Hosea 5:9 - Hawa Naga Bible 2001

⁹ Murx tvgurc raungnuiyq httuiuc wvnc yaq shex, Israel kuex bac wvnc tuex. Israel miqsaz lex, vruex kuex vsuingc suing yaungx wvnc tuex!

ASII LAKDAP Bible (BSI)

⁹ Shiikeawe raq namshiq ma mo tiiho ranaiq akhing ka saüwanto she. Israil mungti tiisiirai she mishthen baiq. Israil mungti lei, arka ngohea shaqshaq mija wan dongdii!

Hosea 5:9 Referencias Cruzadas

YOBA 12:14

Tishox rueq httak gay ruiux yuq, uraq lac tvjvp guirx lot shvnx? Tishox rueq vkhvrc taq miq kuex uraq lac dawc lot shvnx?

ISAIA 37:3

Vruex kuex Esaia muex jungc kay tvkoc piq rueq tsuinghez muex nvr tueq bomjungc rvtueq: “Majuiuc raungnuiyq kuex kuilc daz rvhumc raungnuiyq rvtueq; nuiyshiq kuex murx gurc rvhumc vtueq yvlc svy rvhumc vtix. Nuiyshiq kuex nox wuic khic tvkoc vyoalx dvyx shex, yuq muinz vjawc tvkoc hungc vguez yalxjuik nyuiuz shiz rulc rv-ngvlc vtix.

ISAIA 46:10

Ngaz rueq vphaungc maq raz tueq yaungx wvnc tuex kuex tvluz nuex jungx wvnc tauk; mvnnuex pat maq phuex yaungx wvnc tuex lvmz kuex ngaz rueq tvluz nuex jungx wvnc tauk. Ngvy kvmungx htenc kuex mkaq muinz phvyx kaz tuex rvmuq ngoz tueq jungx wvnc tauk rulc rv-ngvlc, ngaz rueq dvnc vshaungx phvnx ruip saz kuex ngaz rueq shuimx shaungx.

ISAIA 48:3

Yehowa rueq Israel muex, “Mvnnuex yvmx lac yaungx wvnc tuex lvmz kuex ngaz rueq tvluz nuex jungx wvnc tauk; kvruex yimaq ngaz rueq kvruex huingc rvhek maq tvyaungx wvnc tauk.

ISAIA 48:5

Ngaz rueq yvmx phvnx muinz max yaungx wvnc shauk tvluz nuex mnoz max kox wawc jungx wvnc tauk, kvkhoc ruez wvnc tauk vruex phvnx lvmz htenc kuex mnoz rueq tvhungx guirx yac yuimx htenc rueq tvyaungx tueq ngoz tueq mnoz rueq jungphvnx muq tvkoc rvtueq.

ISAIA 7:16

Kvkhoc max httuiuc shauk nuex dvyx mnoz tvhiz sungx yaq hokhvmx wanueyc mungtan kuex kumtsvy tvnx muex yaungx wvnc tuex.

Hosea 5:12

Ngaz rueq Israel kuex tvbac gay ruiux Yuda miqsaz kuex tvbac runx gay shaungx.

Hosea 5:14

Ngaz rueq hangsic vshiz ikhoc Israel nuiyc Yuda miqsaz htenc kuex khvt shaungx. Ngvy pumz maq tsuingshiq kuex tv-phuinz tv-phux puinz gay yix maq tsuingshiq kuex gay shec shaungx. Ngaz rueq tsuingshiq kuex het laq shaungx nuex, uraq muinz tsuingshiq kuex palc wvnc lot muq.

Hosea 7:12

Yuq muinz tsuingshiq kaz yaq nuex ngaz rueq jak kuex tvparc vtueq wushawx lvp shix ikhoc tsuingshiq kuex lvp gay shaungx. Tsuingshiq rueq shuimx wvnc tueq layx vbac phvnx tvkoc nuex ngaz rueq murx tvgurc shaungx.

Hosea 8:8

Israel kuex vganc miqphvnx htenc ikhoc yaungx wvnc vtueq tuik bunx ikhoc khuec guez yaungx yaq.

Hosea 9:7

Murx tvgurc vkhing shex httuiuc tueq, miq htenc rueq shuimx tueq rulc rv-ngvlc tsuingshiq rueq lvp wvnc shuex. Kvkhoc yaungx wvnc ruiux yuq jix Israel rueq tuiuz shuex! Tsuingshiq rueq, “Vruex shvmmax waz vkuex vngaz khoc vnauz. Vruex siyac hungc vlaungc httax yaq waz kuex miqyaq ngoc raung,” ngoz tueq ngoz shuinx. Nuimshiq rueq mvrax yunghvlc ningkhvnc nuex nuimshiq rueq ngaz kuex shuiuc pac wuez vphuinx.

AMO LUIK DVP (AMOS) 3:7

Johvlc Yehowa vpiq kvmungx kuex vpiq nvrc waz shvmmax bix muex max tvkhic shauk nuex, yvmx dvyx yuq muinz vpiq rueq mkaq muinz shuimx muq.

AMO LUIK DVP (AMOS) 7:17

Kvkhoc rvtueq, Amazia lex, Yehowa rueq mnoz muex jungx yaq, ‘Mtaungx nyuiuz kuex lvmx yungx nuex mephex nyuiuz muex yaungx tuex, msaz hez kuex ralx khvt nuex thvy gay rvhumc tuex. M-ghaq mraungx kuex phvlx vtueq vganc jix htenc muex kuq gay shuex, mshauk pumz kuex sawc muq mungtan vshiz nuex thueyc tuiux. Israel miqsaz kuex vsuing tsuingshiq mungtan wawc thuq wvnc rvhumc tuex,’” ngoz tueq jungx tueq.

AMO LUIK DVP (AMOS) 7:9

Esak suiuz vsaz phvnx rueq nawk palx yaq baung htenc kuex tvbac gay rvhumc tuex. Israel vsawc baung htenc httak tvbac gay shuex. Ngaz rueq Hokhvmx Jeroboam hokhvmx phvnx vmaq kuex tvsuimz gay shaungx,” ngoz tueq jungx tueq.

Mikha 6:13

Kvkhoc rvtueq nuimshiq mvrax htenc ningkhvnc nuex nuimshiq kuex tvbac phaungc wvnc muex ngaz rueq tvyoalc lot tauk shex.

JEKERIA 1:6

Ngvy nvrc waz shvmmax bix maq raz tueq nuimshiq jix vwaz tamx muex vnvr bomc htenc nuiyc honc tvsvmz bomc htenc jungx kuq tueq, yuq muinz tsuingshiq rueq kvruex bomc kuex wvlc guez tvyaungc ningkhvnc nuex yaungx wvnc yaq kuilc daz kuex rvhumc yaq. Shuimc tvkoc ngaz rueq htvp htaz wvnc tauk rulc rv-ngvlc tsuingshiq rvhumc aungx yaq kuex ngaz, Tvphaungc Tvsuip Yehowa rueq tsuingshiq muex murx tvgurc ningkhvnc nuex tsuingshiq thuinz kvlayc wuez vtueq ngaz muex kvjungc wuez yaq.’”

John 16:4

Yuq muinz tsuingshiq tvkoc vruex phvnx htenc shuimc wvnc vkhing httuiuc wvnc tuex nuex nuimshiq rueq mrvwvl yek shueq ngoz tueq vruex ngaz rueq nuimshiq muex jungx shec vphaungx. “Ngaz kuex nuimshiq rulc vdvmz httax hvt dvyx ningkhvnc nuex kungkhux nuex vruex phvnx htenc kuex jungx kuq mauk doc.