JEREMIA 5:6 - ASII LAKDAP Bible (BSI)

⁶ Kra ningkhan rum wa hangsi kong raq tsangshiq ka mikaq; kumtsaiphii rumnyangkhi wa shekong raq tsangshiq ka bunlak buncha mikaq phaq. Kiimaq tsangshiq chela thun mong na chiqwaiqkong wa raüta mikhephaq. Tsangshiq ka chela phai niishe dongki raüla, tsangshiq ka bunlak buncha mikaq phaq. Jamkhano ngukla tsangshiq ngarai ma ka ra ma hiq ma. Kiimaq tiithongkiki tsangshiq raq Shiikeawe bom ka tlea wanto.

Hawa Naga Bible 2001

⁶ Kvkhoc ningkhvnc nuex luingx vlak wawc hangsic htenc rueq tsuingshiq kuex kauk gay shuex; kumtsvy tvnx wawc yaruix guyhex htenc rueq tsuingshiq kuex tvhtaq tvruk kauk gay shuex, pulx jungx jaq rueq muinz ke-phic maq bvmc vtueq, mkhoc shoc maq miq dung kaz ruiux yuq, tvhtaq tvruk kauk gay shuex, yvmx khoc lac ngoz ruiux lex tsuingshiq kuex mvrax paunghvlc nuiyc Tishox muex lauk wvruip ruip yix tvnungx shungc kuy ningkhvnc nuex rvtueq.

JEREMIA 5:6 Referencias Cruzadas

2 KAÜWA WERAÜ 36:14

Kriithaq niimin, Juda mung wa welabi, ramwebi, kiimaq mungmaiqse thun tlotli raq, tsangmung tro na siti maiq pong mungti thun raq shomnoq tlaq sumla phra kong thun kra shomnoqto. Raüta tsangshiq raq Tatiwe apaiq raq asii atiija wan Shomjam kra tiisheshi baiqto.

EJRA 10:10

Kra akhing na ramwe Ejra ka mungmaiqse man na chapto. Raüta, akha chongkuqto, “Namshiq raq kamasham lamphan tri raütu ka wiita jin wan lan. Lanta, pongnok sheare lamwan lan. Kra lanta namshiq raq Israilnok mung khuthaq na ashut ngarai jonghea tang wan lan.

EJRA 9:6

Ngi raq akha jaü kang, “O Shiikeawe lei, ngi arka ümman na chap wan min kham mang, pinthum jea tiikang. Naishiq mra thun ka ümmak lii na achong lotmai, naishiq thaq na amashe riiwanto. Naishiq ngarai homa phong ka ramong nyang niishe saü wanto.

YOBA 10:16

Kiimaq ngi raq phanshi rase ongwan kang li jiimin, ümniiraq ngi ka hangsi kaü raq ngam kaqphaq hotlaq ikhli kaqho tlaü; ngi tiishophi miitu ümniiraq awang chang thun shamtlaü.

Tvtsvmc 104:20

Ümniiraq rawa tiiqlaü, kiimaq ranyaq na rumnyamse kong kunli donghotlo.

Tvtsvmc 80:13

Rum wa waqnyi kong wa raüta nibaiqtlo kiimaq rum nyamsekong raq kra phaqtlo.

ISAIA 1:23

Ümwelabi thun ka ikiq khiitikong siisaq. Kiimaq ahuk arot kong kongti siisaq she; tsangshiq raq wranaiqshe mungmaiqse jaq wa kongphiq jaqmiiq kiimaq tsiiqlap jaütlo. Tsangshiq raq rung maq thümwaq mantisetiim ka ümtiikiimin tiiwongkuq mak. Kiimaq manti nyungre raq tsangshiq kha ka phokuq ronglaq nguta rung na shok raü min liikuq mak.

ISAIA 59:12

“Tatiwe lei, naishiq raq ümman na ashut pahea klokai. Naishiq ngarai phong riili naishiq tiishuttlo. Naishiq raq naishiq ngarai homa riiphongtlaq kra wiita asaphai.

