JEREMIA 8:13 - ASII LAKDAP Bible (BSI)

¹³ “Ngi raq isenginok ka maiq weshi raq awak wa tsam riichom juttlaq ikha adam na riichom wan lungwiikang. Shatmaq tsangshiq ka spiqro na atsi ahü spiqro ikha; kiimaq phupmup chong na atsi ahü ikha; ajaq thun kiimin wiita ajung kaikun she. Arningkhan she Ngi raq pongmungti ma armung ara seawan miitu kiinong kuqbaiq kang.”

Hawa Naga Bible 2001

¹³ “Wuik shuimc jix rueq tuiz vtsvmz tvjomx yaq ikhoc ngaz rueq muinz ngvy miqsaz htenc kuex tvjomx gay roc vshaungx; yuq muinz tsuingshiq kuex vyauk htenc yuiuq wvnc vtueq vthuey vguez svpiq ruiuz htenc nuiyc vthuey thuey muq phuiuq muiuq jungx htenc rulc rv-ngvlc yaq. Kvkhoc rvtueq ngaz rueq vkuq ghaq vraungx kuex vganc jix yauk nuex httuiuc wvnc tueq.”

JEREMIA 8:13 Referencias Cruzadas

ISAIA 5:10

Spiqtsiro hektor roqshi bagan kriiwa atsi ka riichom pan raüla, spiqtai ka litar tiichatli she midong. Kiimaq litar shishi ri litar roqtiichat püwong rai kra chhi raüla litar roqshiri litar tiichat püwong rai kli she midong.”

JEREMIA 14:12

Tsangshiq raq amang maq achu jaü raü min, ngi jaqwa khrum jaütlaq kra bom ka trekuq mang. Kiimaq tsangshiq raq ngi ma chaqtlii-honglu thun nai wong-honglu thun kuq raü min, ngi ka tsangshiq rai itsan riihea mang she. Kra rii na ngi raq tsangshiq ka re ma mitiijiipbaiqha, kiimaq ram tiidong lata mitiijiim baiqha kiimaq tha tiidong lata mitiijiimbaiqha.”

JEREMIA 14:15

Ngi, Tatiwe raq ümniima chongtiikang, Ngi raq tiikimang riishatmaq, tsangshiq raq imang shaphaq raüta, armung na re min dong mak miraq kiimaq ram min dongmak miraq, nguta tsütsittlaq kra ningkhan, Ngi raq tsangshiq ka re dong na mitiijiip baiqha. Kiimaq ram tiidong lata ram ma tsangshiq ka mitiitsaiha.

JEREMIA 17:8

Apaiq ka pechong ashi jüse raikii na acham jongtlaq ikha, arangtu thun ka kham na hiq mong maq tiikitlo. Ara chong ka rarin rawii niimin ahai song chang ahü, jamkhano ngukla ajaq thun ka waichat chat hea nümtlo; rajun saümakli jiimin ara chong ka jamlai chapa chang ahü; atsi ango ka tsingo wan ruqli.

JEREMIA 5:17

Tsangshiq raq namshiq tü atsam nai tsamtum thun ka wiita miphaq siq wan. Tsangshiq raq namse maiq wese kong thun nai jechak sekong thun kra wiita mijiip baiq wan. Tsangshiq raq namshiq nyamsekong skukong nai chhechhi minsaü kong thun wiita mijiipbaiq. Kiimaq namshiq spiqro thun nai phupmupro thun kra wiita mishthenbaiq. Namshiq kamsea chang kiitelong maq trotam maq rukje chela thun ka tsangshiqnok phenlabi raq mitiithenbaiq.

JEREMIA 7:20

Kiimaq arningkhan, Ngi, Ajong Pinthum Tatiwe raq ara Shomjam thaq na itsankhiq henghea kra minyuk baiqha. Itsankhiq khamtak ka mungmaiqse khuthaq na nai nyamse thun thaq na mren maq minyukha. Kiimaq pechong wiirü thun kiimaq wak ajam thun na tsamrü thaq na minyukha. Itsankhiq walü ka walükaü nyaitlaq ikha, jurmin tiimat baiqlot mak she miraq.

