JOSHUA 14:13 - ASII LAKDAP Bible (BSI)

¹³ Krai mren, Joshua riimin, Jephunne se Kelib ma achu shiiman kuqto. Raüta apaiq rii tachong hiqshong Hebron chela kra chumkuqto.

Hawa Naga Bible 2001

¹³ Yoshua rueq Jephunne saz Kaleb muex ruimruimx kuq ruiux, Hebron ghaqyungx phvlx kuq tueq.

JOSHUA 14:13 Referencias Cruzadas

RAPHA HIQWA LAK 47:10

Kiimaq Jakob raq hokhamwe ma kiim riiphea ramram kuq raüta tiido wanto.

RAPHA HIQWA LAK 47:7

Kra lot raütiishe Joseph raq awe ka shea wan raüta hokhamwe man na tiichapto. Jakob raq hokhamwe ma achu shiiman kuqto.

2 SAMUEL 2:1

Arjai miishe Dawit raq Tatiwe ma akha waito, “Ngi raq Juda mung na chela thun sitlaq kriiwa, chela ashi kra mipeng wan ha shea?” “Ahea kilaq,” nguta Tatiwe raq treto. “Riita ümra chelati wa?” nguta Dawit raq wai nongto. “Hebron chela kra,” nguta Tatiwe raq treto.

1 KAÜWA WERAÜ 6:4

Eleajar saüsetiim ka pat shi maq riita pat shi na saüli arthun ara riito: Phenehas, Abishua,

NEHEMIA 11:25

Mungmaiqse apako ka chela tho maiqmii wakjam ramsea ajeje tho na hiqshong sitlaq kiijaq siwan wito. Juda phan wa mungmaiqse thun ka, Kiriath chela na, Arba chela na, Dibon chela na, kiimaq Jekabjel chela thun na siwan wito. Kiimaq ara chela thun tho na hiqshong sitlaq kiijaq siwanto.

ASHICHONG 6:9

Shatmaq ngi riika nyungshi kli lungwii tiikang, kiimaq apaiq ka haütaü ikha tsomhea, Apaiq ka anyung wok wa seshi laqlaq, Apaiq ka anyung tsantsii roriise riito, Jechak re tarü raq apaiq kli shomra tlo, hokham nyungre nai nyungliipbi riimin apaiq li shomra tlo.

JOSHUA 14:14

Riita, Hebron chela ka ümchaü niitaq saüli, Jephunne se, Kenijaiq ta Kelib saü asetiim riidea siqtlo. Jamkhano ngukla, apaiq raq Tatiwe Israilnok Shiikeawe aming ka tsapkapkap maq lang wanto.

JOSHUA 15:13

Tatiwe raq Joshua ma aming kuqtaq kra phanphan, Juda phan rii hiqshong achumkuq kiiwa, Jephunne se Kelib miimin hiq ka hongshi chumkuqto. Apaiq kiimin Juda phan wa. Apaiq rii hiqshong ka Hebron chela chumkuqto. Hebron chela ka man na Anak ma awe Arba hiqshong riito.

JOSHUA 22:6

Joshua raq tsangshiq ma akha ramram kuq raüta tsangshiq ka tiiwato: “Namshiq ka jam na chiithe jong she, nyamse kong pahea, kampho, chaq, miiki ngam, jin, kiimaq khu akhea howan lantiishe wawan tlan. Namjaqtinok jaq wa alam wan han sepat lopi thun ka namphu namnobi rai riiphea riinyin riironglaq.” Kra raütiishe tsangshiq ka maiqmii hiqshong niishe wawanto. Mosheq raq Manase phan wa nokkho miika, Jordan rai maq shedong nü wang kriiwa tsangshiq rii hiqshong chumkuqto. Shatmaq Manase phan nokkho miika, Joshua raq Israilnok maiqphan ahinti krai, Jordan rai maq shenyap nü wang binjü kiiwa chumkuqto.

PHOWEBI 1:20

Mosheq raq aming kuq thütaq kra phan phan, Hebron chela ka Kelib ma kuqto. Kelib raq kra chela wa Anak saüsetiim wetsam jobaiqto.

1 SAMUEL 1:17

Kiijiishe, “Khu asang maq walaq, kiimaq Israilnok Shiikeawe raq ümniiraq jamlai wa jaü laü kra mikuq laq,” nguta Eli raq nguto.

1 SAMUEL 30:14

Naishiq raq Juda wang wa shemai nü nü na sitlaq Cherethaiqnok hiqshong binjü kra kiimaq Kaleb hiqshong binjü kra, khatkai. Kiimaq naishiq raq Jiklak chela kriika wa maq tiibunlak chaqbaiq thükai.”

1 SAMUEL 30:31

kiimaq Hebron chelati ma tiiho wanto. Dawit raq apaiq nai asengibi thun ümra hiqshong thun no khumshiim wantaq, kra hiqshongti ma tiiho wanto.