DUNGWVNC 39:43 - ASII LAKDAP Bible (BSI)

⁴³ Kiimaq Mosheq raq hupsam thun ka wiita shrira liito. Raüta tsangshiq raq jaqsham ka Tatiwe raq aming kuqtaq kra phan phan dea kloto nguta liito. Kiimaq Mosheq raq kra hupsam thun ka shiimanto.

Hawa Naga Bible 2001

⁴³ Tsuingshiq rueq vshuimx kaz wvnc htenc kuex Moshe rueq lawc koq tueq lotlaz, Yehowa rueq nvr tueq rulc rv-ngvlc shuimx kaz tueq lvmz kuex khiz lvp tueq. Kvkhoc rvtueq Moshe rueq tsuingshiq muex ruimrix kejux kuq tueq.

DUNGWVNC 39:43 Referencias Cruzadas

RAPHA HIQWA LAK 1:31

Raütiishe Shiikeawe raq apaiq raq ümchuwa phansangtaq thun tlotli ka liito, kiimaq apaiq ka kai khoqriiqkhiq riito. Raji ka lea wanto kiimaq rashe wüwanto, kriika ratrok ngoja she riito.

RAPHA HIQWA LAK 14:19

Raüta apaiq ma shiiman kuqto. Raüta akha ramkuqto, “Ratsan Ramong Nyang Na Siti Shiikeawe, ra nai hiq klotiwe raq Abram ka mishmanlaq!

2 SAMUEL 6:18

Apaiq kra nyamse honglu take wan thun kra kuqlot raütiishe, apaiq raq mungmaiqse ma Tati Ajong Pinthumwe mang maq ramram kuqto.

1 HOKHVMX 6:38

Kiimaq jipi lütiichat she angu na, Bul jipi na, Solomon raq mung peng wan li maq wiiroqshi ri wiishi she angu na, jamkhiiwa tiichap phawantaq kra phan phan Shomjam hai ka tlotto. Solomon raq ara Shomjam hai ka wiimiishi na saüli hai raütiitiq lotto.

1 HOKHVMX 8:14

Mungmaiqse ka kiijaq chap raq raq thungtlaq akhing na Hokhamwe Solomon raq mungmaiqse phanü na nyi raüta Shiikeawe jaq wa tsangshiq miitu achu shiiman jaüto.

1 HOKHVMX 8:55

Raüta apaiq raq mungmaiqse kiijaq thungtlaq kra tarü miitu Shiikeawe jaq wa tiihong raüta achu shiiman jaüto. Apaiq raq akha jaüto.

1 KAÜWA WERAÜ 16:2

Dawit raq honglu thun kra takuq lot raütiishe, mungmaiqse ka Tatiwe mang na ram tiibok kuqto.

2 KAÜWA WERAÜ 30:27

Ramwebi nai Lewinok raq mungmaiqse ma achu shiiman kuqlaq nguta Tatiwe jaq wa achu jaüto. Ramungtan maq apaiq jam maq Shiikeawe raq tsangshiq achu jaü ka taito. Raüta taoto.

2 KAÜWA WERAÜ 6:3

Israilnok mungmaiqse wiita ka kiijaq chap raq raq riito. Kiimaq hokhamwe ka mungmaiqse phanü na nyito. Raüta tsangshiq miitu Shiikeawe achu shiiman jaü kuqto.

NEHEMIA 11:2

Mungmaiqse phong wa ümriiti riiwa, Jerusalem na misiha nguta maiqmii tsantsii maq thapthi wantlaqti ka, nokwe raq kai tiitsam kam wanto.

Tvtsvmc 104:31

Tatiwe khushü ka pattup pat-sa misilaq! Tatiwe ka apaiq raq jamlai wa phansangtaq kriima chojongchise misilaq!

Tvtsvmc 19:11

Arthun raq ngi ümjaqshise ma phaqchi kuqtlo; ngi raq kriithun ka lang wan kha na ngi ma poksi kuqto.

DUNGWVNC 12:28

Raütiishe tsangshiq ka kihoto. Raüta Tatiwe raq Mosheq nai Aron ma jamlai aming wa kuqtaq kra kloto.

DUNGWVNC 25:9

Ara tiip ka hailaq. Laüta kriika Ngi raq jamkho mitiichhi kuqha kra phan phan mitiimiikhiiq haü.

DUNGWVNC 39:42

Israilnok raq jaqsham thun tlotli ka Tatiwe raq Mosheq ma aming kuqtaq kra phan phan kloto.

DUNGWVNC 40:1

Tatiwe raq Mosheq ma nguto,

DUNGWVNC 40:25

Kra raütiishe apaiq raq kiijaq Tatiwe makki na lemsetiim thun ka Tatiwe raq aming kuqtaq kra phan phan tiiniito.

DUNGWVNC 7:6

Mosheq nai Aron raq Tatiwe raq jamlai aming wa tataq kra kloto.

JEREMIA 13:5

Krai mren ngi ka kiina wawan kang. Lata patulong thun ka Euphretis raikii tho na paüthükang.

LEWI 16:34

Riita ara thungtri thun arka pattup lang wan ruqli riichang. Ara khuliiq tsaichhin jaqsham arka wiishi na lakshi klo wan lili riichang. Arka Israilnok mungmaiqse ka tsangshiq ngarai thun kiiwa tiisii wan miitu jaqsham. Riita Tatiwe raq jamkho aming kuqtaq kra phan phan Mosheq raq arthun jaqsham ka klo wanto.

JOSHUA 22:6

Joshua raq tsangshiq ma akha ramram kuq raüta tsangshiq ka tiiwato: “Namshiq ka jam na chiithe jong she, nyamse kong pahea, kampho, chaq, miiki ngam, jin, kiimaq khu akhea howan lantiishe wawan tlan. Namjaqtinok jaq wa alam wan han sepat lopi thun ka namphu namnobi rai riiphea riinyin riironglaq.” Kra raütiishe tsangshiq ka maiqmii hiqshong niishe wawanto. Mosheq raq Manase phan wa nokkho miika, Jordan rai maq shedong nü wang kriiwa tsangshiq rii hiqshong chumkuqto. Shatmaq Manase phan nokkho miika, Joshua raq Israilnok maiqphan ahinti krai, Jordan rai maq shenyap nü wang binjü kiiwa chumkuqto.