JEREMIA 3:4 - ASII LAKDAP Bible (BSI)

⁴ “Riita ümchaütiq shea ümniiraq ngi nangnga, ‘Ümniika iwe. Ümniiraq ngi ka noseji miiphü lungwii laü.

Hawa Naga Bible 2001

⁴ “Majuiuc mnoz rueq ngaz muex ngoc, ‘Mnoz kuex iwaz, ngaz nosaz jauz maq phuex mnoz rueq ngaz kuex lungwawx phux.

JEREMIA 3:4 Referencias Cruzadas

Tvtsvmc 119:9

Jero weshi raq arilung ka jamkho siirairai mirümlot? Ümnaq aming thun ka lang raüta misilot.

Tvtsvmc 48:14

“Ara Shiikeawe ka pattup pat-sa miitu nashiq Shiikeawe; apaiq raq nashiq ka pattup pat-sa mishunshea wan.”

Tvtsvmc 71:17

Ngi noseji niiphü ümniiraq ngi ma shrinkuq laü, krai mren ngi raq ümchaü niitaq ümniiraq amao chang jaqsham tlaü thun kra chongtiikang,

Tvtsvmc 71:5

Tati Rakaü Hiqwe lei, ngi ka ümniimiili rantiikang; ngi raq noseji niiphü ümniima kamlatli siwankang.

TAKSU LAK 1:4

Jamtsinhon makti kra jaqsham atsinwiqti ma tiijati, Jerobi ma howe minwe rilung lam shrinketi.

TAKSU LAK 2:17

Apaiq ka atawe shummiiti ashe, awese ma ashong anga ranaiq na, ramram jaqkhaq raü pawantaq, kra laqbaiq wantlo.

JEREMIA 2:2

ara tsütsa ara Jerusalemti loweatek ma chiiriim laüta chonglaq nguta chongto. “Ngi raq tsan na tiitsangshat ümniiraq ngi tsapsaü kapse lungwiilaü; ümnaq noseji na, nanai riilampha wan choji; ümniiraq ngi kai lungwii laü, ümniiraq ijai phan wan laü rumnyangkhi kumtsaiphii maq, kra mung ka wak shamsiq mak bin riito,

JEREMIA 2:27

Namshiq wiitarü khushü mijam— namshiq raq pechong ashi kra nang nga ümwe nguta ngutlan, kiimaq longkaü nang nga nam nyung nguta ngutlan kata. Ara jamkhano mirhum han ngukla, namshiq ka iwokhong na sihan chang wa, kinphai na juho lan. Shatmaq ümtiikiiwa namshiq raq chamchao riihumtlan, namshiq raq ngi nang nga kira laüta tiichhiikuq laq nguta ngutlan.

JEREMIA 3:19

Tatiwe raq ngutlo, “Israil lei ngi raq ümniika ise ma tiija wan tiima kang, kiimaq ümniima peohea mung kewan tiima kang, mangjong tlotli na pinthum hiqhea. Ümniiraq ngi ka iwe nguta hea wanlaq nguta thapthi wan kang, krai mren ümniika iwokhong wa ümtiikiimin dongho maimak she.

JEREMIA 31:22

Ümtincho na saüli wa minang nam han, kamtsan tsü ahünok lei? Ngi raq phanshi anye tingsang she klokang, tingsang pongphan she, Jechak nyungshi raq maiqwe ashi khup wongkuqtlaq ikha.”

JEREMIA 31:9

Isenginok ka aho anyi mijang wan, Ngi raq tsangshiq tsuq wan tiikang krai mren, tsangshiq ka achujaü lam maq milaü wan. Ngi raq tsangshiq ka khamserai setiim kiina mishea wanha, tsangshiq kiilii mak chang lam nyeadang dang lam maq mishea wanha. Ngi ka Israilnok ma awe jong ikha, kiimaq Ephraim ka ise chhikhu we.”

Hosea 2:15

Lata apaiq ma spiqro thun kra, mijangkuq nongha. Lata Chamchao Hiqthung Tan ka, aran phan chang kilüchong miishe mitiija wan ha. Kiijaq apaiq raq ibom ka man na, apaiq junriiji na, Ejip mung maq saü wantaq akhing na, ngi ka jamkho lungwiitaq, kiikhahali milungwii nong.

MALAKI 1:6

Tati Ningkun Ajong Pinthumwe raq ramwebi ma chongtlo, “Ase raq awe shrengtlo. Kiimaq ajaqshi se ka atijongwe ma haitlo. Riita ngi ka namwe jong. Namshiq raq ngi ka jamto shreng man? Ngi ka namtijongwe. Namshiq raq ngi ka jam nguto shreng man? Namshiq raq ngi ka shummii tlan. Kra riilan tiishea, ‘Naishiq raq ümniika jamkho shummii kai?’ nguta wai tlan.

MALAKI 2:14

Apaiq raq ümnaq honglu ka jam nguto tao wan mak she nguta waitlaü. Jamkhano ngukla apaiq raq asap, ümniiraq ümchak, man na jero ji na alam haü kiima ümkiqkham akhakuq haü kra apan she riibaiq laü. Apaiq ka ümjamti-nyung shatmaq, ümniiraq apaiq ma, ümkiqkham jaqkhaq raü atiipa kuq haü ka apan she riibaiq laü. Ümniiraq Shiikeawe man na apaiq rai pumshi hanshi she mishong wan ha nguta kiq akham haü kra jin wan laü.