JEREMIA 23:12 - ASII LAKDAP Bible (BSI)

¹² Tsangshiq khumchang lam thun ka tsaram tai phongli nyealaplap, kiimaq ranyaq tang tang. Ngi raq tsangshiq ka atiithap lata mitiidea baiqha, Ngi raq tsangshiq ma chamchao henghea mitiisaüha; tsangshiq ma mo tiiho akhing ka saütlo she. Arka Ngi, Tatiwe raq toqtan tiikang.

Hawa Naga Bible 2001

¹² Tsuingshiq rueq phvnx yaq lvmx kuex nyelc hvlc nuiyc nyauk hvlc rvtuex; ngaz rueq tsuingshiq kuex tvhtuiuc tvrul gay shaungx. Ngaz rueq tsuingshiq htauk nuex thuimkux tvdung vtueq, tsuingshiq muex murx tvgurc vkhing httuiuc wvnc yaq. Ngaz, Yehowa rueq jungx vshaungx.

JEREMIA 23:12 Referencias Cruzadas

YOBA 18:18

Apaiq ka atra mung wa ajo she mirbaiq, rawü mi wa ranyaq tangtang mong niishe mijobaiq.

Tvtsvmc 35:6

Tsangshiq lam ka ranyaq nyang kiimaq nyelaplap mijakilaq, Tatiwe rase raq tsangshiq tsatbaiq wantlaq akhing na!

Tvtsvmc 73:18

Ümniiraq tsangshiq ka tsaramtai nyeahea hiqba thun niishe mithü wan haü laüta tsangshiq ka mitiithen baiqhaü!

Tvtsvmc 82:5

“Namshiq ka angi nola kong! Maiqjiq kong! Namshiq ka wiita ashut kong siisaq, kriikha tingting kappe mangjong hiq wa amo she riikito.

DUNGWVNC 32:34

Ümchaü ümniika kilaq, laüta mungmaiqse ka Ngi raq ümriiba na shea wan chang ngutiiwa chong kang kiijaq shea wanlaq. Tsan na tiitsang shat riilaq, irase raq ümniika mishun shea wan. Shatmaq Ngi raq arnok arma tsangshiq ngarai kha na imo tiihoke akhing ka saü wantlo she.”

TAKSU LAK 4:19

Shatmaq ngarai maiqse rilung lam ka, ranyaq tang tang li sitlo. Tsangshiq tiithap tharai chang thiikhobok ka, tsangshiq raq chhimak.

ISAIA 8:22

Riimakla hiq na makchat jalat, makpo tiipanki nam nam milii. Shatmaq tsangshiq maklii tiichüm chang ka jamlai min ahü she miraq. Shatmaq tsangshiq raq trotam na litkot chamchao walü wali she kiimaq ranyaq tangtang saü wantlaq kriilishe michhi. Tsangshiq makki niika phiiptsi jiiptsi ranyaq mong na tsangshiq tiideabaiq wantlaq kriili she michhi.

JEREMIA 11:23

Ngi raq Anathoth hiqti khuthaq na phiiptsi chang rahiq saü wan akhing ka tiihong kang she. Kra akhing she saüwa raüla, tsangshiq phong wa maiq ka ju min lunlot mak mijiim.”

JEREMIA 13:16

Tatiwe nam Shiikeawe ka shreng ronglaq, apaiq raq ra mitiinyaq wan shaq na, kiimaq namshiq ka pum thun na mitiithap rai shaq na; namshiq rang rantlan rawiili ka ranyaq tangtang mitiijabaiq shaq na.

JEREMIA 48:44

Juwa phiiptsi chang rathaiq saü wan tlaq kriiwa jula ngutla manhii raüla, khobok theje thütaq kriijaq midea wan. Kiimahali, juwa khobok mong kriiwa donghola nguta adü wan man tlaq kriiti ka bi tsanje athü kriijaq mimin rai. Jamkhano ngukla Mob mung tiithenbaiq miitu Tatiwe raq apaiq ningthoi ranaiq ka atiihongthü kun she dongdii.

JEREMIA 50:27

Tsangshiq phenlabi thun ka tiisiirai jiipbaiq ronglaq! Hihut jiipbaiq ronglaq! Bebilon mungti ka miqto she! Tsangshiq ma mo tiiho ranaiq ka saüto she!”

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

AJONJÜ 2:20

O, liilaq, Tatiwe lei, ümniiraq tiichamchao tlaü maiqse thun ka liilaq! Anyungre raq maiqmii chhü maq adea, asetiim maa kriishe paqtlo. Ramwebi nai shammibi thun ka, Shomjam mong maq jiipbaiq wantlo!

Mikha 7:4

Tsangshiq phong wa maiqshaq pinthumwe kriimin, kiida raü tsung ikha mairam maiq raq. Shiikeawe raq tsangshiq ma tiichamchao ranaiq ka saüto she, arka apaiq raq shammibi lumaq, kiq akhamkuq kriishe.

John 12:35

Kiijiishe Jesuq raq tsangshiq bom ka treto, “Namshiq ma rawüli ka heashili she mili. Rawüli asi bala, namshiq ka rawü lam phan tlan kra, phan ruq phan lantli si ronglaq. Ranyaq raq namshiq ka pang wan tlo jiiq. Juwa ranyaq mong na khum tlaq, kriiti riika, apaiq ka ümnüno kihotla, kriika sap mak.

TRI CHONGKE 32:35

Tatiwe raq tsangshiq phuk milam, raüta tsangjaqti ma mo mitiiho; tsangshiq dea wan akhing jai na misaü; tsangshiq chongthum jawan ranaiq ajeli she.

1 John 2:11

Shatmaq jurwa phunaino Phungmaiqse ka ngengseng tlaq, kriiti ka ümchaü min ranyaq mong niili sitlo ngushat. Apaiq ka ümchaü min ranyaq mong niili sitlo. Krai mren, apaiq khum chang lam kiimin chhi mak miili sitlo. Jamkhano chhi mak ngukla, apaiq mak ka achuk. Ranyaq watlaq kriiraq amak ka wiita atiichuk she riibaiqto.

Jude 1:13

Tsangshiq raq ngarai jaqsham tlaq arka, sammoktra kham raq takii na ashe khamphom tsuqbaiq tlaq ikha. Tsangshiq ka pongmü riimü khumti, ra na raiqsaiq khumtlaq ikha. Tsangshiq miitu, makse riimin khonlot mak chang, ranyaq jonghea ka Shiikeawe raq tiijeje she thü tlo.