JOSHUA 22:5 - ASII LAKDAP Bible (BSI)

⁵ Mosheq raq namshiq ma aming tri raütu kuqtaq kra tsapkapkap maq lang ronglaq: Tatiwe nam Shiikeawe ka lungwii ronglaq, apaiq raq thimitlaq kra sham ronglaq, apaiq aming thun kra lang ronglaq, apaiq wokhong na phaqchii nichii maq sironglaq, kiimaq tsan nai mongjii wiita kuq lanta apaiq ka shiili lii ronglaq.”

Hawa Naga Bible 2001

⁵ Moshe rueq nvr kv-phuinx tvrac kuex phvnx wuez shuinz: Yehowa nuimshiq Tishox muex lungwawx shuinz, vpiq thuinroc shuimx kaz vtueq, vpiq tvrac htenc kuex phvnx shuinz, vpiq nuex tvmtuing httax vtueq nuimshiq thuinz vmungx lotlaz maq nuiyc rullungx lotlaz maq vpiq muex nawk palx kuq shuinz,” ngoz tueq jungx tueq.

JOSHUA 22:5 Referencias Cruzadas

Tvtsvmc 106:3

Peohea apaiq aming thun langti ma, jurwa wranaiqshe tingting klotlaq.

Tvtsvmc 78:7

Akha klowan raütiq tsangshiq riimin Shiikeawe ma kamtsantsii mithü wan raüta apaiq raq jamlai jaqwa shamkuqtaq kra manphan ka laqbaiq mak miraq, shatmaq apaiq aming thun ka wranaiqshe lang raüta misi.

DUNGWVNC 15:26

Apaiq raq nguto, “Namshiq raq ibom ka kunli phaqchii nichii maq tai hanla, lanta Ngi raq jamlaiwa riikhaqli nguta thapthi tiikang kra klo hanla, kiimaq Ngi raq akuqha aming thun ka wiita lang hanla, Ngi raq namshiq ma mo ka tiiho mang mirha, Ejip mung khuthaq na thadong tiisaü kaü thun ka, namshiq khuthaq na ashi ra dongdii min tiisaü mang mirha. Ngi ka Tatiwe, namshiq thatsi tiiheaketi.”

DUNGWVNC 20:6

Shatmaq Ngi lungwiiti nai Ngi aming thun wokhong na siti miika Ngi lungwiitsii ka maiqpat ahing ahing na saüli mitiichhi kuqha.

DUNGWVNC 23:13

“Ngi, Tatiwe raq ümniima tsii ümchuwa chongkuq kang kra tiitsang tailaq. Laihin phra kong jaq wa achu naq jaüki. Tsangshiq mang thun kiimin achong maimak.

DUNGWVNC 23:25

Kiimaq ümniiraq Ngi, Tatiwe, üm Shiikeawe ka shomnoq haüla, Ngi raq ümniika phaq nai sea chamtraq kiimaq khu akham chamtraq mishman kuqha. Kiimaq ümthatsi thun ka wiita alam mirbaiqha.

TAKSU LAK 4:23

Üm tsan na jamlai wa tiima tlaü, kra miitu honkamshat riilaq, Ümtsan na jamkho tiima tlaü, kriiphan phan ümrilung ka mitiiq.

ISAIA 55:2

Wok phemak chang phan kiijaq kampho jaram sumwa? Nam ningchang kra shaphaq jai min ram tsishatli chang jiika kampho jaram sumwa? Ibom tai ronglaq, lanta Ngi raq achongha kra sham ronglaq, kra riihan jiila namshiq raq phaqsea ahea pinthum miphaqsiq han.

JEREMIA 12:16

Kiimaq tsangshiq raq maiqmii tsan nai mongjii wiita kuq raüta, isenginok raq shomnoqtlaq lamphan kra phan raüta, kiimaq tsangshiq raq, ‘Tatiwe ka atra sishat wiiwii’ nguta tiitum wan raüla, tsangshiq raq man na isenginok ma Baal phra mang na tiitum ronglaq nguta shrinkuqtaq kiikha tsangshiq riimin tiitum wan raüla, tsangshiq kiimin isenginok rai kongshi ma mijawan kiimaq chiithe lüwanok ma mija wan.

