JEREMIA 44:10 - ASII LAKDAP Bible (BSI)

¹⁰ Shatmaq ümchaü ranaiq niitaq saüli, namshiq tsantsii ka klai wan man dea. Namshiq raq Ngi ka shreng wan man dea, kiimaq Ngi raq namshiq ma nai namtitiim ma kuq wan kang tri raütu kra lang lanta siwan man riitlan.

Hawa Naga Bible 2001

¹⁰ Yuq muinz nuimshiq kuex majuiuc raungnuiyq nuex httuiuc laz nuimshiq shauk pumz kuex tvyomx vshuinx rvmuq. Nuimshiq rueq ngaz muex tvtsanc nganc vphuinx rvmuq, nuimshiq nuiyc nuimshiq jix vwaz tamx muex ngaz rueq kuq shex tauk tvrac lotlaz rulc rv-ngvlc phvnx wuez vshuinx rvmuq.

JEREMIA 44:10 Referencias Cruzadas

1 HOKHVMX 21:29

“Liilaq, ümniiraq Ahab ka imakki na jamkho aranse miishe jakitaq kra chhi tlaü shea? Riita ümchaü min apaiq raq imakki na akha aranse ma jatlaq arningkhan, Ngi raq apaiq pat na kra chongkang chongthum chamchao ka tiisaü mang. Kriika Ngi raq Ahab ma ase pat niishetiq tsangta ma chongthum chamchao kra mitiisaüha.”

2 HOKHVMX 22:19

Kiimaq Ngi raq Jerusalem nai kiijaq siti mungmaiqse ka mitiithen baiqha nguta tiiphiipkang kra phat laüta, ümniika imakki na aranse ma ja laüta, ümdü wa ümkhu ümkhea thun kra chaiham chaihea riilaüta, ümra ka tiidii laü she. Ngi raq arka maklii jaina tiijang maimak phiiptsi jiiptsi hiqmiq changkhü ikha mitiithen baiqha. Maiqse raq arhiq mangchong raüta manson shiiton miishe mitiija baiq. Shatmaq Ngi raq ümnaq achu jaü ka taikang she.

2 KAÜWA WERAÜ 32:26

Shatmaq atiisup niishe Hejekia nai Jerusalemti ka aranse ma jato. Kra ningkhan Tatiwe raq Hejekia mitsai shaq wiiwii mungmaiqse mo ka tiihomak riito.

2 KAÜWA WERAÜ 33:12

Achamchaotsi miishe apaiq tsantsii ka anin she riito. Raüta amiira ka tiiduto kiimaq Tatiwe apaiq Shiikeawe wokhong na nyap nongto. Kiimaq apaiq jaq wa khrum kuqlaq nguta achu jaüto.

2 KAÜWA WERAÜ 33:19

Kiimahali hokhamwe raq achu jaütaq nai Shiikeawe raq apaiq achu jaü tretaq bom thun, kiimaq apaiq mra mitiidii wan shaq na apaiq raq ngarai tangtaq thun raüpot kra- apaiq raq ashut klowantaq thun kra, thatsang noqkujam thun haitaq kra kiimaq jechak nyung phrakaü Ashera berong thun shongtaq kra, kiimaq apaiq raq sumla thun shomnoq wantaq thun kra wiita Shammibi Manphan Lakdap na waiq thüto.

2 KAÜWA WERAÜ 34:27

Kiimaq ngi raq Jerusalem nai kiijaq siti maiqse ma imo mitiihoha nguta chongtiikang kra tai laüta, ümniiraq ümngarai kra tiidii laüta ümtsantsii ka klai wan laü. Laüta iman na aranse ma jalaüta ümdü wa khea kra chaihea hea laüta makphai khüshang hoqsiq laü. Ngi raq ümnaq achu jaü ka tre kang she.

Tvtsvmc 34:18

Tatiwe ka tsaiji ajomti tho na; apaiq raq aran chang ahüti thun wiita khup wongkuqtlo.

Tvtsvmc 51:17

Ihonglu ka tsannin woknin honglu, O Shiikeawe lei, ümniiraq tsan nin woknin tsantsii nai mra tiidii wanti ka shishe maü,

Tvtsvmc 78:10

Tsangshiq raq Shiikeawe rai tongshongtaq ramram raükha kra lang mak riito; tsangshiq raq apaiq thungtri lang mak jinto.

DUNGWVNC 10:3

Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.

DUNGWVNC 9:17

Kra taü maq dongdii min, ümniika ümchaü niitaq ümngiim boqshat li sitlaü. Kiimaq isenginok ka tiiwa maü ningtang tlaü.

DUNGWVNC 9:30

Shatmaq ngi raq asapha, ümnaq nai ümsengi ajong alabi thun ka Tatiwe Shiikeawe ma haisong tsantsii thü man shaqli.”

TAKSU LAK 14:16

Taksu maiqse ka honkamshat maq sitlo, shatmaq maiqjiq ngamphiqti ka, taülaükhiq mophiim phiim shamkitlo.

TAKSU LAK 16:6

Shiikeawe wokhong na, tsapkapkap maq silaq; raüla apaiq raq üm ngarai midiikuq. Tatiwe aming lang laüta silaq, ümniima abi mra saümak miraq.

