JEREMIA 3:3 - ASII LAKDAP Bible (BSI)

³ Kriikha maq tiina ra min junkuq mak she tsaqkitaq kra. Kiimaq lamsesat rajun kiimin jun mak she tsaq kitaq kra. Ümsham ka ümchaü mephe nyung sham ikhiishe. Ümniika jeahü nyung.

Hawa Naga Bible 2001

³ Kvkhoc ningkhvnc nuex raungyunx muq nuiyc raunglawc dungc wvnc raungyunx muq shex. Mnoz kuex mephex nyuiuz shiz ikhoc yaungx vtuiux; mnoz nuex yvlc svy thuinz muinz vguez.

JEREMIA 3:3 Referencias Cruzadas

RAPHA HIQWA LAK 19:34

Kriimaq naiqjai niishe anyi-nyung raq ano-nyung ma nguto, “Ngi ka ümwa rawa apaiq rai konkang. Riita ümchaü min, apaiq ka che tiinyang laita che ma tiiphe nong i. Laita ümniika apaiq rai konlaq. Kra riihaitiq nanai wiita raq maiqwese no ka nawe lümaq mihum i.”

NEHEMIA 9:17

Tsangshiq raq ümkiq akhü riiwanto; ümniiraq ümtin khan wa, tsangshiq miitu jaqshamkuq laü, wiita laqbaiqto. Ümniiraq ümtinkhan wa awang chang, jaqsham kuq laü, wiita she laqbaiqto. Raüta tsangshiq khünga tsantsii tri maq, tsangshiq khuthaq na, wela ashi shong wanto. Raüta Ejip mung na, di ma jaki nong rong i nguta, jangho danto. Shatmaq, ümniika mra diike wanti Shiikea. Ümniika kaphap mangchan, rümtiwe, kiimaq pinthum lungwii tsantsii, rüm wantiwe. Ümniika khiq saq khiq maü phan. Ümniiraq rüm tlaü tiihang wan mang chan ka jonghea. Ümniiraq tsangshiq ka, tiishaü baiq maü riilaü.

TAKSU LAK 21:29

Kechu maiqse ka, tiima tsantsii pharang rang. Shatmaq ajiqwe ka, alamwe ikha tiihaihii raüta bomtlo.

ISAIA 5:6

Ngi raq sonruk ka sang miishe mitiikaqbaiqha. Ngi raq spiq raü dong ka ton mang she mirha. Kiimaq hiq kiimin kochak maq thu mang she mirha. Kra thaq na shukcham thun nai shuktamro kriima mitlambaiqha. Ngi raq phumda ma ra kiimin tiijunkuq mang she mirha.”

JEREMIA 14:1

Tatiwe raq ngi ma rarin misaü nguta nguto,

JEREMIA 14:22

Pongmungti thun sumla phra kong raq ra tiijunlot mak; ra raq rakraqraq ra tiijunlot mak. Naishiq ran tsantsii ka ümniima thütiikai, O Tatiwe lei, naishiq Shiikeawe lei, jamkhano ngukla ümniiraq arthun jaqsham ara klotlaü.

JEREMIA 14:3

Chiithe maiqse raq tsangjaq shisekong kham tiithiikai tiikito; tsangshiq ka khappong thun kiina khamthiikai kitlo, shatmaq kham ka ahü süpotpot; tsangshiq hamliitak shaqmii jang wantlo. Tsiim jüshushu kiimaq sunghü tsiihü ümkha ijasiq, tsangtok hiq na kuraqraq.

JEREMIA 14:4

Jamkhano ngukla rajun mak kriikha na hiq ka shinriiqriiq shinkito. Waksham seati tsang tsanbitaqtaq; tsang theaphi na amun juk ramram siisaq.

JEREMIA 36:2

“Lakwaiq chang damkom ashi lam laq. Laüta Ngi raq ümniima Israil mung nai Juda mung kiimaq maiq mung thun wiita miitu bom ümchuwa chongkang ira wiita waiq thülaq. Ngi raq ümniima Josia ka hokham jatlaq akhing maq phaho lata, ümchaü akhing na saüli ibomtsi ümchuwa chongkuq kang kra kunli waiq thü laq.

JEREMIA 5:24

Namshiq raq ngi shreng wan ka jangshi ra min tiima man. Ngi raq namshiq miitu liidong wan ra tiijun kuq kang. Lamse sat ra min tiijun kuq kang. Lata namshiq ma rawiitek tsamjut cho akhing kuqkang.

