JOSHUA 14:12 - Hawa Naga Bible 2001

¹² Kvkhoc rvtueq ngaz nuiyc ngvy kungjix hez rueq thaungc jungx laq tiq raungnuiyq ikaq Yehowa rueq kuq phaungx ngoz tueq bomkhvmc kuq phuex vruex kuz hong kuex ngaz muex kuq koq. Kvmaq vmuingc Anakim ngoz yaq wvyungc wvloayc miqphvnx, phaungx ngaungx yaq palx ruk mungx nuex httax ngaungc yaq lvmz nuiyhez rueq mnoz muex tvtay jungx laq phix. Yehowa rueq jungx tueq rulc rv-ngvlc vpiq kuex ngaz rulc vdvmz httax ruiux yuq, kvkaq ngaz rueq tsuingshiq kuex khvt yurc gay shaungx,” ngoz tueq jungx tueq.

ASII LAKDAP Bible (BSI)

¹² Riita, ümchaü min, ikongtitiim nai ngi raq kra tsütsa chongkuqho kai akhing na, Tatiwe raq ngi ma mikuqha nguta kiqkham kuqtaq, krai mren, ara ku akin binjü thun arka ngi rii chumkuq laq. Kiitiikaq naishiq raq ümniima kra binjü na sitinok ka Anakim phan, jonghea luhea phan sitlo nguta chonghokai ihata. Kiimaq tsangshiqnok sichang chela thun ka, ajong min jong hea, trotam maq long maq aruk nguta chonghokai ihata. Li jiimin, Tatiwe ka ngi rai asi miraq. Tatiwe raq ngi ma jamkho kiqkham khuqtaq kra phanphan, ngi raq tsangshiq ka khat lata, chela thun ka mijii wanha,” nguta Kelib raq Joshua ma chongto.

JOSHUA 14:12 Referencias Cruzadas

2 HOKHVMX 19:4

Asiria honoc rueq piq miq vyungx vlaungx kuex tvkaz vtueq tvraungx httax yaq Tishox muex shummarc kvjaz htenc tv-ngoz tueq. Yehowa m-Tishox rueq kvkhoc shummarc kvjaz kuex tay vtueq tsuingshiq muex kvkhoc ngoc jix waz murx mtvgurc shueq. Kvkhoc rvtueq mnoz rueq muinz vtvraungx kvjungx yaq naungshiq miq htenc tvkoc Tishox kox wawc vjux thoz kuq koq.”

2 KAÜWA WERAÜ 14:11

Asa rueq Yehowa piq Tishox muex ngoc, “O Yehowa lex, mnoz rueq hungc vguez nolaungx bix muex luimc vkawc hungc hvlc httax wvnc laz romc kuq lot shuiux. Majuiuc dvyx nuiyshiq muex romc kuq koq, O Yehowa nuiyshiq Tishox lex, yvmx khoc lac ngoz ruiux lec nuiyshiq kuex mnoz muex tvluimc vtueq mmuingc maq ralx phungc yunghvlc kuex khvt tvkoc nuiyshiq kaz tiq. Yehowa lex, mnoz kuex nuiyshiq Tishox rvtoq; uraq muinz mnoz kuex taungx lot tvkoc thuinz tvluimc lvp yaq rvmuq,” ngoz tueq thoz tueq.

Tvtsvmc 44:3

Mmiqsaz htenc rueq kvruex ghaq vraungx kuex yaung htenc maq khvt taungx wvnc tueq rvmuq; tsuingshiq luimc vkawc maq kvruex mungx kuex lvp wvnc tueq rvmuq; kvruex kuex mnoz luimc vkawc nuiyc mnoz hungc vlaungc maq tsuingshiq muex mlungwawc tvkhic toq ngoz yaq, mnoz tsuingshiq rulc vdvmz nuex httax vtuiux bomkhvmc ning-khvnc nuex rvtueq.

Tvtsvmc 60:12

Tishox kuex nuiyshiq yix kox nuex jvp ruiux yuq nuiyshiq rueq taungx shix; vpiq rueq naungshiq ralx htenc kuex khvt gay shuex.

WEAWEA 13:28

Yuq muinz kvruex mungx nuex httax yaq miq kuex luimc vkawc httaz hvlc, palx ruk palx htung vhttax ghaqyungx htenc nuex httax ngaungc wuez yaq. Kvdvyx muinz rvmuq pinhtumc yungc loayc hvlc miqphvnx rvtueq kuex khiz shec tiq.

