Luke 2:34 - Hawa Naga Bible 2001

³⁴ Simeon rueq tsuingshiq muex ruimruimx kuq ruiux vnyuiuz Mary muex, “Vruex nox kuex Israel htenc muex paunghvlc tvkoc vrulc juing nuiyc paunghvlc tvkoc palc daungc wvnc lvmx muinz, miq paunghvlc rvkhawc rvlvlc juing Tishox kox wawc mvhttarc vshiz tvkoc muinz tvhungx taq shec tueq,

ASII LAKDAP Bible (BSI)

³⁴ Simeon raq tsangtsam ma ramram achu shiiman kuqto. Raüta, anyung Meriq ma chongto, “Ara no arka, Shiikeawe raq ashong. Apaiq lümaq, Shiikeawe raq Israilnok phan pahea mishthen baiq. Kiimaq apaiq lümaq hali, Israilnok phan, pahea mitiichhii kuq. Apaiq ka Shiikeawe raq ashong wan miithii ajong ashi. Maiq pahea raq, apaiq angeng mirwan.

Muklom

³⁴ Simeon aa ning ma sunmaan ko eq nijangsa nu Mary thima batta, “Iri sa raa ahan Israel tang tatal ma etho thalun ma Shkewa talta. Piq raa Shkewa wang ashey umal etharin thaji miqtang aa piq raa miiksuk na,

Luke 2:34 Referencias Cruzadas

RAPHA HIQWA LAK 14:19

piq muex ruimruimx kuq yaq lvmx maq, “Raungx nuiyc ghaq tvdungc sungc jix waz Johvlc Pinhtumc Tishox rueq Abram muex ruimrix mkuq shueq!

RAPHA HIQWA LAK 47:7

Kvruex yimaq Yosep rueq vwaz Yaku kuex hokhvmx waz kox nuex shvlx wvnc tueq. Yaku rueq hokhvmx waz muex ruimruimx kuq koq tueq,

DUNGWVNC 39:43

Tsuingshiq rueq vshuimx kaz wvnc htenc kuex Moshe rueq lawc koq tueq lotlaz, Yehowa rueq nvr tueq rulc rv-ngvlc shuimx kaz tueq lvmz kuex khiz lvp tueq. Kvkhoc rvtueq Moshe rueq tsuingshiq muex ruimrix kejux kuq tueq.

ISAIA 8:18

Ngaz muex Yehowa rueq vkuq nosaz rulx rulc vdvmz ngaz vyuq httax vtaungx. Zion Kanx htauk nuex httax yaq, Tvphaungc Tvsuip Yehowa rueq nuiyshiq kuex Israel miqsaz kox nuex vtvraungx bomjungc maq tvkaz phuex.

Hosea 14:9

Vruex wuiyq shec tueq luik kuex taksux tharc tuiuz tay jix ukhaq rueq muinz tuiuz wvnc vtueq thuinz vmungx nuex mhtawc taq shueq. Yehowa lvmx htenc kuex vlvmz rvtueq ningkhvnc nuex, tsuingrux miqsaz htenc kuex kvyuq khuemx vtueq phvnx wuez yaq, yuq muinz mvrax vhttax jix htenc rueq kvruex htenc kuex wvlc guez tvyaungc ningkhvnc nuex kvhtuip vtueq rul wuez yaq.

Matthew 11:19

Miq Saz httuiuc kaz vtueq phauk saq nuingx wvnc tueq nuex, ‘Lawc shuinz vruex waz kuex, phuiuz vsvy muex rvnx jix, svpiq nuingc jvnc hvlc jix waz, muinghic jix nuiyc vtvdux vrvgay miqsaz htenc kungjix waz rvtueq!’ ngoz tueq ngoz vshuinx. Tishox taksux tharc tsuingrux yaq lvmx kuex, shuimx lvmz wvnc yaq yauk shuimc vlvmz kvmaq hakhix tvkhic kuq yaq,” ngoz tueq.

Matthew 12:46

Yesu kuex miq htenc rulc kvjak thuiyc yaq nuex vnyuiuz nuiyc vnox hez kuex httuiuc kaz vtueq vpiq rulc rvbomc muex kvlc htaq nuex jvp tueq.

Matthew 21:44

Kvruex lung htauk kvyuq dvy jix waz kuex vbunx rvwvnc tuex, kvruex waz htauk nuex lung dvy ruiux yuq kvruex waz kuex bunx luik kvluik bunx wvnc tuex, ngoz tueq.

Matthew 27:63

“Jiyungx waz lex, vrot vkaq waz vpiq vtvraungx httax tueq jauz, ‘Ngaz kuex raungnuiyq thuimx yix maq yuing kvtenc wvnc yek taungx,’ ngoz tueq max thueyc kaz nuex vjungx shec kvjaz kuex nuiyshiq rueq rvwvl lvp vshix.

Luke 2:35

kvdvyx muinz rvmuq miq paunghvlc thuinz vmungx nuex httuiyq taq yaq tvmaung thuinz kuex tvkhic tvdungc kuq shuex nuiyc vyonz vyec lvmz tvyaungc vtueq shuiux hvlc yaung maq mthuinz vmungx kuex shuiuq gay tueq ikhoc yaungx tuex,” ngoz tueq jungx tueq.

