Luke 2:34 - ASII LAKDAP Bible (BSI)

³⁴ Simeon raq tsangtsam ma ramram achu shiiman kuqto. Raüta, anyung Meriq ma chongto, “Ara no arka, Shiikeawe raq ashong. Apaiq lümaq, Shiikeawe raq Israilnok phan pahea mishthen baiq. Kiimaq apaiq lümaq hali, Israilnok phan, pahea mitiichhii kuq. Apaiq ka Shiikeawe raq ashong wan miithii ajong ashi. Maiq pahea raq, apaiq angeng mirwan.

Hawa Naga Bible 2001

³⁴ Simeon rueq tsuingshiq muex ruimruimx kuq ruiux vnyuiuz Mary muex, “Vruex nox kuex Israel htenc muex paunghvlc tvkoc vrulc juing nuiyc paunghvlc tvkoc palc daungc wvnc lvmx muinz, miq paunghvlc rvkhawc rvlvlc juing Tishox kox wawc mvhttarc vshiz tvkoc muinz tvhungx taq shec tueq,

Muklom

³⁴ Simeon aa ning ma sunmaan ko eq nijangsa nu Mary thima batta, “Iri sa raa ahan Israel tang tatal ma etho thalun ma Shkewa talta. Piq raa Shkewa wang ashey umal etharin thaji miqtang aa piq raa miiksuk na,

Luke 2:34 Referencias Cruzadas

RAPHA HIQWA LAK 14:19

Raüta apaiq ma shiiman kuqto. Raüta akha ramkuqto, “Ratsan Ramong Nyang Na Siti Shiikeawe, ra nai hiq klotiwe raq Abram ka mishmanlaq!

RAPHA HIQWA LAK 47:7

Kra lot raütiishe Joseph raq awe ka shea wan raüta hokhamwe man na tiichapto. Jakob raq hokhamwe ma achu shiiman kuqto.

DUNGWVNC 39:43

Kiimaq Mosheq raq hupsam thun ka wiita shrira liito. Raüta tsangshiq raq jaqsham ka Tatiwe raq aming kuqtaq kra phan phan dea kloto nguta liito. Kiimaq Mosheq raq kra hupsam thun ka shiimanto.

ISAIA 8:18

Ngi ka arjaq Tati raq ngi ma akuq asetiim rai sitiikang. Ajong Pinthum Tatiwe raq, apaiq ngachang hokham ngacho ka Jajon Pum na sitlaq kriiwe raq, nashiq ka atra tsütsa bomtsi raütu setiim ikha Israilnok mung miitu tiikito.

Hosea 14:9

Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

Matthew 11:19

Kiimahali Maiq Se ka saüho raüta, phaqsea khamnyang chamtraq maq siwanto. Kiimaq kra chhi raüta maiqse wiitarü raq, ‘Arwe kaü ara liirong laq! Apaiq arka shakaq kiimaq cherop nyiipthop we kaü! Phunta hiti nai ashleq arbaiq maiq anun phan kongti we!’ nguta tsaihai tlo. Shatmaq Shiikeawe taksma nyan jaqsham kaiwa kriika riikhaqli dea nguta jaqsham ka atsi ango maq tiichhi kuq wan tlo.”

Matthew 12:46

Jesuq ka nokwe rai kra riibom rai liipan kiijaq niili, anyung nai anohiitiim ka kiijaq saükito. Tsangshiq kra jamkea na chap raüta nanok ma apaiq rai riihum chang nguta chongto.

Matthew 21:44

Juwa ara longkaü na tiithaü wan tlaq, kriiti ka bunlak mibun wan; kiimaq ju dü niiwa ara longkaü ara dea jiiq, kriiti ka botkhulai ma mitiija baiq wan.”

Matthew 27:63

Raüta apaiq ma akha chongto, “Mungtu we le, naishiq tsan na ümchaü man tiitsangshat. Kra arot we kaü kriiraq, apaiq ka atra sicho ji na, ‘Ngi ka ranaiq tsam jai maq ama wa atiidong mirwan nong’ nguta chongto.

Luke 2:35

Kiimaq, apaiq raq tsangshiq tiima tsantsii apaü raüta, thü tlaq kra thun ka, wiita alin mirbaiq. Kiimaq, ümtsan mong niimin, tsanbi hosi tsi wa kriika, jasai maq ashuk ikha mitsi.”

John 3:20

Abi ngarai jaqsham riika, rawü ka angeng riitlo. Kiimaq rawü niika siro mak. Rawü na si raüka, apaiq raq ranyaq jaqsham tlaq kra rawü na mitiichhiki. Kriikha maq apaiq raq rawii ka romak.

John 5:18

Ara bomtsi ara tai raütiishe, Jehudinok welabi raq apaiq ka atsea baiq chang, ngutiishe tsangshiq raq tri ka tiipha khato. Tsangshiq raq Jesuq ngeng wantaq arka, apaiq raq Asii Niitiitsak ranaiq tri raü kra jin wan lamlam li min riimak, shatmaq, Shiikeawe kiimin apaiq ma Awe nguta tiingo tlo ngutiishe ngeng wanto. Arka, apaiq kiimin Shiikeawe rai mren chhaq arang hoti we nguta tiingo riito.