JEREMIA 5:25

Shatmaq namshiq ngarai raq ara ahea awa thun ara namshiq raq lapchang wa shangbaiqto.

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

JEREMIA 6:15

Riita tsangshiq raq atin khan maiqphai asi ashut klowan raüta, tsangshiq ka tiijeasi tlaq shea? Tiijeasi mak. Tsangshiq ka tiijeasi mak. Tsangshiq riika atiijeasi ngutlaq ka jamlai nang wa ngutlaq kriimin sap phaq mak. Arningkhan tsangshiq kiimin nanok abiti thun jamkho miqphaq wantaq, kiikhiisii mimiq phaq wan. Ümtiikiiwa ngi raq tsangshiq ma imo mitiiho ha, kra akhing kriishe tsangshiq thum wan akhing miraq. Arka Ngi, Tatiwe raq ngutiikang.”

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

JEREMIA 9:12

Ngi raq waikang, “Tatiwe, riita armung arka jamlairo rumnyangkhi kumtsaiphii ma jakita? Krai mren arlam maq maiq jumin khum mak she? Ara takti taksu maiqse ka juwa? Ümniiraq jumo ara mra pintaq ara chongkuqlaü apaiq raq nanok ma chongkuqlotli chang?”

EJEKIEL 3:7

Shatmaq Israilnok phongwa maiq riika, jurmin ümbom chong ka tairo mak miraq. Tsangshiq riika ibom chong kra dongdii min tairo mak miraq. Tsangshiq tarü ka nilankong kiimaq kiqkhii sruwatili.

LEWI 26:19

Ngi raq namshiq wanshak shak shiikong tsii rümtlan kra, buk lata atiingoq mirbaiqha. Ra min junkuq mak she miraq. Namshiq hiqshong rahai wa hü ahiq thun ka shinriiqriiq she miraq. Kiimaq hiq raikhü ka jin ikha tsinhea miraq.

AMO LUIK DVP (AMOS) 4:7

Namshiq wakram na tsam adong awok choji na, ra tiijun kuq wan mang dea riikang. Tsam ka wiita tiibibaiq wan kang. Ngi raq chela ashiti ma ra tiijin kuq wan kang. Shatmaq chela ashi niika, ra tiijun kuq wan mang dea riikang. Wakram ramshi na ra tiijun kuq wan kang, shatmaq ramshi niika tiijun kuq mang riikang. Tsam ka wiita tiishinbaiq wan kang.

AMO LUIK DVP (AMOS) 4:8

Khamnyangtsi raq haü raüta, chela anai atsamti ka khamrit nyang kai, chela ashi na riidunghoto. Shatmaq kham ka humnyang mak dea riito. Shatmaq namshiq chhi wan man dea. Kiimaq ngi phana jang wan man dea, nguta Tatiwe raq ngutlo.

JEPHANIA 2:1

Jeahü mungti, namtsii lam ronglaq.

JEPHANIA 3:5

Shatmaq Tatiwe ka chela na asi; apaiq raq tingting jaq shamtlo. Ajiq ka ümtiikiimin klomak phan. Apaiq raq ranaptek tiikhea mak maq, asengi ma kha ka tingting phokuqtlo. Shatmaq ashut kloti ka jeasi sapmak, ashut kiimung kli klotlo.

HAGAI 1:11

Ngi raq ku akin wakram kiina, tsamrü thun na, spiqro thun na, olip pero na, namshiq raq jamlai wa chhi jang wan tlan kriithaq na, ra trin baiq wan tiikang. Jamlai phan min tiicham mang. Kiimaq dong man wanlot mak. Kiimaq maiqse khuthaq niimin jam nyamse khuthaq niimin puchi kuq wan mak she.”

TRI CHONGKE 28:23

Ra ka jun mak miraq. Kra ningkhan üm wak ram ka rashe kii raq shinki raüta jinbu ikhli she tsin dang dang miraq.

Hebrews 12:25

Ümchaü sanha, phaq tiitsii ni tiitsii lantiishe, tai ronglaq. Shiikeawe bom chong ka, naq tlea rongkiq she. Shiikeawe tsütsa achong kuq, tai mak, shishetibi, ara mangjong hiq na siti maiqse ka, tiihang mak maq tsat wanto. Riita, ikhiijiika, ümchaü nashiq raq, ramungtan maq ki raüta, tsiichong keti we bom kra, tlea hai jiika jamkhii riita jiimin, hangki lot mai she miraq!