JEPHANIA 3:6 - ASII LAKDAP Bible (BSI)

⁶ Tatiwe raq ngutlo, “Ngi raq pong mung thun tiithum baiq kang. Tsangshiq chela thun runbaiq kang she. Tsangshiq peruk thun nai kongmong chong thun, tiibun baiq kang she. Chela thun ka hiqmiq changkhü she; Chiiheawea lam thun ka shaqmiishe. Maiq ka jumin ahü she.

Hawa Naga Bible 2001

⁶ Yehowa rueq, “Ngaz rueq miqphvnx tvlot laz lvmz gay tauk; tsuingshiq ghaqyungx htenc kuex tvbac gay ruiux tsuingshiq palx ruk htenc, pvrrawx htenc kuex tvbac gay tauk. Ghaqyungx htenc kuex kuiyqshuik kuiyq khvmx yaungx wvnc vtueq, lvmx htenc nuex miq muinz khuemx muq; miq vshiz muinz kvjungx tuex rvmuq.

JEPHANIA 3:6 Referencias Cruzadas

ISAIA 14:26

Arka Ngi raq mangjong tlotli miitu mungpeng jaqsham sürii wan tiikang. Ümchaü ijaq phum ka ra na doshat maq mangjong hiq wa maiq mung thun ma imo tiiho wan miitu she tiije tiikang.”

ISAIA 37:36

Tatiwe rase ashi ka Asirianok phentiip teitlaq kiijaq wawanto. Raüta phenlabi ka 185,000 jiip baiqto. Anap ranap chu miishe, kra tsangshiq phentu piitiip na tsangshiq ka wiita miqchup amaa phongli she jiimto!

ISAIA 6:11

Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.

JEREMIA 9:12

Ngi raq waikang, “Tatiwe, riita armung arka jamlairo rumnyangkhi kumtsaiphii ma jakita? Krai mren arlam maq maiq jumin khum mak she? Ara takti taksu maiqse ka juwa? Ümniiraq jumo ara mra pintaq ara chongkuqlaü apaiq raq nanok ma chongkuqlotli chang?”

LEWI 26:31

Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.

JEPHANIA 2:5

Namshiq Philistainnok lei then lan she. Sammoktra chumkii na sitinok lei, Tatiwe raq namshiq ka ashra baiqwi she. Apaiq raq namshiq ka mishthenbaiq. Namshiq phongwa ashi min tiichong mak she miraq.

JEKERIA 7:14

Tsangshiq ka rathaiq thaiqjong tiisaü latiishe, pongmung pong man thun na tiipan baiq wan kang. Krai mren, ara hiqpo hiqwin mung arka, maiq asiti min ahüshe, hiqmiq changkhü ikhiilishe tiijabaiq kang.”

Matthew 23:38

Riita arkha na, ümchaü sanha ümchela ka Shiikeawe raq amiim she mirbaiq. Kiimaq üm Shomjam ka shaqmii she miraq.

1 Corinthians 10:11

Riita ara richü we manphan waiq thütaq, arka nashiq ma sungkhu tsii lam chongke miitu she waiq thüto. Tsangshiq ümchuwa jiimtaq thun ka nashiq ma tsii tiichhike miitu. Ümchaü nashiq pat sitiikai arka, phangthum wan pat she. Phangthum wan miika rahiq ka ajeli she.

1 Corinthians 10:6

Riita arthun manphan arka nashiq ma hon atsii lam miitu sitlo. Arka nashiq raq tsangshiq raq abi ati sükha tsii rüm wantaq kiikha, nashiq riimin rüm wan mai chang miitu she chongkuqtlo.

JOSHUA 23:4

Ngi raq namshiq maiqphan thun ma tachong hiqshong miitu, Kanan mung wa maiqmung thun mijii wan han shaq sitlaq kra, kiimaq ngi raq maiq mung thun shedong nü mung wa Jordan Rai maq riita shenyap mung nü na Mediterenian Khamjong kii na saüli kra khat lata jiiwan kang thun kra chumkuq kang she.