shaungx ngoz tueq bomkhvmc kuq shec tueq rullungx yauk mauk kuex lvp wvnc shuex rvtueq.


Lungwawc phunox bix lex, tay wuez shuinz! Kvmluimx lvmx nuex rungwanx jix yaungx vtueq, vpiq muex lungwawc jix htenc muex kuq shaungx ngoz tueq bomkhvmc taq shec tueq raungx mungtan wawc tsak vnyvmx kuex lvp wvnc laung nuex Tishox rueq mungkawx vwawc htemc saz jix htenc kuex thvl wvnc tueq.


Kvkhoc ruec tvraung, majuiuc nuex httuiuc laz nuimshiq rueq phvnx vshuinx rulc rv-ngvlc Yehowa muex kvmluimx wuez kuinz.


Tsuingshiq rueq Tishox nvrc waz Moshe shic nuiyc Khelbuenx Saz shic kuex shix vtueq, “Tvphaungc Tvsuip Taungjix Tishox lex, Mnoz rueq shuimx wvnc toq yauk- shuimc kuex pinhtumc vwangc juing rvtueq! Miq phvnx lotlaz muex Hokhvmx, Mlvmx phvnc kuex pinhtumc vlvmx nuiyc pinhtumc tsuingrux ix!


Samuel rueq, “Nauk hiz wuez kaz, nuimshiq rueq kvkhoc layx vbac kuex nuimshiq rueq shuimx gay tuit, yuq muinz Yehowa kox maq nauk kvroz wvnc wuez kaz, nuimshiq thuinz vmungx lotlaz maq vpiq muex shuimx kuq wuez shuinz.


Yehowa kvjaz kuex tay phvnx vtueq, nuimshiq thuinz vmungx lotlaz maq hiyaz tvtsanc nganc ruiux thuinz vmungx lotlaz maq shuimx kaz shuinz. Nuimshiq tvkoc vpiq rueq shuimx wvnc tueq yauk shuimc yunghvlc htenc kuex rvwvl tvmaung wuez shuinz.


Samuel rueq Israel miqsaz muex jungx tueq kuex, “Nuimshiq thuinz vmungx lotlaz maq Yehowa kox nuex yek waung ruiux yuq, pungnuk tishox lotlaz nuiyc Astarte nyuiuz yac yuimx htenc kuex tuip gay wuez shuinx. Nuimshiq miqmac shauk pumz kuex Yehowa muex tvshuk lekuq ruiux vpiq muex dvyx nawk palx kuq ruiux yuq, Philistin miqsaz yauk wawc vpiq rueq nuimshiq kuex palc wvnc kv-phuinx,” ngoz tueq jungx tueq.


Síguenos en:

Anuncios


Anuncios


¡Síguenos en WhatsApp! Síguenos