John 3:20

Yvmx khoc lac ngoz ruiux honc vbac yauk shuimc jix ukhaq yuq muinz, raungwuic kuex shuiuc pac vtueq miqmac honc vbac kuex kvkhic kay muex hiz ningkhvnc nuex, raungwuic nuex kvnvp wuez muq.

John 5:18

Ekvkhoc ngoc ningkhvnc nuex muinz Vguilc Raungnuiyq tvrac yanc gay dvyx muinz rvmuq, Tishox ngoc vpiq waz ngoz tueq ngoz ruiux, vpiq shauk pumz kuex Tishox rulc tv-ngvlc tvy ningkhvnc nuex muinz, Yuda miqsaz htenc rueq vpiq kuex vthvy gay tvkoc dvnc wvnc wuez tueq.

Acts 13:45

Yuda miqsaz htenc kuex nuk miqsaz paunghvlc khiz vtueq, khunnyerc svy thuinz maq Polu rueq tvluing wvnc tueq bomjungc kuex khawx lvlx ngoz ngax wuez tueq.

Acts 17:6

Yuq muinz tsuingshiq rueq humc muq ningkhvnc nuex Jason nuiyc kvmluimx jix miqsaz wvyvmc kuex vyungx vlaungx bix htumc nuex shvlx het wvnc vtueq, “Miq vruex daungx vraq baung ruip saz nuex kuilc daz tvrvhumc kuq yaq! Tsuingshiq kuex majuiuc naungshiq ghaq vyuq shex httuiuc waung ruex, Jason rueq tsuingshiq kuex piq yuimx nuex tvhttax tueq.

Acts 24:5

Vruex waz kuex miq tvruing raung jix waz, mungtan tvkoc nuex vkvhiz juing waz rvtueq lvmz nuiyshiq rueq khiz lvp tiq, piq rueq mungkawx baung ruip saz wawc Yuda miqsaz htenc puingpenx laz juing tvshonx kuq yaq, Nazaret phungc wawc lvmx shvlc jix miq washiz rvtueq.

Acts 28:22

Yuq muinz mnoz rueq mkhoc lac tvmaung vshuiux mkvjaz kuex nuiyshiq rueq tay roc vshix, yvmx khoc lac ngoz ruiux lec mnoz lomx vtuiux phungc kuex baung ruip saz wawc miq htenc rueq vbac yomnamc kvjaz jungx yaq kuex tay lvp vshix,” ngoz tueq.

Acts 4:26

Ghaq htauk wawc hokhvmx bix rueq Taungjix kuex khawc lvlc tvkoc tvyoalc wuez yaq, Taungjix nuiyc vpiq rueq vtvkaz Mesia muex khawc lvlc tvkoc walaungx bix rvtuimx wuez yaq,’ ngoz tueq.

Acts 6:7

Kvkhoc rvtueq Tishox bomjungc nyvmc wvnc vtueq, sangac bix htenc muinz Yerusalem nuex paunghvlc paung wvnc tueq, shomc waz bix muinz paunghvlc kvmluimx wvnc tueq.

Romans 9:32

Yvmx ngoz tueq lac? Yvmx khoc lac ngoz ruiux lec tsuingshiq kuex kvmluimx htauk nuex rvwak muq maq, tvrac kvdvyx tvlauz yurc ningkhvnc nuex lauz muq. Kvkhoc rvtueq tsuingshiq kuex vsawc luik nuex jungx shec tueq vsawc luik nuex, “Lung rauk nuex kvhtuip vtueq rul wvnc wuez vtuex.”

1 Corinthians 1:23

Nuiyshiq rueq kuex yauk juinc bulx nuex but gay tueq Christu lvmz jungphvnx vshix, kvruex lvmz bomjungc kuex Yuda miqsaz tvkoc thuinz tvkhvy juing dvyx, Pungnuk miqsaz tvkoc kuex vkhuec vlvmz vguez muex yaungx yaq;

Hebrews 7:1

Vruex Melkhizedek kuex Salem hokhvmx nuiyc Johvlc Tishox shomc waz rvtueq. Abraham rueq hokhvmx waz bvlic khvt taungx kaz vtueq yek waung yaq lvmx wawc, Melkhizedek rueq humc kaz vtueq ruimruimc kuq tueq,

Hebrews 7:7

Ruimruimc kuy jix waz kuex vruimc kuy rvhumc jix waz htauk nuex vyungx yaungx yaq kuex yvmx rvkhawc lvlc juing muinz vguez.

1 Peter 4:14

Nuimshiq kuex Christu yix phvnc jix hez rvtuit ningkhvnc nuex yomnamc rvhumc ruiux yuq thuinhvlc httax yaq; kvruex kuex ngauz vngax httax yaq Tishox Siyac kuex nuimshiq htauk nuex httax naungx yaq vlvmz rvtueq.

1 SAMUEL 2:20

Kvkaq Eli rueq Elkana nuiyc vtaungx nyuiuz muex ruimruimx kuq vtueq piq muex ngoc, “Vpiq muex mnoz rueq lekuq shec toq saz vruex laung nuex yalxjuik nyuiuz vruex htauk vyuq vganc suiuz vsaz htenc kuex Yehowa rueq mnoz muex mkuq kv-phux,” ngoz tueq jungx tueq. Kvruex yimaq tsuinghez kuex yuimx nuex yek waung tueq.