JEREMIA 6:21 - ASII LAKDAP Bible (BSI)

²¹ Arningkhan ngi raq arnok arka lam na tsangshiq tiithap thachang mithüha. Kiijaq tsangshiq ka mitiithaprai. Raüta akürai miraq. Siwe sise adam na mitsai. Krai mren siihali kongshiti thun nai jamthaq jamkiqti thun kiimin wiita dea raüta mitsai.”

Hawa Naga Bible 2001

²¹ Kvkhoc rvtueq ngaz rueq kvruex miqsaz htenc kuex kvhtuip tvrul gay shaungx. Vnyuiuz vwaz nuiyc vsaz hez kuex thueyc tuex, kungjix bix nuiyc yuimx phic wuinz muinz kvkhoc yaungx tuex,” ngoz tueq jungx tueq.

JEREMIA 6:21 Referencias Cruzadas

2 KAÜWA WERAÜ 36:17

Kra ningkhan Tatiwe raq tsangshiq tlong kai miitu Bebilon mung hokhamwe kriishe tiikito. Hokhamwe raq Juda mungti jerobi thun kra jiip baiqto. Shomjam mong wa taqtaq tsatbaiqto. Apaiq raq jumin tiihang wan mak she riito. Jero jiimin, nyungwe jiimin, maiqwe jiimin riimakla jechak nyung jiimin, atsiti jiimin, aheati jiimin tiihang mak riito. Shiikeawe raq tsangshiq ka wiitarü apaiq jaq khon mong niishe kiinong kuqbaiqto.

ISAIA 8:14

Jamkhano ngukla, Ngi ka pinthum kiinyii chang asii khamaq, Ngi ka longkaü ikha maiq tiithaü raüta küraitlo. Kiimaq Ngi ka chhü atsan ikha Juda mungti nai Israil mungti kiimaq Jerusalemti pat rai chang tsanje sitiikang.

ISAIA 8:15

Maiqse pahea ka idü na tiithap tharai raüta mikürai. Tsangshiq ka akürai miraq. Raüta mipatrai. Raüta tiibunlak tiinamtok miraq. Tsangshiq ka chhü na mipat.”

JEREMIA 13:14

Latiishe ngi raq hamlii che tsabum thun ka triibuk lata tsabum thun ka wiita mitiibun baiqha. Nyungwe re tikiibi, kiimaq jerobi wiita adam na romshaq mibukbaiqha. Jumin tiihang mang; jumin mangchan mang, kiimaq ju miimin mangchan ka tiitsi mang maq, ngi raq tsangshiq ka kun kun mijiipbaiqha.”

JEREMIA 13:16

Tatiwe nam Shiikeawe ka shreng ronglaq, apaiq raq ra mitiinyaq wan shaq na, kiimaq namshiq ka pum thun na mitiithap rai shaq na; namshiq rang rantlan rawiili ka ranyaq tangtang mitiijabaiq shaq na.

JEREMIA 18:21

Shatmaq ümchaü, Tatiwe lei, tsangsetiim ka ram raq mijiimlaq. Kiimaq tsangshiq ka redong na mijiimlaq. Anyungre ka wehü sehü ma mija laq. Maiqwere ka thadong raüta mitsailaq. Kiimaq jerobi ka re na mitsailaq.

JEREMIA 18:23

Shatmaq, Tatiwe, tsangshiq raq ngi tseabaiq miitu thiikho ümchu wa thutaq thun ka ümniiraq asap-haü. Tsangshiq raq abi klotlaq kra mra thun ka naqdii kuqkiq. Kiimaq tsangshiq ngarai bu ka naqdii kuqkiq. Tsangshiq ka re ma tiinamtok tiikhattlaq. Laüta ümtsankhiq bala tsangshiq ma mo tiiholaq.”

JEREMIA 21:7

Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

EJEKIEL 3:20

“Kiimahali maiqshaqti ashi raq abi kloho khana, Ngi raq apaiq ka tsailam maakho tho na miraq, kiimaq ümniiraq apaiq ma hon chongkuq maü kha maq apaiq ka maiqmii ngarai khana mitsai. Raüla apaiq raq ümchuwa kechu jaqshamtaq kriika Ngi raq tsan na thümangshe. Kiimaq apaiq tsaitaq mat kha ka ümkhu thaq na mitiideaha.

EJEKIEL 5:10

Kra chamchao tsi akhing na, Jerusalemti nyungwere raq asetiim ngam kra miphaq. Kiimaq asetiim raq anyungwe ngam kriishe miphaq. Ngi raq ümniima mo mitiihoha. Kiimaq aso atra tiichongtlaq thun ka barap binrii na pong mung thun kiina wiita miwan baiqha.

LEWI 26:37

Namshiq jai na ajo wanti jumin ahü li jiimin, weshi thaq na weshi tiithap tha lanta akü mirhan. Kiimaq namshiq ka re rai riikhat lot man she mirhan.

Romans 11:9

Kiimahali Dawit riimin la, Israilnok miitu bom ka akha chongtlo, “Tsangshiq poi tsampin thun kli, tsangshiq miatsii wan chang pithob ma tiija baiq wan laq. Kriika tsangshiq dea wan chang thiikho ma mija wan laq. Raüta kra thiikho na dea wan raüta mitsai laq.

Romans 9:33

Tsangshiq tiithap rai wantaq longkaü miitu ka, Asii bomtsi na Shiikeawe raq akha chongkuq wantaq ara phan phan tiithap rai wan tlo: “Liirong laq, ngi raq Jajon hiq na longkaü ashi tiibum tiikang. Ara longkaü na maiq mitiithap wan. Ara longkaü ajong arjaq tiitaü rai wan raüta, tsangshiq ka akii ashii miishe mija wan. Shatmaq, jurwa apaiq ma kamtlaq, kriiti miika apaiq raq jea tiingaü mak she miraq.”

1 Peter 2:8

Kiimahali Asii bomtsi bashi na, “Maiqse angu ka ara longkaü arjaq mitiithap, tsangshiq ka ara longraq kam armaq midia,” nguta chongtlo. Tsangshiq raq Tsütsa Ahea ma kam wan mak kha maq, tiithap rai wanto. Arka Shiikeawe raq tsangshiq kharü athiiq arwan miishe jawanto.