JEREMIA 4:7 - ASII LAKDAP Bible (BSI) Hangsikaü rum na bomhai raüta akhe dongkitlaq ikha, maiq mung thun tiithenkaitiwe kitlo she. Apaiq ka Juda mung tiithenkai kitlo. Juda mung wa chela thun ka botkhulai rai mishotbaiq, kiimaq kriithun na maiq jumin simak she miraq. Hawa Naga Bible 2001 Piq kvhttuiyq juing baung wawc dung kaz yaq hangsic ikhoc, miqphvnx ruip rawx tvbac gay jix waz kuex dung kaz yaq. Piq kuex Yuda mungx tvbac gay muex kaz yaq. Yuda ghaqyungx htenc kuex bac wvnc vtueq, miq vshiz muinz httax tuex rvmuq shex. |
Jehoiakim ka Hokham jatlaq akhing na, Bebilon mung Hokhamwe Nebukadnejar raq Juda mung ka longto. Raüta Jehoiakim ka awokhong na wiitsam wanse ma ningkun maq jamshato. Kra jai miishe Jehoiakim ka Bebilon mung hokhamwe wokhong wa dongho la nguta tijongtsiiq kuqmak khiito.
Jedekia ka Bebilon mung Hokhamwe Nebukadnejar wokhong wa donghoto. Raüta tijong tsiiq wa khiito. Kra ningkhan she Nebukadnejar ka asengi phenlabi wiita sheaho raüta Jerusalem longkai kito. Raüta Jerusalem ka Jedekia raq mung lang wan li maq wiitiikaü she angu na kra rawii wa jipi lüroqshi she angu na kra jipi jiha raroqshi ranaiq na khat pha wanto. Tsangshiq raq Jerusalem trotam na phenlabi piitiip teito. Raüta chela mong na wa chang chela kiitelong ruk tro na hiqphong raüta lam thun pahea tiicho phongto.
Ümmung ka miqchup tiithenbaiqto she. Kiimaq ümmung wa chela thun ka wiita wa maq chaqbaiqto. Raüta botkhulai rai she shotbaiqto. Ümniiraq liishat ümmakki na, pongmungti raq ümmung ka khatto. Raüta wiita jiiwanto. Raüta hiq maq hutse she shiithen baiqto.
Ngi raq Ajong Pinthum Tati raq akha ngutlo taikang, “Arthun jamkaütiim ajong jong wiq siisaq, kiimaq tsomhea sitlaq jamkaütiim thun arka jammii she miriimki.
Ngi raq waikang, “Tati lei, riita akhiika ümtincho na saüli wa misi?” Apaiq raq treto, “Chela thun ka tiithenbaiq raüta shaqmii she miraq. Maiqjam phong na maiq ka asiti jumin ahü she miraq. Armung ka hiqmiq changkhü ma tiijali she mitiithenbaiq.
Tsangshiq raq apaiq ka hangsikong raq tiihaitlaq ikha ahok aho tiihaitlo; tsangshiq raq amung ka kumtsaiphii mung miishe tiijabaiqto, kiimaq achela thun ka botkhulai rai shotbaiqto, laimiq hiqmiq changkhü miishe tiijabaiqto.
“Ngi ma Juda mung hokhamta jam ka Gilead wang rum jamkho tsomsiqtlaq kiikha tsomhea. Kiimaq Lebanon pum ka jamkho tsomtlaq kiikha tsomhea. Shatmaq Ngi raq arka maiqsi maiqnga maimak hiqmiq changkhü ma mitiija baiqha.
Ngi raq ara tiithen baiqkai miitu re kong she tiiki tiikang. Tsangshiq tarü raq mang doraq chhaq maq kiraüta, maisak pe maq toqpum kham thun tsomhea ahai kra wiita midaqbaiq. Raüta wa niishe michaq baiq.
Tatiwe raq asenginok ka hangsikaü raq apaiq bumchang longsha baiqthütlaq ikha miimbaiqto she. Redong phiiptsi chang rathaiq saü wantaq kriiraq nai Tatiwe tsankhiq henghea waniitu raq, mung ka kumtsaiphii botkhulai mung miishe tiija baiqto.
‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.
