JOSHUA 14:12 - ASII LAKDAP Bible (BSI)

¹² Riita, ümchaü min, ikongtitiim nai ngi raq kra tsütsa chongkuqho kai akhing na, Tatiwe raq ngi ma mikuqha nguta kiqkham kuqtaq, krai mren, ara ku akin binjü thun arka ngi rii chumkuq laq. Kiitiikaq naishiq raq ümniima kra binjü na sitinok ka Anakim phan, jonghea luhea phan sitlo nguta chonghokai ihata. Kiimaq tsangshiqnok sichang chela thun ka, ajong min jong hea, trotam maq long maq aruk nguta chonghokai ihata. Li jiimin, Tatiwe ka ngi rai asi miraq. Tatiwe raq ngi ma jamkho kiqkham khuqtaq kra phanphan, ngi raq tsangshiq ka khat lata, chela thun ka mijii wanha,” nguta Kelib raq Joshua ma chongto.

Hawa Naga Bible 2001

¹² Kvkhoc rvtueq ngaz nuiyc ngvy kungjix hez rueq thaungc jungx laq tiq raungnuiyq ikaq Yehowa rueq kuq phaungx ngoz tueq bomkhvmc kuq phuex vruex kuz hong kuex ngaz muex kuq koq. Kvmaq vmuingc Anakim ngoz yaq wvyungc wvloayc miqphvnx, phaungx ngaungx yaq palx ruk mungx nuex httax ngaungc yaq lvmz nuiyhez rueq mnoz muex tvtay jungx laq phix. Yehowa rueq jungx tueq rulc rv-ngvlc vpiq kuex ngaz rulc vdvmz httax ruiux yuq, kvkaq ngaz rueq tsuingshiq kuex khvt yurc gay shaungx,” ngoz tueq jungx tueq.

JOSHUA 14:12 Referencias Cruzadas

2 HOKHVMX 19:4

Asiria mung rümti ajong hokhamwe raq asengi ajong pinthumwe ka atra Shiikeawe tiishummiikai tiikito. Riita üm Tatiwe, üm Shiikeawe raq arthun shummii tlaq ara mitailaq. Raüta akha bomti thun ma sintsang mitiiholaq. Arningkhan nashiqnok ümchuwa aso tiichong tlaq kra miitu Shiikeawe jaq wa achu jaülaq.”

2 KAÜWA WERAÜ 14:11

Asa raq apaiq Tatiwe Shiikeawe jaq wa akha achu jaüto, “O Tatiwe lei, ümniiriika phen phung ningkun ajomti kra nai ningkun ajongti kiimin jeriiqriiq heali mikhrum kuqlot haü. Ümchaü naishiq ara khrum kuq laq. O Tatiwe, naishiq Shiikeawe lei. Jamkhano ngukla naishiq ka ümniimiili kam tiikai. Kiimaq ümmang chong laita naishiq ka rekong naishiq thaq na pahea phen sitlaq kra khatkai chaptiikai. Tatiwe lei, ümniika naishiq Shiikeawe, ümniika ju riimin khatlot mak.”

Tvtsvmc 44:3

Ümsenginok raq Kanan mung ka tsangshiq nepja maq khat raüta atang wan riimak, tsangshiq srea nola ningkun maq atang wan riimak; kriika ümningkun maq kiimaq ümhong ümla maq, ümniika tsangshiq rai nongnong sikha maq, kriika ümniiraq tsangshiq ka lungwiitlaü dea nguta man tiichhi hakhi riito.

Tvtsvmc 60:12

Shiikeawe ka nashiq rai kongdam nguraü ka nashiq raq mitang rong i; apaiq raq nashiqnok rewe ka khat raüta mitang.

WEAWEA 13:28

Shatmaq kiijaq shongtinok maiq ka sra nola jong siisaq, kiimaq tsangshiqnok chela thun kiimin jonghea hea siisaq kiimaq trotam maq kiitelong maq aruk siisaq. Kriithaq niimin tiibitaq she ka, naishiq raq maiq phan jonghea saüse phan kra chhikai.