Acts 13:45

Paul traho bomchong kra taikaiti mungmaiqse kong ka pahea kiraitaq kra chhi raütiishe, Jehudinok ka Paul nai Barnabas ma makshu rashe she ngengsiq wanto. Kiimaq tsangshiq raq Paul raq traho bomtsi chongkuqtaq thun kra khii wan she tsangnai ka longliiq wanto. Kiimaq tsangnai ma shumtsü miitsü she shu wanto.

Acts 17:6

Shatmaq, tsangshiq raq tsangnai ka hum mak dea riito. Kriikha miishe, jamchongti we Jason nai phunainotiim wiijamti ka krun krun she hit-ho raüta, kra chela hupkhang wanti welabi man na hithoto. Raüta, “Arwetiim raq barap binrii na mung wiita brak shaq baiq wanto! Raüta ümchaü ka nashiq chela niishe saü wato.

Acts 24:5

Naishiq raq arwe arka mungshuk shaqti pinthum haisi chang ashi chhi tiikai. Apaiq raq mangjong tlotli na, Jehudinok phan liipan na, tatso wiinyi pahea tiibrak shaq wantlo chhi tiikai. Kiimaq apaiq arka, Najareth hiqti we phung wa lamsheati wela ashi.

Acts 28:22

Shatmaq naishiq riimin, ümnaq shang wan dam laü phungnok tsütsa kra kiitiina atai wan ka ro tiikai dea. Ara jamkhano chongtiikai ngukla, barap binrii na, nanok raq arphung ara ngengseng wanti siisaq chhi tai wan tiikai,” ngutiishe tsangshiq raq Paul bom ka treto.

Acts 4:26

Honyung hokhambi thun, chiqchap rechap thung wanto. Mung welabi thun adam na thung raüta, Tati Shiikeawe nai apaiq Khristo ka khat wan, kumpa lanlii wiita she shong wanto,’ nguta chong tlo.

Acts 6:7

Krai mren, Shiikeawe bomtsi ka maiq pahea raq taiwan wan she riito. Raüta, maiq pahea raq Shiikeawe bomtsi ma kamwanto. Krai mren, Jesuq ma kamwanti maiqnye kong ka, Jerusalem na pahea riiwan wan she pa wanto. Kiimaq ramwe weraü phan wa maiq pahea raq, Tsütsa Ahea ma kamwanto.

Romans 9:32

Riita, ara tsangshiq raq riikhaqli lamlu ka jamkhano hum wan mak dea riita? Kriika, tsangshiq raq, kamtsantsii maq ritwan mak dea riito. Kriikha miitiina, tsangshiq raq hum wan mak dea riitaq ara. Tsangshiq riika, tsangshiq maiqmii raq, jaqsham wan tlaq, kra thaq na seng raüta, kechu maiqse ma jawan lam kra rit wanto. Kra kha miitiina, tsangshiq raq lap wan mak dea riitaq ara. Krai mren, tsangshiq ka, “hok tiithaü chang longkaü,” kiijaq khoti tiithap rai wanto.

1 Corinthians 1:23

Shatmaq nashiq raq riiwe kla, Khristo ka maiqse tiichhiike miitu pumsongkham na tübaiqto nguta kra tsütsa kli mungmaiqse ma chiiriim laita chongkuq tiikai. Riita ara tsütsa arka Jehudinok raq tai miika taibi pinthum. Kiimaq Pongnok phan raq tai miika thiihü hiqtili banbok mii.

Hebrews 7:1

Riita, ara chongtlaq Melkijedek ka Salem chela na hokham jati we riito. Kiimaq apaiq ka Ratsan Ramong nyang na siti Ajong Shiikeawe shomnoqti ramwe we. Abraham ka hokham weblai khat kai kito. Raüta hokham weblai nai tsangshiq sengi thun ümchuwa kra wiita khat raüta tangto. Rekhat tang raüta, rejang wa, lam na awarai riito. Kiijaq Melkijedek ka ki raüta, Abraham ka humkito. Raüta Abraham ma Shiikeawe mang na ramram kuqto.

Hebrews 7:7

Riita, nashiq wiitarü raq asap i, jurwa ramram kuqtlaq kriiwe kriika, jumiiwa ramkuqtaq kriiwe thaq na ajong.

1 Peter 4:14

Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.

1 SAMUEL 2:20

Raüla Eli raq Elkana nai tsangnyung ka akha shiiman kuqtlo, “Ümniiraq ümse ashi Tatiwe ma kiinong kuq laü kra song miitu, apaiq raq ümniima arnyung lümaq ümsetiim abiritiq mikuqlaq.” Kra lot jai tsangshiq ka jam niishe jang wantlo.