JEREMIA 14:7

Isenginok raq ngi ma hoq trangtlo, ‘Naishiq ngarai raq naishiq shra raü min, naishiq khrumlaq, Tatiwe lei, ümniiraq ümkiq khamkuq laü kra phan phan. Naishiq ümwokhong wa jang pahea donghokai; naishiq raq ümmakki na ngarai tangkai.

JEREMIA 2:15

Tsangshiq raq apaiq ka hangsikong raq tiihaitlaq ikha ahok aho tiihaitlo; tsangshiq raq amung ka kumtsaiphii mung miishe tiijabaiqto, kiimaq achela thun ka botkhulai rai shotbaiqto, laimiq hiqmiq changkhü miishe tiijabaiqto.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 2:31

Israilnok lei, ngi raq jamlai bom wa chongtiikang ara tiitsang taironglaq. Ngi ka namshiq ma rumnyangkhi kumtsaiphii ikhiishea jaki kang? Kiimaq namshiq ma ranyaq tangtang kaü kiimaq maiqphiip maiqjiip mung ikhiishea jakikang? Ikhla, namshiq riika maiqmii tsan raq aroro phan kli klo lanta misihan, ngi phaniika jang wan man she nguta jaram wa ngutlan?

JEREMIA 25:38

Tatiwe raq asenginok ka hangsikaü raq apaiq bumchang longsha baiqthütlaq ikha miimbaiqto she. Redong phiiptsi chang rathaiq saü wantaq kriiraq nai Tatiwe tsankhiq henghea waniitu raq, mung ka kumtsaiphii botkhulai mung miishe tiija baiqto.

JEREMIA 30:14

Namwesetiim raq namshiq ka miimbaiqto she; tsangshiq raq namshiq ka broriimak she. Ngi raq namshiq ka re ma jalata khat tiikang; namshiq ma mo tiihotaq kriika alaiqwiq riito. Jamkhano ngukla namshiq ngarai ka pahea, kiimaq namshiq raq abi kiimungtlan thun ka pahea.

JEREMIA 30:15

Namkhum na ami phong sitlaq kra miitu, naq tiibot rongkiq she, namshiq mitsi tiihea chang tsiq ka ahü. Ngi raq namshiq ma akha mo tiihokang, jamkhano ngukla namshiq ngarai ka pahea, kiimaq namshiq raq abi klotlan ka jonghea.

JEREMIA 4:7

Hangsikaü rum na bomhai raüta akhe dongkitlaq ikha, maiq mung thun tiithenkaitiwe kitlo she. Apaiq ka Juda mung tiithenkai kitlo. Juda mung wa chela thun ka botkhulai rai mishotbaiq, kiimaq kriithun na maiq jumin simak she miraq.

JEREMIA 49:19

Jordan raikii binjü na rumnyangkhi mong wa, hangsi kaü ka dongho raüta Jordan rai tan na skukong rümchang sangphii rü wak ram binjü na dongho tlaq ikha. Ngi ka tiihanghiiq miili dongho lata Edom mungti ka tsang mung kiiwa mitiipin jobaiqha. Kra latiishe tsang mung pengti wela ka Ngi raq tsea lata mishongha. Ngi rai thapthi chang maiq ka asi sha? Ngi rai riilongti ka maiq asi sha? Ngi rai riikhettotti hokham ka asi sha?

JEREMIA 8:5

Ikhiijiika isenginok namshiq ka ngi phana jai na jang wan man maq, klang maq iwokhong wa jamkho juho lan? Namshiq ka nam phra sumla thun kriidii niili she tiipop wan lan. Lantea ngi phaniika jang wan roman she ngiimtlan.

