JEPHANIA 3:5 - ASII LAKDAP Bible (BSI)

⁵ Shatmaq Tatiwe ka chela na asi; apaiq raq tingting jaq shamtlo. Ajiq ka ümtiikiimin klomak phan. Apaiq raq ranaptek tiikhea mak maq, asengi ma kha ka tingting phokuqtlo. Shatmaq ashut kloti ka jeasi sapmak, ashut kiimung kli klotlo.

Hawa Naga Bible 2001

⁵ Yuq muinz Yehowa kuex kvruex ghaqyungx kvyuq httax hvt dvyx doc; vpiq rueq vlvmz yauk shuimc kuex shuimx ruiux vyaq yauk shuimc kuex mkaq muinz shuimx muq. Wvraungx nvp tek tv-phvyx muq maq, vpiq kuex vpiq miqsaz htenc kox nuex tvrac vlvmz phox kuq yaq. Yuq muinz tsuingmuq ruxmuq miqsaz htenc rueq vyaq yauk shuimc htenc shuimx ruq dvyx nuiyc vyvlc svy muinz vguez.

JEPHANIA 3:5 Referencias Cruzadas

RAPHA HIQWA LAK 18:25

Riikhaqli miika, ümniiraq maiqsangti ka ashutti rai ka tsat baiq maü mirhaü. Kriika ümkhiiriitii jiimin klolot maü! Ümniiraq kiikhiika klolot maü. Kra ümniiraq klo haü jiika, maiqsangti kiimin ashutti rai khoshi na mo tiiho ma mikhat wa. Arka ümkhiiriitii jiimin riimak. Mangjong hiq tlot li kha photiwe riika tingting maq phoke chang li.”

YOBA 34:10

Ibom chong ara tai ronglaq, namshiq maiq asap atsintitiim raq! Ningkun Ajong Shiikeawe raq ashut miklo shea?

YOBA 7:18

Namshiq raq apaiq ka ranaptek konchon kitlan, lanta minit tek na apaiq ka maitai tlan.

YOBA 8:3

Shiikeawe raq kha ka ajiq phomak phan; Apaiq raq tingting jaqsham ka tiijiq mak phan.

Tvtsvmc 145:17

Tatiwe raq phanrap sham-akai na tingting maq shamtlo, jaqshamtlaq wiita na tiihang raüta shamtlo.

Tvtsvmc 37:6

apaiq raq ümniika kechu maiqse dea nguta rashekii li ikha mitli kuq.

Tvtsvmc 92:15

Ahata Tatiwe ka tingting nguta tiichhi riito ahata ngi khupwongtiwe ka kechu dea nguta tiichhi.

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

ISAIA 28:19

Kra sawa redong raq, namshiq ka nanshan shan kla nanki kla nankili, wranap nap mihut wan. Kra moho ka namshiq raq ranaiq rawa miho wan han. Shiikeawe nübok wa tsütsa anye aweatek saütlaq kriika, namshiq ma phiiptsi henghea riiwan wanli she miraq!

ISAIA 33:2

Tatiwe lei, naishiq tiihang kuqlaq. Naishiq raq rantsantsii ka ümniima thütiikai. Naishiq ka ranaiqtek tiichhii kuqlaq. Kiimaq litkot chamchao ranaiq khupwongkuq shat riilaq.

ISAIA 45:21

Warong ra, lantea namshiq kha ka rung na shok wa rongkiq; kha phoketi liipan na bom mirwaisolaq. Rathup niiphü akha mihong wan nguta juro tiithaita? Kriika Ngi, Tatiwe, asenginok chhiitiwe raq tiithaito riimak shea? Arjaq tisho ahin ka ahü.

ISAIA 50:4

Ajong Thaq Na Ajong Pinthum Tatiwe raq jamlai chong chang wa kra ngi ma shrin kuqto, kra ningkhan ngi raq ahun aniiti ma ningkun shoqkuqlot tiikang. Wranaptek apaiq raq itsan tiichhiitlo; apaiq raq ngi ma jamlai phan shrinkero wa kra tai miitu.

JEREMIA 3:3

Kriikha maq tiina ra min junkuq mak she tsaqkitaq kra. Kiimaq lamsesat rajun kiimin jun mak she tsaq kitaq kra. Ümsham ka ümchaü mephe nyung sham ikhiishe. Ümniika jeahü nyung.

JEREMIA 6:15

Riita tsangshiq raq atin khan maiqphai asi ashut klowan raüta, tsangshiq ka tiijeasi tlaq shea? Tiijeasi mak. Tsangshiq ka tiijeasi mak. Tsangshiq riika atiijeasi ngutlaq ka jamlai nang wa ngutlaq kriimin sap phaq mak. Arningkhan tsangshiq kiimin nanok abiti thun jamkho miqphaq wantaq, kiikhiisii mimiq phaq wan. Ümtiikiiwa ngi raq tsangshiq ma imo mitiiho ha, kra akhing kriishe tsangshiq thum wan akhing miraq. Arka Ngi, Tatiwe raq ngutiikang.”

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

AJONJÜ 3:23

Arka ranap awea, ranap rawüho haü jaq, rashe dong wan tlaq ikha, Tatiwe mangchan ka saü wan ruq.