WEAWEA 13:33

Kiimaq naishiq raq maiq jonghea luhea phan Anak saüse phan kriimin chhikai. Tsangshiq man na naishiq ka kupchi kaüsetiim ikha tsaiji ranto. Kiimaq tsangshiq makki na naishiq ka jammin tairai mai kong ikha chhito sham.”

WEAWEA 21:34

Kiijiishe Tatiwe raq Mosheq ma nguto, “Apaiq ma naq haikiq. Ngi raq ümniima apaiq ka, asenginok tlotli, kiimaq apaiq mungtan kra wiita mitiitang kang. Ümniiraq Sihon hokhamwe Heshbon chela pengtiwe ka jamkho riilaü, ikha apaiq kiimin kiikhiisii tiibiilaq.”

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

TRI CHONGKE 1:28

Nashiq ka kiijaq jam nguto miwa rong? Nashiq ka haisi. Nashiqnok siwebi kiina tiiwakai kriiti raq chongtlo, kra mung na siti maiq thun ka ahong alanok siisaq. Kiimaq nashiqnok thaq na ajong alu siisaq. Kiimaq tsangshiq ka chela thun na sitlo. Kra chela thun ka kiitelong maq ra tsan ra mong nyang na saüli li siisaq aruk. Kiimaq tsangshiqnok ka tum tintin chhiwataq nguwa!’

TRI CHONGKE 9:1

“Israil lei tai laq! Ümchaü ranaiq ümniiraq Jordan Rai ka jin wan laüta ümthaq na maiq mung jonghea thun nai ümthaq na srea nola jongnok thun kra mijii wan haü. Tsangshiqnok chela thun ka jonghea hea siisaq. Kra chela thun tro na aruk thun ka chohea hea ra na saülili.

TRI CHONGKE 9:3

Shatmaq ümchaü ka ümniiraq ümmak maq michhi haü. Tatiwe üm Shiikeawe ka ümkhaki na sinkhu na walütu kaü raq khiim wantlaq ikha mikhiim baiq wan. Ümniiraq tsangshiq ka khat wantlaü krai mren, apaiq raq tsangshiq ka mitiitang kuq wan. Krai mren ümniiraq tsangshiqnok ka mijobaiq wan haü. Kiimaq tsungshi ka chongthum ma tiija baiqtlii mitiithen baiq haü. Arka apaiq raq kiqkham kuqtaq kra phan miraq.

Philippians 4:13

Khristo raq ngi ma ningkun kuq tlaq kriimaq, ngi raq phanrap akhing saü wan tlaq kra nin lot tiikang.

Hebrews 11:33

Tsangshiq raq, kamtsantsii maq, ara maiqmung ümchuwa sitlaq ka khat wanto. Raüta, tang wanto. Tsangshiq raq, jamlai wa tang tlaq lamlu ka, klo wanto. Krai mren, Shiikeawe riimin, tsangshiq jaqsham ka thukto dea nguta tre wanto. Kiimaq, apaiq raq jamlai wa mikuq ha nguta sinkham kuqtaq, kriika kuqto dea. Tsangshiq ka hangsi kong nübok kiidea min, aphup riibaiqto.

JOSHUA 15:14

Kelib raq Anak saüse phan Sheshai weraü, Ahiman weraü, kiimaq Talmai weraü thun ka Hebron chela kiiwa wiita jobaiqto.

PHOWEBI 1:20

Mosheq raq aming kuq thütaq kra phan phan, Hebron chela ka Kelib ma kuqto. Kelib raq kra chela wa Anak saüsetiim wetsam jobaiqto.

1 SAMUEL 14:6

Jonathan raq jerowe nangnga nguto, “Nanai ka thatsang maiqse Philistainnok phenlabi piitiip kiina saüli jin wan i. Jursap, Tatiwe raq nanai mokhrumke moraq miraq; apaiq raq khrum kuq raü ka, nanai laqlaqse, maiq atsapseli li jiimin, rekhat ka nanai ma mitiitangkuq, jamlai phan riimin tangta lot mak miraq.”