WEAWEA 13:33

Pinhtumc wvyungc wvloayc Anak suiuz vsaz htenc kvmuinz khiz shec tiq. Naungshiq kuex tsuingshiq muik lawc nuex kuphttek sahez ikhoc vkhuc sahez rvtiq, tsuingshiq kuex naungshiq rueq vlawc doc muinz khvmc miq,” ngoz tueq jungx wuez tueq.

WEAWEA 21:34

Yehowa rueq Moshe muex ngoc, “Piq muex nauk hiz kaz. Piq maq raz tueq mungx miqsaz htenc kvmuinz, piq mungtan kvmuinz m-yauk nuex ngaz rueq lekuq phaungx. Mnoz rueq Heshbon nuex httax tueq Amori hokhvmx waz Sihon khvt toq kvkhoc piq kvmuinz khvt shuiuz,” ngoz tueq jungx tueq.

Romans 8:31

Kvkhoc ngoz ruiux kuex vtanc khvnc maq lawc vtueq naungshiq rueq yvmx jungc lot juing lac? Tishox kuex naungshiq kox nuex httax ruiux yuq, uraq lac naungshiq kuex khawx lvlx gay lot phvnx?

TRI CHONGKE 1:28

Nuiyshiq kuex kvruex mungx kvyuq yvmx ngoz tueq tvkay lac? Nuiyshiq kuex kvhiz vtix. Nuiyshiq rueq tvkaz tiq jix rueq jungc kuex kvruex mungx wawc miq kuex naungshiq htauk nuex muinz hungc vlaungc httaz hvlc, vyungc vloayc muinz yungc loayc hvlc, tsuingshiq kuex raungx nuex kvhtuy laz vruk ghaqshungc mungx nuex httax yaq. Pinhtumc yungc loayc hvlc miq kuex khiz shec tueq,’ ngoz tueq nuimshiq rvjungc phvnc wuez vtuinx.

TRI CHONGKE 9:1

“Israel miqsaz lex, tay wuez shuinz! Nuimshiq rueq majuiuc raungnuiyq Yodan Ruilx ral nuex rvp wvnc vtueq, nuimshiq htauk nuex muinz vyungx, luimc vkawc httaz hvlc miqphvnx htenc httax yaq mungx kuex khvt lvp wvnc shuinx. Tsuingshiq ghaqyungx htenc kuex yunghvlc, raungx nuex kvhtuy khvmkhvmz palx ruk maq kvwungx yaq.

TRI CHONGKE 9:3

Yuq muinz Yehowa nuimshiq Tishox kuex nuimshiq khaungx tvmax nuex thuiuz hvlc wvrluic ikhoc, kaz wvnc tueq kuex nuimshiq rueq majuiuc khiz wvnc shuinx. Nuimshiq kaz yaq nuex vpiq rueq tsuingshiq kuex taungx gay ningkhvnc nuex vpiq bomkhvmc httax yaq rulc rv-ngvlc nuimshiq rueq tsuingshiq kuex yurc gay ruiux yauk lox maq tvbac gay wvnc shuinx.

Philippians 4:13

Ngaz muex luimc vkawc tvhungc kuy jix Christu ningkhvnc nuex lotlaz kuex ngaz rueq shuimx lvp vshaungx.

Hebrews 11:33

Kvruex hez kuex kvmluimx vtueq miq mungtan htenc kuex khvt vtueq taungx wvnc tueq. Tsuingshiq rueq vlvmx kuex tay phvnx vtueq Tishox rueq bomkhvmc kuq tueq lvmz kuex lvp wvnc tueq. Hangsic nuix htenc kuex phup gay lot tueq,

JOSHUA 15:14

Kaleb rueq Anak suiuz vsaz rvtueq Sheshai, Ahiman nuiyc Talmai waruiuz htenc kuex ghaqyungx wawc yurc gay tueq.

PHOWEBI 1:20

Moshe rueq nvr tueq rulc rv-ngvlc Kaleb muex Hebron ghaq kuex kuq tueq. Piq rueq Anak suiuz vsaz hez wawc waruiuz thuimx kuex yurc gay tueq.

1 SAMUEL 14:6

Yonathan rueq yalxrox waz muex ngoc, “Lox, kvmluimx muq nuk Philistin miqsaz jerak kvyuq yanz kaz thalx ix. Yehowa rueq naungnueyc muex romc kuq phuex; mkhoc shoc maq vpiq rueq naungnueyc muex tvtaungx kuq ruiux yuq, naungnueyc nuex miq vkomc ngoz ruiux muinz, naungnueyc muex vtuing vshaung yvmx muinz httax tuex rvmuq,” ngoz tueq jungx tueq.