TAKSU LAK 28:14

Tatiwe aming wokhong na, siti ma kechu jonghea miraq. Shatmaq jurwa atsantsii, tiitsin raüta sitlaq, kriiti ka ashthen mirbaiq.

TAKSU LAK 8:13

Tatiwe shreng ngutiikai ka, abi kiimung thun ka saisi raa. Ngi raq shiikong tsii nai khünga tsii ka saisi tiikang. Abi lamphan nai arot bomtsi kra saisi tiikang.

ISAIA 42:24

Israilnok ka thiimeaq kong ma juro tükuqta? Tatiwe apaiq raq khata, nashiq raq apaiq makki na ngarai tangkai kata! Nashiq ka apaiq raq chongtlaq kiikhii ri simai, riimakla apaiq raq nashiq ma shrinkuqtaq tri kri langmai.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

JEREMIA 10:7

Ümniika maiq mung thun tlotli thaq na hokham, ümnaq shreng makti ka juwa maiq asi shea? Ümnaq shreng ka thektlo dongdii. Ümniikhan ahin ka jumin ahü, maiq mung thun na sitlaq taksma maiqse phong na. Kiimaq tsangshiq hokhambi phong niimin ahü.

JEREMIA 26:4

Tatiwe raq ngi ma mungmaiqse ma chongkuqlaq nguta thaüto, “Ngi Tatiwe raq namshiq ma Ngi raq jamlai wa shrinkuq kang kra lang lanta iwokhong na sironglaq nguta chongkuq kang.

JEREMIA 32:23

Shatmaq tsangshiq ka ümtiikiiwa armung na saüwantaq, raüta armung ka jiiwantaq, raüta hiq ka lap wantaq, tsangshiq raq ümniiraq akuq haü aming raütu thun ka lang wan mak riito. Kiimaq ümniiraq ashrinkuq haü, tri raütu kra phanphan siwan mak riito. Ümniiraq ümchuwa aming thun tsangshiq ma kuq laü thun kra akhiismin lang mak riito. Kriikha niishe ümniiraq tsangshiq khuthaq na atin khan thenjen chamchao she tiisaü kuq laü.

JEREMIA 36:24

Shatmaq arthun tsütsa kra tai raüta min, hokhamwe min kiimaq asenginok ajong alabi thun kiimin tsangshiq tsan na ahai asong tsantsii ka akhiismin thümak riito. Kiimaq shut tiikai dea nguta atiishudaq hon atsii ka ahü tiichhimak riito.

JEREMIA 44:23

Ara ümchaü namshiq khuthaq na akha athen ajen wan akhing saüwataq arka namshiq raq laihin phra thun ma honglu kuq wan lanta Tatiwe makki na ngarai tang wan lanta apaiq aming thun kra tlea wan lan kriikha na then lan.”

JEREMIA 5:3

Tengteng, Tatiwe riika tsapkapkap maq noqti rittlo. Apaiq raq namshiq ka sintsang maq bukto, shatmaq namshiq raq tsantsii kuq man dea. Apaiq raq namshiq tiibunlak bukto, shatmaq namshiq raq shrin mandea. Namshiq ka wanshakshak nilannok; kiimaq nam ngarai lam phan ka thaqbaiq man dea.

JEREMIA 6:15

Riita tsangshiq raq atin khan maiqphai asi ashut klowan raüta, tsangshiq ka tiijeasi tlaq shea? Tiijeasi mak. Tsangshiq ka tiijeasi mak. Tsangshiq riika atiijeasi ngutlaq ka jamlai nang wa ngutlaq kriimin sap phaq mak. Arningkhan tsangshiq kiimin nanok abiti thun jamkho miqphaq wantaq, kiikhiisii mimiq phaq wan. Ümtiikiiwa ngi raq tsangshiq ma imo mitiiho ha, kra akhing kriishe tsangshiq thum wan akhing miraq. Arka Ngi, Tatiwe raq ngutiikang.”

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

EJEKIEL 9:4

“Ümniika chela mong na tiikhamli kilaq, laüta ara chela mong na ashe ashi riikhiq maiqphai asi jaqsham wan kha na maiqse ümchu wa pinthum tsantsi mongtsi maq sitlaqti thun khakam na atiitsang wan chang waiq thülaq.”

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Luke 23:40

Shatmaq, kiiwa weshi raq, “Ümniika Shiikeawe ma hai maü sha? Ümniiraq ho phaq tlaü kiimin apaiq raq ho phaq tlaq kiikhiisii ho phaq tlaü.

Romans 11:20

Kriika riikhaqli tengto dea. Tsangshiq ngei baiq rat wantaq kriika, tsangshiq raq kamtsantsii thü wan mak kha na, ngeibaiq wanto. Kiimaq ümchaü namshiq ka tsangshiq cham chang chong na triiche cham tlan. Arka namshiq raq kamtsantsii thü tlan kra kha maq, tiichamkuq wantlo. Shatmaq, kra miitu namshiq ka naq shiikong rongkiq. Ashkong wan la na, namshiq ka tiihaisong shatmaq khoti singa ronglaq. Kra riihan jiika, namshiq ma ahea miraq.

1 Peter 5:6

Aranse ma jalaq, ningkun ajong Shiikeawe jaqkhong na. Kiikha si haüla, apaiq raq akhing hongto angu na, ümniika ra na mido.

Revelation 15:4

O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”