DANIEL 7:4 - ASII LAKDAP Bible (BSI)

⁴ Apha shaqshaq kaü ka, hangsikaü sham ikha. Shatmaq liiha kaü ikha arakong asi. Ngi raq liirat tiikang bala liipan niili, arakong thun ka chatbaiqto. Raüta ngamthaiq kaü ka ado raüta maiq ikha tiichapto. Raüta apaiq miika maiqse khutsai she thiikuqto.

Hawa Naga Bible 2001

⁴ Vphaungc wawc jix kuex hangsic ikhoc, yuq muinz lawx ikhoc vraungx vhttax. Ngaz rueq lawc yaq nuex vraungx htenc kuex phic gay rvhumc tueq. Kvruex ngvmx saz vsvl kuiux kuex tvjvp tenz vtueq miq ikhoc lanx juit tvjvp tueq. Kvruex yimaq miqsaz thuinz vtharc kuex kuq tueq.

DANIEL 7:4 Referencias Cruzadas

2 SAMUEL 1:23

“Saul nai Jonathan ka pinthum heahea, kiimaq lungwii tsihea; Atra niimin pumshi hanshi, amaa niimin pumshi hanshi. Tsangnai ka liihawe bitlaq ikha phiqhea, Hangsi kong thaq niimin honghea.

YOBA 25:6

Ikhiijiika maiqse khoshose, ajong ajiise, saisii kaüse kra miitu ka archong chang min asi shea? Shiikeawe makki na maiqse ka athii min asi shea?

Tvtsvmc 9:20

Tsangshiq ka phiip raq mitsai laq, O Tatiwe lei; tsangshiq ka miinan hiqdali nguta tiisap kuqlaq.

JEREMIA 25:38

Tatiwe raq asenginok ka hangsikaü raq apaiq bumchang longsha baiqthütlaq ikha miimbaiqto she. Redong phiiptsi chang rathaiq saü wantaq kriiraq nai Tatiwe tsankhiq henghea waniitu raq, mung ka kumtsaiphii botkhulai mung miishe tiija baiqto.

JEREMIA 4:13

Liironglaq, rewe ka phum pong wan tlaq ikha saü wantlo. Apaiq rekhat chang kumrang leng phong ka atro rathaiq ikha saü wantlo. Kiimaq apaiq kumrang kong thun ka liihawe kaütiim bitlaq nam miimin aphiq lin. Nashiq ha miqkai she! Nashiq ha michup thumkai she!

JEREMIA 4:7

Hangsikaü rum na bomhai raüta akhe dongkitlaq ikha, maiq mung thun tiithenkaitiwe kitlo she. Apaiq ka Juda mung tiithenkai kitlo. Juda mung wa chela thun ka botkhulai rai mishotbaiq, kiimaq kriithun na maiq jumin simak she miraq.

JEREMIA 48:40

Tatiwe raq akiq akhamke kun she, maiq mung ashiti ka liihawe ikha ajolulu arakong wiinai ka tiipii raüta Mob mung ka miphiimki.

JEREMIA 49:19

Jordan raikii binjü na rumnyangkhi mong wa, hangsi kaü ka dongho raüta Jordan rai tan na skukong rümchang sangphii rü wak ram binjü na dongho tlaq ikha. Ngi ka tiihanghiiq miili dongho lata Edom mungti ka tsang mung kiiwa mitiipin jobaiqha. Kra latiishe tsang mung pengti wela ka Ngi raq tsea lata mishongha. Ngi rai thapthi chang maiq ka asi sha? Ngi rai riilongti ka maiq asi sha? Ngi rai riikhettotti hokham ka asi sha?

AJONJÜ 4:19

Nashiq ka liihawe raq ra wang win maq ajolulu, wuphiim tlaq ikha jotlo. Tsangshiq raq kin thun kiimaq phanho raüta, rumnyangkhi na tiihanghiiq maq kaqhoto.

EJEKIEL 17:3

Tsangshiq raq Ngi, Tati Rakaü Hiqwe raq tsangshiq ma jamlai wa chongkuq tiikang ara misap laq: Man na liihawe kaü jonghea lang lang ashi riito. Abin thun ka tsomhea kiimaq arakong wiinai min jonghea. Tiipü kla raham hiqham. Apaiq ka Lebanon pumkaü thun kiina biwanto. Raüta maisak chong mun kra toqphat ngoqto.

EJEKIEL 28:2

“Maiqse lei, Tajar mung pengtiwe ma, Ngi, Tati Rakaü Hiqwe raq apaiq ma jam bom wa chongtiikang kra chonglaq: Ümkhü tiinga raü shiikongtlaü: Ümniika phra kaü nguta tsütsit tlaü. Ümniinga phra kaü ikha hokham ngacho na ngatiikang ngutlaü. Ümtro na khamjong chum thun maq rukje. Ümniika phra kaü nguta tiichongsiq tlaü sham. Shatmaq riimak. Ümniika maiqse, ratiwe riimak.

EJEKIEL 28:9

Riita ümtiikiiwa tsangshiq ka ümnaq tseakai kitlaq akhing na, ümniika ratiwe tiina nguta tsütsit ruqli shea mirhaü? Ümtiikiiwa ümnaq tseakaiti matwebi rai riihumtlaü, kiitiikaq ümniika maiqse ma mija haü, ra wa maiq ka riimak.

DANIEL 2:38

Apaiq raq ümniika ara mangjonghiq raikhü na maiqse sitlaq kra pengti, kiimaq rumnyamse, kiimaq peshap wushi wiita kra pengti ma shongto. Kra chaq maq alo khupo ka ümnaq riilaü.

DANIEL 4:36

“Ümtiikiiwa isung itsii ka tsangriri she tsang wan nongtaq, ngi ma shreng manto, imang chong jong, kiimaq imungtan jonglu khushü kra kunkun ngi ma hali jangkuq nongto. Iwokhong na siti, ajong alabi raq, kiimaq aki miikiimbi thun raq, ngi ka tao wan nongto. Raüta ngi ka hokham ngacho na hali tiinga nongto. Raüta ngi ma hokham ningkun nai arangho ka, kongkhu lak wa kriithaq na apalin she tiitsuq kuq nongto.

DANIEL 7:12

Kiimaq ngamthaiqkaü ahinti ningkun ka anyea riihoto. Shatmaq tsangshiq ka akhing phanshi ri tiisi nong miitu atrali thüto.

DANIEL 7:5

Kaünai ngojati ka chapbikaü ikha, awühok wiinai maq chap raü riito. Anübok niika, maiqsiim rii atsam kamraü. Kiimaq maiqbom ashi raq apaiq ma akha thaüto, “Bakphaq laq! Ngam ka ümchu phaq wa rotlaü phaq laq!”

Matthew 24:28

“Ümriibano ama wetlaq, kiijiika langtang kong mirtam.

TRI CHONGKE 28:49

Tatiwe raq üm khuthaq na pong mungti rathup rapha mungti kra mishea wan. Kra mungti bom ka ümniiraq taimaü mirhaü. Tsangshiq ka wa raüta liihawe raq wu phiimtlaq ikhiishe ümniika miphiim wan.

Revelation 13:2

Kra, ngamthaiq kaü sham ka chiqwaiq kaü ikha. Ahokpe ka chapbi hokpe ikha. Kiimaq anübok ka hangsi nübok ikha. Prenkaü raq ngamthaiq kaü ma, apaiq raq rüm tlaq ningkun tu, apaiq ngachang hokham ngacho, kiimaq apaiq raq rüm tlaq arang jonghea kiiwa wiijam triisha raüta kuqto.