1 SAMUEL 2:20 - ASII LAKDAP Bible (BSI)

²⁰ Raüla Eli raq Elkana nai tsangnyung ka akha shiiman kuqtlo, “Ümniiraq ümse ashi Tatiwe ma kiinong kuq laü kra song miitu, apaiq raq ümniima arnyung lümaq ümsetiim abiritiq mikuqlaq.” Kra lot jai tsangshiq ka jam niishe jang wantlo.

Hawa Naga Bible 2001

²⁰ Kvkaq Eli rueq Elkana nuiyc vtaungx nyuiuz muex ruimruimx kuq vtueq piq muex ngoc, “Vpiq muex mnoz rueq lekuq shec toq saz vruex laung nuex yalxjuik nyuiuz vruex htauk vyuq vganc suiuz vsaz htenc kuex Yehowa rueq mnoz muex mkuq kv-phux,” ngoz tueq jungx tueq. Kvruex yimaq tsuinghez kuex yuimx nuex yek waung tueq.

1 SAMUEL 2:20 Referencias Cruzadas

RAPHA HIQWA LAK 14:19

Raüta apaiq ma shiiman kuqto. Raüta akha ramkuqto, “Ratsan Ramong Nyang Na Siti Shiikeawe, ra nai hiq klotiwe raq Abram ka mishmanlaq!

MALAKI 2:15

Shiikeawe raq ümniika ümjamti-nyung rai han-ngam na kiimaq wenyi na pum ashi han ashi klokuq wanto riimak shea? Apaiq raq namnai tiishong nga wantaq arka jamlai miitu wa? Arka namsetiim ka riikhaqli Shiikeawe saüsetiim ma mija wan laq nguta atiishong wan. Arningkhan, namshiq liipan wa ju riimin, achak ma jaqkhaq raü atiipakuq kra, diibaiq maimak.

Luke 2:34

Simeon raq tsangtsam ma ramram achu shiiman kuqto. Raüta, anyung Meriq ma chongto, “Ara no arka, Shiikeawe raq ashong. Apaiq lümaq, Shiikeawe raq Israilnok phan pahea mishthen baiq. Kiimaq apaiq lümaq hali, Israilnok phan, pahea mitiichhii kuq. Apaiq ka Shiikeawe raq ashong wan miithii ajong ashi. Maiq pahea raq, apaiq angeng mirwan.

RUTHA 2:12

Riita, ümniiraq atinkhan ahea awa jaqsham wan laü ara miitu Tatiwe raq ümniima aliip apha maq mitham songkuq laq. Israilnok Tati Shiikeawe puk na ümnaq nyap wan tlaü kra riitiq ümniima poksi mikuq laq!”

RUTHA 4:11

Kiijiishe, mung shiilangbi nai nanok ahinti thun tarü raq, “Tengto. Naishiq tarü ka ara miitu saqsebi. Tatiwe raq ümjamti nyung ka nawi nai Israilnok phan ma wipai Rechel nai Lea raq nati Jakob ma asetiim ka wiqrai rü atang tiipuchi kuq wantaq ikha, mitiipu kuq wan laq. Namsetiim ka tere rü atang ikha Ephrath hiq shong na mipuchi wan laq. Raüta, Bethlehem chela na tsangshiq mangchong ka, ra tsa ikha mijong wan laq.

1 SAMUEL 1:11

Hanna raq sinkhamto. Raüta akha achu jaüto: “Ajong Pinthum Tatiwe lei, ngi ümdise ara liilaq! Ngi chamchao ara liilaq laüta ngi ka ümtsan mong na thülaq! Ngi naqlaqkiq! Ümniiraq ngi ma maiqwe se la kuqhaüla, ngi raq apaiq ka rilung pattup ümnii miitu mikiinong kuqha. Krai mren apaiq raq rilung pattup akhu sihü maq misi.”