JEREMIA 8:12 - ASII LAKDAP Bible (BSI) Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang. Hawa Naga Bible 2001 Ngvy miqsaz htenc lex, mnoz rueq shuimx wvnc toq vshuy vshac yauk shuimc ningkhvnc nuex mnoz vyvlc sac haz ruez vtuiux? Rvmuq, mnoz kuex pinhtumc yvlc sac muq; vyvlc svy juing yvmx wuez raz tvnx mnoz rueq tuiuz muq! Kvkhoc rvtueq mnoz kuex vganc jix miq rul wvnc tueq ikhoc rul wvnc tuiux; ngaz rueq mnoz muex murx tvgurc ruiux yuq kvruex kuex mnoz tvkoc tvsuip muex yaungx tuex. Ngaz, Yehowa rueq jungx vshaungx.” |
Kriimaq naiqjai niishe anyi-nyung raq ano-nyung ma nguto, “Ngi ka ümwa rawa apaiq rai konkang. Riita ümchaü min, apaiq ka che tiinyang laita che ma tiiphe nong i. Laita ümniika apaiq rai konlaq. Kra riihaitiq nanai wiita raq maiqwese no ka nawe lümaq mihum i.”
Jawa shiikongrai tlaü, ajong alawe lei, ümnaq abi kiimung tlaü kra miitu? Shiikeawe tsapkap ka pattup miitu.
“Liironglaq, arwekaü ka hansang maq si miitu Shiikeawe ma lam mak, shatmaq atsiiq tum miili kamto kiimaq abi kiimung kli apaiq khupwongti nguta kamsiqto.”
Maiqse angu kunli raq kra kharii mirhum. Ramwebi, kiimaq mungmaiqse, disetiim kiimaq atijongwetiim, hupsam ritibi kiimaq hupsam shatibi, atiinamketibi kiimaq anamtibi, chiitheti kiimaq miitsanbi.
Phowebi raq maiqse ka athea phi na lii raüta kha phokuq wan tlaq kra, kha ka tsangshiq khuthaq na minyan wan. Tsangshiq raq raweahü maq Sodom chelati raq ngarai klotaq ikha klotlo. Tsangshiq ka miqto she. Kiimaq tsangshiq raq kra maiqmii jaq miili tsang mea wan chang lam kra tan wanto.
Tsangshiq ka thiihü hiq tili krai mren shipoqpoq no na tsuqbaiq changli; Tsangshiq ka Tatiwe saühotlaq akhing na wiita ashthen mirbaiq.
Ngi, Tatiwe raq ümniima chongtiikang, Ngi raq tiikimang riishatmaq, tsangshiq raq imang shaphaq raüta, armung na re min dong mak miraq kiimaq ram min dongmak miraq, nguta tsütsittlaq kra ningkhan, Ngi raq tsangshiq ka re dong na mitiijiip baiqha. Kiimaq ram tiidong lata ram ma tsangshiq ka mitiitsaiha.
Tsangshiq khumchang lam thun ka tsaram tai phongli nyealaplap, kiimaq ranyaq tang tang. Ngi raq tsangshiq ka atiithap lata mitiidea baiqha, Ngi raq tsangshiq ma chamchao henghea mitiisaüha; tsangshiq ma mo tiiho akhing ka saütlo she. Arka Ngi, Tatiwe raq toqtan tiikang.
Kriikha maq tiina ra min junkuq mak she tsaqkitaq kra. Kiimaq lamsesat rajun kiimin jun mak she tsaq kitaq kra. Ümsham ka ümchaü mephe nyung sham ikhiishe. Ümniika jeahü nyung.
Shatmaq ümchaü ranaiq niitaq saüli, namshiq tsantsii ka klai wan man dea. Namshiq raq Ngi ka shreng wan man dea, kiimaq Ngi raq namshiq ma nai namtitiim ma kuq wan kang tri raütu kra lang lanta siwan man riitlan.
Riita tsangshiq raq atin khan maiqphai asi ashut klowan raüta, tsangshiq ka tiijeasi tlaq shea? Tiijeasi mak. Tsangshiq ka tiijeasi mak. Tsangshiq riika atiijeasi ngutlaq ka jamlai nang wa ngutlaq kriimin sap phaq mak. Arningkhan tsangshiq kiimin nanok abiti thun jamkho miqphaq wantaq, kiikhiisii mimiq phaq wan. Ümtiikiiwa ngi raq tsangshiq ma imo mitiiho ha, kra akhing kriishe tsangshiq thum wan akhing miraq. Arka Ngi, Tatiwe raq ngutiikang.”
Arningkhan ngi raq arnok arka lam na tsangshiq tiithap thachang mithüha. Kiijaq tsangshiq ka mitiithaprai. Raüta akürai miraq. Siwe sise adam na mitsai. Krai mren siihali kongshiti thun nai jamthaq jamkiqti thun kiimin wiita dea raüta mitsai.”
Apaiq ka mungmaiqse man na mephe nyung dea nguta tantan sito. Kiimaq maiq wiitarü raq apaiq ka mephe nyung dea nguta asap riito. Ngi ka anyi nyung ma jamkho isaisitaq kiikha apaiq miimin isaisi she riito.
Shiikeawe raq namshiq ma mo tiiho ranaiq akhing ka saüwanto she. Israil mungti tiisiirai she mishthen baiq. Israil mungti lei, arka ngohea shaqshaq mija wan dongdii!
Shatmaq Tatiwe ka chela na asi; apaiq raq tingting jaq shamtlo. Ajiq ka ümtiikiimin klomak phan. Apaiq raq ranaptek tiikhea mak maq, asengi ma kha ka tingting phokuqtlo. Shatmaq ashut kloti ka jeasi sapmak, ashut kiimung kli klotlo.
Tatiwe raq tsangshiq phuk milam, raüta tsangjaqti ma mo mitiiho; tsangshiq dea wan akhing jai na misaü; tsangshiq chongthum jawan ranaiq ajeli she.
Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.