Hosea 5:9 - ASII LAKDAP Bible (BSI)

⁹ Shiikeawe raq namshiq ma mo tiiho ranaiq akhing ka saüwanto she. Israil mungti tiisiirai she mishthen baiq. Israil mungti lei, arka ngohea shaqshaq mija wan dongdii!

Hawa Naga Bible 2001

⁹ Murx tvgurc raungnuiyq httuiuc wvnc yaq shex, Israel kuex bac wvnc tuex. Israel miqsaz lex, vruex kuex vsuingc suing yaungx wvnc tuex!

Hosea 5:9 Referencias Cruzadas

YOBA 12:14

Maiqse rilung ka Shiikeawe riishe siiqbaiq raü ka jurshe wa mihaihun lot, kiimaq Shiikeawe riishe maiqse ka thong na shaqbaiq raü jaq jurshe wa mitiidong kuq lot?

ISAIA 37:3

Ara tsütsa ara Isaia ma chongki rongkiq nguta apaiq raq tsangtsam ka tiikito: “Ümchaü ranaiq arka chamchao ranaiq. Nashiq ma maiq raq mo jonghea tiihotlo. Kiimaq nashiq khushü ka jamkito she. Nashiq ka jechak nyung no wüchhiho she ikha. Shatmaq aningkun ka ahü. No ka dolot mak chamchao rai tlaq ikha.

ISAIA 46:10

Rapha hiqwa miiphü Ngi raq jamkha kupi wan chang wa kra tiithai wan kang; rathupse miiphü dongdii akha mihong wan nguta Ngi raq tiithaimaije. Ngi raq chongkang, Ngi raq thapthi tiikang ka poi mak phan miraq nguta, Ngi raq thimi wan kang thun ka mikloha nguta chongkang.

ISAIA 48:3

Tatiwe raq Israilnok ma ngutlo, “Man na rathup niiphü Ngi raq jamlai hong wan chang wa kra tiithai wan kang; krai mren tiihanghiiq miili Ngi raq tiihongtiikang.

ISAIA 48:5

Kra ningkhan Ngi raq namshiq rawiichii rilung ka tiithai wan kang, mra thun mipin wan shaq niiphü tiithai wan kang, namshiq sumla phra kong raq tiithai raüta, kuwanto nguta namshiq tiitsakijiiq ngomaq Ngi raq mra thun ka tiipin wan kang.

ISAIA 7:16

Kra chongtiikai akhing ka misaü wan shaq liipan niili, ümchaü ümnaq tiiphiipjiipti hokham wenai sitlaq mungtan ka athen she mirki. Raüta hiqmiq changkhü miishe mijaki.

Hosea 5:12

Arkha na ngi raq Israil mung, mishthenha. Liilaq Juda mungti kiimin mishthenha.

Hosea 5:14

Jamkhano ngukla, ngi ka hangsi ma jalata, Israil mung ka mikaqha, hangsisetiim ma jalata Juda mung mikaqha, tsangngam ka bunlak buncha mipan phaqha. Inübok wa tsangshiq tiichhii wanti jumin ahü.”

Hosea 7:12

Shatmaq tsangshiq ka chiiqjong mong na mitiiminha, Lam na ngi raq chiiqjong achankun she. Wukaiq kong minrai tlaq ikha, tsangshiq mimin rai. Tsangshiq ngarai homa khan khan, tsangshiq michamchao wan.

Hosea 8:8

Israilnok ka pongmungti raq jop raüta jok wanto. Abun arki hamtak ikha, athü min ahüshe.

Hosea 9:7

Shiikeawe manson saüto she Israilnok ma. Tsangshiq khapho akhing saüto. Israilnok hoqtlo, “Shammiwe ka angiwe! riisham bomchongti ka aruwe!” nguta ngutlo. “Namshiq ngarai jonghea, kra ningkhan ngi ngengtlan,” nguta Tatiwe raq ngutlo.

AMO LUIK DVP (AMOS) 3:7

Ajong Thaq Na Ajong Tatiwe raq, apaiq raq jamlai wa kiimung tlaq kra, ajaqshisetiim shammibi ma kongkhu chonghü maq, jaq ka sham wan mak phan.

AMO LUIK DVP (AMOS) 7:17

Riita ara ngutlaü arkha na, Tatiwe bomtsi ara tailaq. Tatiwe raq akha ngutlo: ‘Ümjamti nyung ka chela na mephe-nyung miishe mija wan. Ümsetiim maiqwesere nai jechaksere ka, re raq mitsat baiq wan. Ümhiq thung ümram bin ka, nammung jiiwantinok riishe mirchum wan, raüta tsangshiq riishe mishamsiq wan. Kiimaq ümniika pongmung niishe mitsai haü. Kiimaq Israil mung ka pongmung na, rewa munglu shumwi miishe, mitsuq wan,’” nguta Tatiwe raq ngutlo.

AMO LUIK DVP (AMOS) 7:9

Isak saüsetiim raq shomjam thun haiwantaq kra, wiita she mishthen baiqha. Israilnok raq shomnoq wan chang asii jamthun kra, wiita she mirun baiq wan ha. Ngi raq Hokhamwe Jeroboam saüse phan ka, wiita she chongthum ma mitiijabaiq ha,” nguta Tatiwe raq chongtlo.

Mikha 6:13

Namshiq shutphit ngarai kha na, ümchaü ngi raq namshiq, shiithen baiq phawan kang she.

JEKERIA 1:6

Ngi raq namtitiim ma, i jaqshisetiim shammibi lümaq aming kuq kang. Kiimaq tiihaichhai lata hon atsii chongkuq wan kang. Shatmaq tsangshiq raq shipot baiqto. Kra ningkhan tsangshiq chamchao riihum raüta biiphaqto. Kra riihum raütiishetiq, tsangshiq raq maiqmii shut mra kra tiidii wanto. Raüta tsangshiq raq ngi Tati Ningkun Ajong Pinthumwe riidea, tsangshiq maiqmii ngarai khankhan, tsatson wankang ngutiishe tsangshiq raq tum wanto.”

John 16:4

Riita, ija, ümchaü ngi raq namshiq ma, ara tlu na tsii chongkuq tiipha arka, ümtiikiiwa tsangshiq raq namshiq ka tiichamchao wan akhing she saüwa jiiq, kra akhing na, namshiq raq arka apaiq raq man na nashiq ma honlam bom chongkuq taq irshe dea kuwanto ngutiishe mitak han.” “Man na, aphaji niika, ngi ri namshiq rai adam na sishat. Kriikha maq, ngi raq namshiq ma arthun honlam wan bomtsi arka chongkuq mang miili thü kang.