JEREMIA 10:15 - ASII LAKDAP Bible (BSI)

¹⁵ Tsangshiq ka thiihü hiq tili krai mren shipoqpoq no na tsuqbaiq changli; Tsangshiq ka Tatiwe saühotlaq akhing na wiita ashthen mirbaiq.

Hawa Naga Bible 2001

¹⁵ Tsuingshiq kuex khuec guez ningkhvnc nuex yomnamc gay aungx yaq; Yehowa httuiuc kaz ruiux yuq tsuingshiq muex murx tvgurc vtueq tvbac gay rvhumc tuex.

JEREMIA 10:15 Referencias Cruzadas

Tvtsvmc 115:9

Tati ma kamronglaq, namshiq Israilnok raq. Apaiq raq namshiq khrumtlo, kiimaq namshiq tiiwongkuqtlo.

ISAIA 41:24

Namshiq nai namshiq raq klotlan ka atuli shaqmii; namshiq noqti kong kiimin maiqphai asi kong!

ISAIA 41:29

Ara sumla phra phong arka thiihü kong; tsangshiq raq jamlai min klolot mak, ara sumla phra phong arka ningkun ahü, kiimaq arang min ahü.”

ISAIA 57:12

Namshiq ngiika, namshiq raq jamlaiwa klotlan kriika riikhaqli nguta tiimatlan. Shatmaq Ngi raq namshiq hon aja kra ra na alin she mirbaiqha. Kiimaq namshiq sumla phra kong raq namshiq ka khrum kuqlot mak she miraq.

JEREMIA 10:11

(Namshiq mungmaiqse raq tsangshiq ma chongke ratlo kra phra sumla thun, tsangshiq riika ra nai hiq ka tiiq wan mak dea. Tsangshiq thun ka wiita mishthenbaiq. Tsangshiq ka mangjong hiq na ümba niimin simak she miraq.)

JEREMIA 10:8

Tsangshiq tlotli ka maiqjiq kiimaq angikong. Pe sumla phong kriiwa tsangshiq raq jamlai wa misap tsin?

JEREMIA 14:22

Pongmungti thun sumla phra kong raq ra tiijunlot mak; ra raq rakraqraq ra tiijunlot mak. Naishiq ran tsantsii ka ümniima thütiikai, O Tatiwe lei, naishiq Shiikeawe lei, jamkhano ngukla ümniiraq arthun jaqsham ara klotlaü.

JEREMIA 18:15

Kiikha taü maq isenginok raq ngi ka laqbaiqto; tsangshiq raq sumla phra kong ma homseng chaq raüta noqtlo. Tsangshiq khumchang lamphan tsin mak atiithap küraito; tsangshiq raq lamchu khiiphan thun ka khummak she tsaqkito. Tsangshiq ka miithii shonghü lamjiq nü na kihoto.

JEREMIA 43:12

Ngi raq Ejip mung na sitlaq phra shomjam thun ka wa maq michaq baiqha. Kiimaq Bebilon mung hokhamwe raq Ejip mungti sumla phra thun ka wiijam ka wa maq michaq baiq. Kiimaq wiijam ka apaiq raq aho mirwan. Skurümti raq akhea thum wa tlai nai tiichea thun ka jamkho tiisiirai sibaiq raüta samtlaq ikha, Bebilon mung hokhamwe riimin Ejip mungwa tsiiq nai nyamtum thun ka wiita tiisiirai miho phaq wan. Raüta Ejip mung ka kealoklok she mibaiqthü. Raüta apaiq ka sreajongwe alachong dokdok she tsang mung na miwa wan.

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

JEREMIA 51:18

Tsangshiq ka thiihü hiqtili maiqsai asi; Tatiwe ka saüho raüta tsangshiq kha mipho, raüta tsangshiq ka mitiithenbaiq.

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

JEREMIA 8:19

Taironglaq! mung tlot li raq, Ngi raq inok ita aho anyi trang taitiikang; “Riita Jajon chela na Tatiwe ka ahü shea? Jajon riimti hokhamwe ka kiijaq ahü she shea?” Kiijiishe tsangshiq, Tatiwe, tsangshiq hokhamwe raq tretlo, “Namshiq ngi ka sumla phra thun noq lantea, itsan ka jaram wa tiikhiq lan? Kiimaq athü ahü pongmungti sumla phra thun noq lantea, itsan jaram wa tiikhiq lan?”

Hosea 9:7

Shiikeawe manson saüto she Israilnok ma. Tsangshiq khapho akhing saüto. Israilnok hoqtlo, “Shammiwe ka angiwe! riisham bomchongti ka aruwe!” nguta ngutlo. “Namshiq ngarai jonghea, kra ningkhan ngi ngengtlan,” nguta Tatiwe raq ngutlo.

Jona 2:8

Khanhü phra sumla shomnoq wantibi ka, ümwokhong wa donghoto she.

JEKERIA 13:2

Kra akhing na, ngi raq armung wa phra mang thun wiita mitiithumbaiqha. Kriithun ka jai na jurmin tiimaki mak she. Ngi raq arot shammibi wiita milambaiqha. Kiimaq phra sumla noqpi tsantsii ka wiita milambaiqha.

Acts 14:15

“Namshiq raq ara jamlai ngarai wa tangho lan? Naishiq arka namshiq kiikha maiqse siili! Naishiq ka arjaq namshiq ma Tsütsa Ahea tiitaike wa nguta wakai. Namshiq ka ara thiihü sumla phra shomnoq lam phan tlan arwa, atra Shiikeawe ra nai hiq kiimaq sammoktra jü kra phansang wantiwe kiimaq ra nai hiq na phanrap diim tlaq kra tiiqti we Shiikeawe wokhong niishe shang wan tlo ronglaq, nguta tsütsa chongke wa tiina wakai.

TRI CHONGKE 32:21

Tsangshiq sumla phra kong maq itsan tiikhiqto, tsangshiq shiikea kong ma imak tiishuto, phra kong ka riikhaqli shiikea kong riimak. Kriikha na Ngi raq maiq mung ashi kriima tsangshiq tsan ka mitiikhiqha; Ngi raq tsangshiq ka maiq mung ashi anginok ma tsangshiq mak mitiishuha.

1 SAMUEL 12:21

Namshiq raq arot phra thun jai ka naq phan rongkiq. Tsangshiq raq namshiq ka khrum kuq lot mak. Kiimaq tiichhii kuq lot mak. Jamkhano ngukla tsangshiq ka riikhaqli Shiikea riimak.

1 SAMUEL 5:4

Kiimaq shinap ranap na ranap chu maq hali tsangshiq raq sumla ka Tatiwe Tongshong Tek khaki kiijaq hiq na kuraü ariwa chhito. Kra lak niika, sumla khupo nai ajaq wiinai ka anai wiita adü wa angoq riikito, raüta kilamchong lam na tiiwe raqraq chhikito. Akhum pan lamlam kriili wiithung na tiibum raü riito.