EJEKIEL 18:25

“Shatmaq namshiq nga, ‘Tatiwe raq jamlai wa kiimungtlaq kriika riikhaqli riimak,’ ngutlan. I bom chong ara tairong laq, namshiq Israilnok raq. Namshiq nga, Ngi raq jaqsham tiikang arka riikhaqli riimak ngutiisha tiima tlan? Namshiq raq jamlai wa klotlan kriikata riikhaqli riimak.

EJEKIEL 48:35

Chela trotam na siimblai ri wa kiitelong peruk ka alu nü na tlotli mitar hingtiikaü. Kiimaq chela mang ka ümchaü armiishe, “Tatiwe-KA-ARJAQ ASI!” nguta miraq.

Hosea 14:9

Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

Hosea 6:5

Arningkhan Ngi raq ijaqshisetiim shammibi, namshiq phana tiikikang, isintsang saühotlo nguta tiichongkikang. Namshiq mishthen baiqha she nguta, atsi dada tsütsa tiichongki kang.

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

Mikha 7:9

Nashiq ka shut kai dea, Tatiwe man na shutkai. Kriikha na heashise miitu, apaiq tsankhiq ka nin chang she. Shatmaq atiisup niika, apaiq raq nashiq mitiiwongkuq, Raüta nashiq ma ashut klo wantaq, kra atru she mirkuq wan. Apaiq raq nashiq ka rawü niishe mishea wan. Apaiq raq nashiq tiichhiike wan kra, namak ma michhi rong i.

HABAKUK 1:3

Jam nguto ngi ma ashut kiimung ka, tiichhikuq tlaü? Kiimaq litkot chamchao walü kra, tiichhikuq tlaü? Imakki na mung then wan, jasam piqsii maiq riitsea kli, chhiwan tiikang. Tatso wiinyi riilong liiq kli, chhi wan tiikang.

JEPHANIA 2:1

Jeahü mungti, namtsii lam ronglaq.

JEPHANIA 3:13

Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

JEPHANIA 3:15

Tatiwe raq ümmo tiiho ka, tiithumto she. Apaiq raq ümjaqti thun wiita tiisiirai, lambaiqto she. Tatiwe Israilnok hokhamwe ka, ümniirai asi. Ümchaü ka ümnaq haisong chang, lamlu jam min ahü she.

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

JEKERIA 2:5

Tatiwe raq apaiq klishe Jerusalem chela tro na walütu peruk ma mija. Raüta chela ka mikhup wongkuq. Raüta apaiq phung ngao jonglu maq ali aliim she misi wan,” nguta rase raq chongto.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

Luke 12:2

Mongnam tsii maq, maiqse raq jamlai wa apang raüta thü tlaq, kriika alin she mirbaiq wan. Kiimaq maiqse raq jamlai wa ahukse maq, tsan mong na tiima tlaq, kriika maiq tarü riishe misap wan.

Romans 2:5

Shiikeawe raq namshiq ka, atinkhan mangchan taü miimin, namshiq tsantsii ka longkaü ikha atsin wiq, kiimaq namphaq namni ka, wanshakshak rüm tlan. Akha lanta, namshiq raq namshiq maiqmii kha ma kra, Phangthum Khapho Ranaiq miitu atlai li riiwan tlan. Kiimaq Shiikeawe raq namshiq kha ka, tri atsin miishe mipho kuq wan.

Romans 3:26

Richü pat na apaiq raq, maiqse ngarai ka anin rea riiwanto. Kiimaq chhi mak ikhiili tlin phin baiq wanto. Shatmaq, ümchaü pat niika, Shiikeawe raq maiqse ngarai kha ka apho she riiwan tlo. Arka apaiq ka tingting Shiikeawe dea nguta, maiqse ma tiichhike miitu she, tsangshiq ngarai kha ka phokuqtlo. Riita, apaiq raq ara tiichhii wan lamlu tankuq wantaq ara lümiishe, maiqse ma apaiq ka asii tingting Shiikeawe dea, kiimaq apaiq raq ngarai maiqse thun ka jurwa Jesuq ma kam tlaq, kriiti ka apaiq rai wehea she dea shram wantlo nguta tiichhikuqtlo.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

TRI CHONGKE 23:14

Üm sichang piitiip ka apii ashan chang ahü asii maq thülaq. Jamkhano ngukla Tatiwe üm Shiikeawe ka ümniirai piitiip na ümnaq tiikhup wongke miitu sitlo. Kiimaq ümjaqtinok khuthaq na ümniima rekhat tiitangke wan miitu sitlo. Tatiwe raq lungwiimak phan, apaiq raq ümniika jai nong shungthü chang phan ashe ashi jaq ka naq shamkiq.

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.

1 Peter 1:17

Namshiq raq achu jaü tlan na Shiikeawe nangnga, “I We lei,” nguta riibom tlan. Apaiq raq maiqse angu wiitarü ma, mren mra maq shin kuq tlo. Maiqse pum loweatek raq, maiqmii raq jaq maq jamkho Shiikeawe lamphan ka shiithuk rai tlaq, kra tiiphanphan phokuq tlo. Arkha maq, namshiq ka mangjong hiq na ümchu ranaiq wa sithü tlan, kra liipan na Shiikeawe ma haisong tsantsii rümshat maq shonga lanta sironglaq.