Ümniiraq Tatiwe mang na ara Shomjam ka Shilo chela wa asii jam tiithenbaiqtaq kiikha mitiithen baiq kiimaq ara chela armin atiithen mirbaiq. Raüta ara chela na siti maiq ka jumin ahü she miraq nguta jaram wa son laü?” Raütiishe mungmaiqse ka ngi trotam niishe riitsap wanto.
“Shatmaq maiq mung ashira raq kiimaq hokham weshi ra raq, apaiq puk na nyap mak raüla, Ngi raq kra mung ka re ma mitiikhat ha, lata sintsang maq mitsat ha, ram tiidong lata, ram ma mitiitsaiha; kiimaq tha tiidong lata mitiijiimbaiqha. Lata kra mung ka Nebukadnejar ma tiikhat lata botkhulai rai mishot baiqha.
Tatiwe raq nguto, “Maiqse raq ara hiqshong arka kumtsaiphii rumnyangkhi ikha jakito. Arjaq maiq min simak she, kiimaq nyamse kong min simak she. Tsangshiq raq ngutlaq ka tengto dea. Juda mung wa chela thun ka kiimaq Jerusalem chela wa chiihea wea lam thun ka shaqmii she. Maiq min simak kiimaq nyamse kong min simak she. Shatmaq jaimaq arthun arjaq ümniiraq mitai nonghaü.
Ngi raq aming mikuqha. Tsangshiq ka ara chela khatkai nong mijangki. Tsangshiq raq ara chela ara mikhat. Raüta chela ka milap wan. Raüta arka wa maq michaqbaiq. Ngi raq Juda mung wa chela thun ka rumnyangkhi kumtsaiphii miishe mitiija baiqha. Kiijaq maiq asiti jumin ahü she miraq. Arka Ngi, Tatiwe raq toqtan tiikang.”
Kumrang thaq na chaoti phenlabi, nai liq witinok thun saksok laqsaq trang kra tai raüta maiq thun wiita apin ajin mijutrang. Maiq wiijam ka rum na miju, wiijam ka long raqkhong na mitiipaü ju. Chela thun wiita maiq ahü siirai miraq, kiimaq kra chela thun na maiq ka jumin siwa nong mak she miraq.
Tati Ningkun Ajongwe, Israilnok Shiikeawe raq nguto, “Namshiq maiqmii raq chhilan she, Ngi raq Jerusalem nai Juda mung wa chela ahin thun wiita tiithenbaiq kang kra. Ümchaü niitaq saüli kra chela thun ka ariim arki abun kaiwi sitlo kiimaq maiq ka jumin simak ahü.
Ngi, Tati Ningkun Ajongwe ka hokham. Ngi ka atra Shiikeawe. Tabor Pum ka pumthun tarü thaq na acho pinthum, kiimaq Karmel pum ka khamjong chum na thaq chohea, ikiikha ümnaq khatkaitiwe ningkun ka henghea miraq.
Jordan raikii binjü na rumnyangkhi mong wa, hangsi kaü ka dongho raüta Jordan rai tan na skukong rümchang sangphii rü wak ram binjü na dongho tlaq ikha. Ngi ka tiihanghiiq miili dongho lata Edom mungti ka tsang mung kiiwa mitiipin jobaiqha. Kra latiishe tsang mung pengti wela ka Ngi raq tsea lata mishongha. Ngi rai thapthi chang maiq ka asi sha? Ngi rai riilongti ka maiq asi sha? Ngi rai riikhettotti hokham ka asi sha?
Kra ningkhan rum wa hangsi kong raq tsangshiq ka mikaq; kumtsaiphii rumnyangkhi wa shekong raq tsangshiq ka bunlak buncha mikaq phaq. Kiimaq tsangshiq chela thun mong na chiqwaiqkong wa raüta mikhephaq. Tsangshiq ka chela phai niishe dongki raüla, tsangshiq ka bunlak buncha mikaq phaq. Jamkhano ngukla tsangshiq ngarai ma ka ra ma hiq ma. Kiimaq tiithongkiki tsangshiq raq Shiikeawe bom ka tlea wanto.
Tatiwe raq ngutlo, “Israilnok ka skusekong hangsi kong raq jo raüta atiipinbaiq ikha. Apha na tsangshiq ka Asiria mung hokhamwe ajongwe raq khatto. Kiimaq kra jai maq Bebilon mung hokhamwe Nebukadnejar raq tsang rii thun ka bunlaklak kaqphaqto.