JEREMIA 8:7

Rum wushi stok kong raq santla tsangshiq ka ümtincho na laü wan nong changwa kra akhing ka asap. Kiimaq haütaü kong, tsakklailu kong, kiimaq wukam kong raq santla tsangshiq ka ümtincho na laüho chang wa kra akhing ka asap. Shatmaq isenginok, namshiq riitiq nya ngi raq namshiq peng tiikang thung alai kra sap man.

AJONJÜ 1:5

Rewe raq apaiq khat raüta tangto, Rewe raq apaiq jaqkhon mong na khonshat, Tatiwe raq apaiq ngarai pahea kha na, Apaiq tiichamchao wanto. Asetiim ka re raq lap wanto, raüta tsuq wanto.

EJEKIEL 16:25

Ümniiraq ümshamhea tsomwa ka boq chum na bumlaüta tiihitsiq wan laü. Laüta maiq wanlea wanti ümchuwa lea wan tlaq kriiti loweatek ma ümkhum ka kiinongkuq laüta kiicham wan laü. Laüta diikiq deawan wan riilaü.

EJEKIEL 22:27

Kiimaq munghupti ajong alabi thun ka shekong ikha, ngamkaütiim ka kaq raüta jamkho kholam kholiiq chai phaqtlaq ikha mungmaiqse ka kaqphaqtlo. Tsangshiq raq maiq miisaq tantlo. Raüta chiithe ma jatlo.

EJEKIEL 23:19

Apaiq ka junrii noseji na Ejip nung na mephe nyung ma jataq kra thaq niimin achan she, mephe ma jawanto.

DANIEL 7:4

Apha shaqshaq kaü ka, hangsikaü sham ikha. Shatmaq liiha kaü ikha arakong asi. Ngi raq liirat tiikang bala liipan niili, arakong thun ka chatbaiqto. Raüta ngamthaiq kaü ka ado raüta maiq ikha tiichapto. Raüta apaiq miika maiqse khutsai she thiikuqto.

DANIEL 7:6

Ngi raq kra liirea bala niili, ngamthaiqkaü ashi hali dong wan nongto. Kriika chiqwaiq kaü ikha. Shatmaq araikhü niika wushi rakong ikha, arakong blai asi. Kiimaq akhupo ka blai jong ri. Kiimaq apaiq miika arang akuq asi riito.

Hosea 5:14

Jamkhano ngukla, ngi ka hangsi ma jalata, Israil mung ka mikaqha, hangsisetiim ma jalata Juda mung mikaqha, tsangngam ka bunlak buncha mipan phaqha. Inübok wa tsangshiq tiichhii wanti jumin ahü.”

HABAKUK 1:8

“Tsangshiq rekhat kumrang kong ka, chiqwaiq kong phiq ikha abi ali. Shenyap wan na asea shekong adong ikha. Tsangshiq rekhat kumrang kong ka, adoq haha maiq jowan. Tsangshiq rekhat kumrang kong ka, ratho ko wa watlo. Tsangshiq ka liihawe raq wuphiim tlaq ikha, phiqhea maq jo raüta do wan tlo.

JEPHANIA 3:3

Apaiq sengi aki miikiimbi ka, hangsikong ikha ahok aho watrangli. Aphowebi ka shekong aramtsi khumtlaq ikha, süramhea ngamrii ka, anap ranap miitu min tiichong mak she phaqtlo.

WEAWEA 32:14

Kiimaq ümchaü min namshiq riika namwetiim jijai kra hali she phan wan nongtlan. Ngarai bu senye pat she hali dong nong tlan, Israilnok mung khuthaq na Tatiwe tsan khiq walü henghea kra tiisaü miitu.

Revelation 13:2

Kra, ngamthaiq kaü sham ka chiqwaiq kaü ikha. Ahokpe ka chapbi hokpe ikha. Kiimaq anübok ka hangsi nübok ikha. Prenkaü raq ngamthaiq kaü ma, apaiq raq rüm tlaq ningkun tu, apaiq ngachang hokham ngacho, kiimaq apaiq raq rüm tlaq arang jonghea kiiwa wiijam triisha raüta kuqto.