Matthew 22:37

Kiijiishe, Jesuq raq treto, “‘Ümniiraq Tati Shiikeawe ka tsan nai mongjii, tsaiji kiimaq khutsai kunli kuq laüta lungwii laq.’

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

Matthew 6:24

“Jurmin tijong wenai rümlot mak. Apaiq raq weshi ka alungwii miraq. Kiimaq weshi ka ashummii miraq. Apaiq raq weshi ka ashreng miraq. Kiimaq weshi ka asaisi miraq. Ümniiraq Shiikeawe nai tsiiq tum ka adam na shomnoq wan lot maü.”

John 12:26

Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”

John 14:15

“Namshiq raq ngi lungwii han jiika, i wokhong na silanta, ngi raq namshiq ma aming kuq tiikang kra lang lanta misi han.

Acts 11:23

Barnabas ka Antiok na saüto. Kiimaq Shiikeawe raq tsangshiq ma pinthum achu shiiman kuq tlaq kra chhito. Kra chhi raüta, apaiq ka kai khoqriiqto. Kiimaq apaiq raq tsangshiq ma tsan nai tsii wiita kiinong kuq lanta tsapsaü kapse maq, Tatiwe ma kamwan ruq maq shongnga ronglaq nguta tsaido jido bomtsi chongkuqto.

Acts 27:23

Ara jamkhano chongtiikang ngukla, ümwa rawa ngi raq shomnoq tiikang Shiikeawe rase ashi ka ngi phana kito. Kiimaq ngi ma bom ka akha chongkuqto,

Romans 1:9

Ngi raq ara chongkuq tiikang arka, tengto dea nguta hakhi keti ka Shiikeawe asi. Shiikeawe ka ngi raq, i tsan i mongjii wiita kiinong kuq lata, Ase manphan Tsütsa Ahea bomtsi ka, nanok ma chongkuq tiikang kra lümaq, ngi raq shomnoq wan tiikang. Ngi raq achu jaü tiikang akhingtek na,

Romans 12:9

Maiq ma lungwii tsii ka siirairai hea thü wan lili ronglaq. Jamlai wa abi phan, kriika atsaihai rii ronglaq. Jamlai wa ahea, kra jaqkhon tiipha lanta shamshat maq si ronglaq.

Romans 8:28

Nashiq raq asap i, Shiikeawe lungwii wanti maiqse ümchuwa siwa tlaq, kriiti miitu ka, apaiq raq phanrap phanrii na, ahea miituli klo wan tlo. Arka Shiikeawe apaiq raq, maiqse ümchuwa, apaiq raq jamlai phan wa thapthi wantaq, kra tiikupi wan miitu, hea wantiiti thun kra miitu chongtlo.

TRI CHONGKE 10:20

Tatiwe namshiq Shiikeawe wokhong na phaqchii nichii maq sironglaq. Lanta apaiq kli shomnoq ronglaq. Apaiq rai tiipum tlii lanta sironglaq. Kiimaq namshiq kiqkham bomtsi kiimin apaiq mang chong lantli kham ronglaq.

TRI CHONGKE 11:1

Mosheq raq Israilnok ma nguto, “Tatiwe namshiq Shiikeawe ka lungwii ronglaq. Lanta apaiq thungtri raütu thun wiita kunli kra lang ronglaq.

TRI CHONGKE 11:13

“Kra ningkhan, ümchaü ranaiq ngi raq namshiq ma aming thun kuqkang arthun ka lang ronglaq. Tatiwe namshiq Shiikeawe ka lungwii ronglaq kiimaq apaiq ka nam tsan nam mongjii wiita kuq lanta shiikum pan ronglaq.

TRI CHONGKE 11:22

“Ngi raq namshiq ma thungtri raütu thun ümchuwa kuqkang kra tsapsaü kapse maq lang lanta shongnga ronglaq. Tatiwe namshiq Shiikeawe ka lungwii ronglaq. Apaiq raq aming kuqtlaq kra kun kun sham lanta sironglaq. Apaiq rai tiipumtlii lanta sironglaq.