EJEKIEL 22:31

Arningkhan, Ngi raq itsankhiq walü tum ka tsangshiq khuthaq niishe miraü baiqha. Lata wa raq jamkho tiibunlak khiimbaiq tlaq ikha tsangshiq ngarai kha na mitiithen baiqha.” Arka Tati Rakaü Hiqwe raq toqtantlo.

Hosea 2:12

“Arthun ara iwesetiim raq ngi ma ijaq maq akuq,” nguta tiitsakitlaq, apaiq spiqro nai phupmup ro ka, Ngi raq wiitashe mishthen baiqha. Lata rumnyangkhi miishe mitiija baiqha. Kiimaq rumnyamse kong riishe, petsiro thun wiita mishthen baiq.

Yoel 1:7

Tsangshiq raq nashiq spiq tsiro tiisiirai phaqbaiqto. Kiimaq iphupmup ro min achong maq wiita phaqbaiqto. Phupmup chongkü ako thun kra wiita she jungkito.

LEWI 26:20

Namshiq raq ümtinkhan wa jaqsham hun nü tlan, kriika namshiq ma atuli she miraq. Jamkhano ngukla nam wak ram thun na minshiiq lan kiiwa jamlai phan tü atsam min dong man kuq mak she miraq. Kiimaq petsi ro na atsi ango min ahü she miraq.

HABAKUK 3:17

Phupmup chong na, atsi ahü she jiimin; spiq raütsung na atsi ahü she jiimin, Olip ro na atsi ahü she jiimin, wakjam ram na bunwong ahü she jiimin, skukong thun wiita she jiim rai raü min, minsaü tiip wa tiisiirai jiim rai raü min,

HAGAI 1:11

Ngi raq ku akin wakram kiina, tsamrü thun na, spiqro thun na, olip pero na, namshiq raq jamlai wa chhi jang wan tlan kriithaq na, ra trin baiq wan tiikang. Jamlai phan min tiicham mang. Kiimaq dong man wanlot mak. Kiimaq maiqse khuthaq niimin jam nyamse khuthaq niimin puchi kuq wan mak she.”

HAGAI 2:17

Kra jamkhano ngukla, ngi raq rahai haike tiihai lata kiimaq tsakhiiq trok lata, namshiq wak ajam wa tü atsam kiimaq petsi wiqtsam wiita tiithen baiq wan tiikang. Shatmaq kra taü maq dongdii min, namshiq ngi phana jang wan man.

MALAKI 3:11

Ngi raq namshiq wak wa, ajong ajii ma tü atsam ka tiiphaq mang she. Krai mren nam spiqro thun na atsi ango ka atu alu she miraq.

Matthew 21:19

Apaiq raq lamkii na phupmup chong ka ashi chhito. Raüta apaiq ka phupmup chong ji kiijaq atsi asi sham nguta kito. Shatmaq ajaq nüm wa li, atsi ka ahü. Kriikha maq apaiq raq pechong ka, “Ümniika ümtiikiimin tsilu maü she mirhaü!” nguta ason riito. Apaiq raq kra ngori li she, maklii liipan niili phupmup chong ka shinsaq li she tsaikito.

James 1:11

Rashe kaü ka ranap chu maq dong wan tlo. Raüta akii heng wa liishe, ranaiq wan wan kii wan tlo. Kra rashe kii heng riishe, pepü chong ka tiijung baiq tlo. Raüta among wahea la, pülii tlaq kiimin wiita, tiijung chaq baiq tlo. Raüta ashin riikitlo. Ara chongtiikai ara niq riri sii hali, chiithe maiqse rilung kiimin, ranaiq shishi ka ashin mirki. Apaiq ka piikii tiikang nguta, mochii tlaq kra shon li, arilung thum wan raq mitong.