JEREMIA 3:2 - ASII LAKDAP Bible (BSI)

² Liilaq! hiilam hiqpot thun kiijaq. Ümniika mephe-nyung ma jalaüta nga wan maü dea hiq ba ka asi shea? Arabnok raq rumnyangkhi kumtsaiphii bin jü maq maiq wanhiq khumti kra tek ma khetlaq ikha, ümniiriimin tungkii lamkii thun kiimaq ngalaüta ümkongtiwetiim khe tlaü kata. Ümniiraq ümsethoq ja maq mung ka tiisheshi baiqlaü she.

Hawa Naga Bible 2001

² Kankhux kuex lawc wuez shuinz. Mephex nyuiuz rueq ikhoc mnoz rueq shuimx lvmz muq maq httax wvnc toq baung kuex vhttax haz? Arab miq rueq kumtsvy tvnx maq khvt nyvlc muex bvmc yaq ikhoc, mnoz rueq lvmx kawx maq lungwawx nyuiuz kuex bvmc vshuiux. Mnoz rueq ghaq vraungx kuex mephex nyuiuz yauk shuimc maq tvshuy shac gay vshuiux.

JEREMIA 3:2 Referencias Cruzadas

RAPHA HIQWA LAK 38:14

Kiimaq, apaiq raq manti-nyung miirii samtlaq kra aklai riito. Raüta atheaphi ka bannin kheachü maq pangto. Raüta apaiq ka Timna chela na kaichang lam na Enaim chela na saü wan na chiiphai kilamchong tho na ngalito. Jamkhano ngukla apaiq raq Juda se nobungwe Shela ka kra akhing na maiqla she, maiq lamcho she nguta asap. Shatmaq apaiq ka Shela rai adam na tiishong nga dam mak nguta asap.

1 HOKHVMX 11:3

Solomon raq hokham nyungsere nyung shimiishi lamto. Kiimaq chakliip ka nyung shitsam lamto. Tsangshiq raq apaiq ka Shiikeawe wokhong wa ahin nü na sheahoto.

2 HOKHVMX 23:13

Josia raq Hokhamwe Solomon raq Jerusalem maq shedong nü siim na kiimaq Olip Hiqlam maq shemai nü siim na, maiqphai asi sumla phrakong--Sidon chelati phrakaü jechak nyung Astarte, Mob mungti phrakaü Khemosh, kiimaq Ammon mungti phrakaü Molekh shomnoq chang berong-wacha thun ka wiita jimaq nishishi tiibun baiqto.

Tvtsvmc 106:38

Tsangshiq raq sepii noserekong tsatbaiqto, kra mat tiijai raq mung ka tiisheshibaiqto.

TAKSU LAK 23:28

Apaiq riika thiimeaq ikha, lam maq bomhai raüta khetlo. Raüta maiqjam pahea, siiqbaiqtlo.

TAKSU LAK 7:11

Kriinyung ka raweahü maiq; chiihea wea na khumti nyung riito.

JEREMIA 12:12

Rumnyangkhi kumtsaiphii thun kra hamli na, rekong tsiiqtum thun tsoqsea kai kito. Ngi raq armung ka tiithumpak khatkai re tiikikang; jumin hansang maq silot mak she.

JEREMIA 2:20

Ajong Pinthum Tatiwe raq ngutlo, “Israil lei, rathup niiphü ümniiraq ngi arang ka no na tsuqbaiqlaü; ümniiraq ibom taimaü riilaü, Ngi shomnoq maü riilaü. Kin diilu aweatek na kiimaq pejaq nüm chong aweatek chongji na ümniiraq ase keti phra thun noq laü.

JEREMIA 2:23

Ümniiraq ümkhum ka tiishe mang dea nguta jamkho mingu haü? Ümniiraq Baal ka shomnoq maü dongdii nguta jamkho mingu haü? Liilaq ümniiraq jükhü hiq wü na ümtinkhan wa ngarai tang wan laü; Liimaüta ümniiraq jamlai wa riilaü. Ümniika rum na siti kumtsong kaü ikha ala riilongcho na phephiiq rai tlaq ikha,

JEREMIA 2:7

Ngi raq tsangshiq ka hiqpo hiq win mung na tsuq wan kang, aphe arong ma shongnga wan miitu ahea awa phan lap phaq sea wan miitu. Shatmaq tsangshiq raq ihiqshong ka khoti tiithen baiqto; ngi raq tsangshiq ma akuqha mung ka tiisheshi baiqto.

JEREMIA 3:1

Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!

JEREMIA 3:13

Ümniika shutkang dea nguta mra ka tiidiilaq. Kiimaq üm Tatiwe, üm Shiikeawe kiq ka khii laü dea nguta mra ka tumlaq. Laüta pechong tong aweatek na ümniiraq üm lungwii tsü ka pongmungti phra kong ma kuq wan laü nguta tum wan laq. Kiimaq ümniiraq ngi raq akuqha aming thun ka jin wan laü dea nguta tak wan laq. Arka Ngi Tatiwe raq ngutiikang.

JEREMIA 3:21

Hiqlam thun thaq na maiqho maiqsii tiitaitlo: kriika Israilnok hoqtrangtlo, kiimaq tiipaiqnea trangtlo, jamkhano ngukla tsangshiq ka ngarai maaho raütli siwanto, raüta tsangshiq Tatiwe Shiikeawe ka laqbaiqto.

JEREMIA 3:9

Kiimaq apaiq ka ajeasi ngutiimin ahü. Apaiq raq mung ka wiita tiisheshi baiqto. Kiimaq apaiq raq longkaü thun nai pechong thun kra shomnoq raüta awese sishatmaq sethoq ja ngarai tangto.

JEREMIA 7:29

“Maaho maanyi hotrang ronglaq, Jerusalem lei; namkhudap ka tap lantea baiq ronglaq. Hiqlam thaq thun na majo shinge ronglaq, jamkhano ngukla, Ngi namshiq Tatiwe ka tsankhiq, krai mren isenginok ka tiishaübaiq kang she.

EJEKIEL 16:16

Kiimaq ümniiraq ümkhea wiijam ka lam laüta sumla phra thun shomnoq chang jam thun kra tiimmiikhiiq wan laü. Laüta ümkhum ka mephe nyung ikha maiq juwa ümphana saü watlaqti kriiti loweatek rai kiicham wan laü.

EJEKIEL 20:28

Ngi raq tsangshiq ma mungtan ashi mikuqha nguta kiqkham kuqkang kra mung niishe shea wan kang. Ümtiikiiwa tsangshiq raq kiijaq ku akin thun ka diiluluwiq siisaq kiimaq pero pahea ajaq thun waichat chat hea kra chhito. Kra chhi raüta pechong tong thun tiikham raüta tsangshiq raq honglu thun takuq wanto. Tsangshiq kra honglu thun kra takuq raüta wa na chaqto kiimaq tsangshiq raq che honglu thun kuqto. Raüta itsan tiikhiq wanto.

Hosea 2:5

Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

Luke 16:23

Riita, apaiq ka wamungtan na tiiki baiqto. Kriijaq apaiq ka pinthum chamchao siwanto. Apaiq raq ra nü na liito. Raüta Abraham ka ratsan ramong nyang na nga raü chhito. Kiimaq, Lajaras ka Abraham tho na nga raü chhito.

TRI CHONGKE 12:2

Kra namshiq raq jiiwan tlan mung wa, kra mungti raq phra kong pum diilulu wiq thun na, kin thun na, kiimaq ajaq nümtlaq pechong tong thun na, shomnoqtlaq thun kra wiita hihut tiithen baiq ronglaq.