TRI CHONGKE 13:4

Tatiwe jai phan laüta silaq. Laüta apaiq ka shrenglaq. Apaiq aming wokhong na silaq. Laüta apaiq aming thun kra langlaq. Apaiq kli shomnoqlaq. Laüta apaiq rai tiipumtlii silaq.

TRI CHONGKE 4:29

Kra mung thun maq namshiq raq Tatiwe namshiq Shiikeawe kra chhihai jiilei nguta mirit han. Kiimaq namshiq raq tsan nai mongjii wiita kuq lanta apaiq ka rit han jiila, apaiq ka mihum han.

TRI CHONGKE 4:4

Shatmaq namshiq phong wa maiq ümchu riiwa Tatiwe, namshiq Shiikeawe wokhong na tsapkapkap maq siwan lan, kriiti thun ka ümchaü ranaiq na saüli atra sitlan.

TRI CHONGKE 4:6

Kriithun thungtri ka tsapkapkap maq lang ronglaq. Kra klo han jiila, maiq mung phan hintinok raq namshiq ka taksu maiqsenok dea nguta michhi. Kiimaq tsangshiq raq arthun thungtri kra tai raüta, tsangshiq raq, ‘Ara mungti arka pinthum taksu kiimaq phaqchi jonghea phan maiqse!’ nguta mingu.

TRI CHONGKE 4:9

Namshiq ka hon kamshat maq sironglaq! Namshiq raq maiqmii mak maq jamlai wa chhi wan lan thun kra, namshiq ka atra sitlan wiiwii, arka ümtiikiimin naqlaq rongkiq. Namsetiim ma kiimaq namsaütiim ma arthun ara chongkuq lili ronglaq.

TRI CHONGKE 5:10

Shatmaq Ngi lungwiiti nai Ngi raq akuqha tri thun kra langtibi miika, maiq pat ahing amun na saüli lungwiitsii mitiichhi kuqha.

TRI CHONGKE 6:17

Tsan na tiitsang dada maq sirong laq, apaiq raq namshiq ma thungtri raütu thun kuqtaq kra riikhaqli lang lanta sirong laq.

Hebrews 12:15

Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.

JOSHUA 23:8

Namshiq ka ümchaü niitaq saüli Tatiwe wokhong na tsapkapkap sitlan, kra phan phan Tatiwe wokhong na phaqchii nichii maq siwan ruq ronglaq.

Revelation 15:3

Raüta, tsangshiq ka Shiikeawe jaqshise Mosheq raq shingetaq kra shi nai Skuse raq shinge wantaq kra akha shinge trang taikang: “Achong lot mai awang chang ajong jaqshamti, O Tati Ajong Shiikeawe lei. Tingting tri raütu kappe shamti, Pattup pat-sa Hokham we.

1 SAMUEL 12:20

Kiijiishe, “Naqhai rongkiq,” nguta Samuel raq treto. “Namshiq raq ara ngarai jonghea li tang lan jiimin, Tatiwe wokhong wiika ahin na naq juho rongkiq. Shatmaq tsan nai mongjii wiita kiinong kuq lanta, apaiq kli shomnoq rong laq.

1 SAMUEL 12:24

Tatiwe aming thun ka lang ronglaq. Lanta tsan nai mongjii wiita kiinong lanta tsapkapkap maq apaiq kli shiili ronglaq. Apaiq raq namshiq miitu jaqsham jonghea shamkuqtaq kra tsan na tiitsang lanta sironglaq.

1 SAMUEL 7:3

Samuel raq Israilnok ma nguto, “Namshiq raq tsantsii wiita kuq lanta Tatiwe puk na nyapro tlan jiila, namshiq raq pongmung phra kong, kiimaq phra nyung Astarte sumla thun ka wiita tiisiirai tsuqbaiq ronglaq. Namshiq khum ka Tatiwe miilishe kiinong kuq ronglaq. Lanta apaiq kli she shomnoq ronglaq. Raüla apaiq raq namshiq ka Philistainnok jaqkhon mong wa mitiichhii kuq wan.”