“Hangsi kaü ka Jordan raikii tan na rumnyangkhi mong maq dong wan raüta, skukong rümchang sangphii tan na dong wantlaq ikha, Ngi, Tatiwe ka midong wanha. Lata Bebilon mungti ka tsangshiq chela mong wa tiihanghiiq miili mitiipin baiqha. Kra latiishe Ngi raq mung pengti weshi shong wantiikang we raq mung ka mipeng. Ngi rai triingea chang maiq ahin ka asi sha? Ngi rai riilong lati maiq ka asi sha? Ngi rai riikhettotti hokham ka asi sha?
Nashiq khatkaiti renok ümchaü Dan chela niishe saüto. Nashiq raq tsangshiq kumrangkong khü thutrang ka taitiikai she. Tsangshiq kumrang kong thun kra hoqtrang raüla ramok rachhai watrang ikha na mung wiita atiikhai banban she tiikhai wantlo. Nashiq jaqtinok ka na mung ara shiithen baiqkai she saükito. Namung na jamlai phan wa sitlaq kra wiita thumthum she mitiithen baiq wan. Nashiq chela thun kiimaq kiijaq siti mungmaiqse thun thum thum she mishthen baiq wan.”
Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”
Chela thun na ümchaü maiq raq ama sitlaq kra wiita mishthen baiq. Kiimaq hiqshong thun ka kumtsaiphii ma mitiijabaiq. Kiijiishe tsangshiq raq Ngi ardea Tatiwe nguta misap wan.”
Ngi raq itsankhiq ka walütu ikha nyaitlaq kriimaq ümtiikiiwa namshiq ka mishechaqha, kiitiikaq namshiq raq itsankhiq heng kra misap han. Kiimaq Ngi raq namshiq ka maiqse jiipbaiq tsinheatinok jaq khon mong na mikiinong kuqbaiqha. Tsangshiq ka maiqjiipbaiq ma smanok.
“Maiqse lei, Ejip mung hokhamwe ma atsi dada maq hon lam bom chongkuqlaq. Apaiq ma ara Ngi raq tiichong tiikang tsütsa ara akha chongkuqlaq: Ümniika maiq mung thun khuthaq na hangsikaü ikha tiitsamkam laüta jamsha tlaü. Shatmaq ümniika chlaikaü jürai na kham mong na kham ka tiipiipbuk raüta khumtlaq ikha sitlaü. Ümniiraq ümhok maq jürai thun wa kham ka wiita tiingibaiqtlaü. Laüta boqtham kham ma tiija baiqtlaü. Laüta kham ka tiisheshi baiqtlaü.
Apaiq ka pinthum jonghea kha maq, mangjong hiq wa maiq mung thun, maiqphan thun, kiimaq maiq aphan aphan bomti thun tarü ka apaiq ma ahai rakrak kiimaq pinthum phiipkhiq siisaq sito. Apaiq raq juwa atseabaiq tiima tlaq, kriiti ka tsatbaiqto; kiimaq apaiq raq juwa atra tiisi lungwii tlaq, kriiti ka atra tiisi wanto. Apaiq raq juwa ashreng rotlaq, kriitika shreng wanto. Kiimaq apaiq raq ümriiti wa ashummii chang nguta tiima tlaq, kriiti ka shummii wanto.
Apha shaqshaq kaü ka, hangsikaü sham ikha. Shatmaq liiha kaü ikha arakong asi. Ngi raq liirat tiikang bala liipan niili, arakong thun ka chatbaiqto. Raüta ngamthaiq kaü ka ado raüta maiq ikha tiichapto. Raüta apaiq miika maiqse khutsai she thiikuqto.
Ngi raq nam chela thun ka hiqmiq changkhü miishe mitiija baiqha. Namshiq raq sumla noq tlan hiqba thun kra wiita mitiithen baiqha. Kiimaq namshiq raq Ngi ma honglu takuq tlan thun kriika tao mang she mirha.
Ngi raq namshiq khuthaq na chiq are pahea mitiidong wanha. Lata namshiq ka pongmung pahea na wiita anyin mirbaiqha. Nam mung ka shaq miishe miraq. Kiimaq nam chela thun ka wiita botkhulai rai mishot baiq.