DANIEL 5:19 - ASII LAKDAP Bible (BSI)

¹⁹ Apaiq ka pinthum jonghea kha maq, mangjong hiq wa maiq mung thun, maiqphan thun, kiimaq maiq aphan aphan bomti thun tarü ka apaiq ma ahai rakrak kiimaq pinthum phiipkhiq siisaq sito. Apaiq raq juwa atseabaiq tiima tlaq, kriiti ka tsatbaiqto; kiimaq apaiq raq juwa atra tiisi lungwii tlaq, kriiti ka atra tiisi wanto. Apaiq raq juwa ashreng rotlaq, kriitika shreng wanto. Kiimaq apaiq raq ümriiti wa ashummii chang nguta tiima tlaq, kriiti ka shummii wanto.

Hawa Naga Bible 2001

¹⁹ Piq kuex pinhtumc yungc loayc ningkhvnc nuex miqphvnx htenc, vphvnx htenc nuiyc kvjaz phvnx ruip miqsaz htenc piq muex hiyaz kvkhuirc wuez tueq. Piq rueq miq vshiz shiz thvy gay roc ruiux, thvt gay yaq; miq vshiz shiz kuex tvraungx roc ruiux, tvraungx tvhttax yaq. Tvtsanc nganc rvmuq ngoz ruiux tvyvlc sac roc ruiux muinz piq rueq htaz.

DANIEL 5:19 Referencias Cruzadas

2 HOKHVMX 25:28

Ewilmerodakh raq apaiq ma mangchang tsantsii tiichhi kuqto. Raüta apaiq rai nanok ahinti hokhambi kiijaq Bebilon mung na munglu shumwi ma atsuq wan kra phong na, apaiq ma shreng manto ajong lin she kuq raüta shongto.

TAKSU LAK 16:14

Taksu maiqse riika, hokhamwe tsan tiihea miitu, jaq misham. Hokhamwe tsankhiq raü ka, maiq ashi ra miisaq mothum miraq.

THARC TVLUINGC 8:3

Hokhamwe man wa jaqlo atiidohokap riilaq. Apaiq tsankhiq chang bomtsi jiila. Ümchiim ajinkap riilaq. Apaiq raq jam lai wa tiima tlaq kra miklo.

EJEKIEL 31:11

Kra ningkhan, Ngi raq kra chong ka tiishaübaiq kang she. Kiimaq pongmung pengtiwe jaq niishe mikuqbaiqha. Apaiq raq kra pechong ma apaiq ajiq jaqsham wantaq kra phan phan riikhaqli thap raüta mo mitiiho.

DANIEL 11:12

Apaiq raq rekhat tang raüta kiimaq rewe phenlabi pahea tsatbaiq wantaq kra miitu, jarap jirap alachongwa lishe, mishkong siq. Shatmaq apaiq raq rekhat ka tangwan ruq tang mak miraq.

DANIEL 11:16

Kra akhing na Siria mung wa aki nolawe raq tsangshiq khuthaq na jamlai klo wa rotlaq kra phanphan hok maq nishishi li she mishthen baiq wan. Apaiq tangtati ka jumin ahü she miraq. Apaiq ka Kiq Akhamkuq Mung kiijaq michap. Raüta kra mung ka ajaqkhon mong niishe mithü wan.

DANIEL 11:3

“Kiijiishe sreajong pinthum hokham weshi she midong wan. Apaiq raq peng wantlaq mungtan ka jonghea she miraq. Kiimaq apaiq raq aroro she miklo wan.

DANIEL 11:36

“Siria mung hokhamwe raq, apaiq raq athithi kli miklo wan. Apaiq raq apaiq ka phra thun thaq niimin, ajong nguta mitiishom rasiq. Apaiq ka Ajong Thaq Na Ajong Shiikeawe thaq niimin ajong nguta mitsütsitsiq. Apaiq raq ara abi kiimung arka, Shiikeawe raq apaiq ma mo tiiho akhing ranaiq na saüli miklo wan. Shiikeawe riika apaiq raq jamkho thimi wantaq kra phanphan miklo wan.

DANIEL 3:29

“Riita, arningkhan, ümchaü sanha, ngi raq aming kuq tiikang, ümra mungti riiwa, junok phan riiwa, lo junok phan bom riiwa, Shadrakh, Meishakh, kiimaq Abednego Shiikeawe ka shreng mak maq bomjiiq, kriiti ka ahok ajaq pongpan riipan, chaiham chaihea tseabaiq ratlo. Kiimaq apaiq jam ka botkhulai rai shotbaiq wantlii, shiithen baiq ratlo. Jamkhano ngukla, atinkhan tiikhup wongketi ahin shiikea phra ka ahü!”

DANIEL 3:4

kra akhing na, agilülü chiiriim raüta akha chongto, “Maiqmung wiitarü, maiqphan wiitarü, kiimaq maiqphan bom wiitarü!

DANIEL 3:6

Jurwa bumsaq raüta shomnoq mak riijiiq, kriiti ka tlothitli watum khok henghea tiinyai chaqje mong na mitiidea baiq.”

DANIEL 4:17

Arka tsangrak maq khebomti rasetiim raq, khatan tri raütu ashat thü. Arka maiqse angu wiita raq, ratsan ramong nyang na siti, Ningkun Ajong Shiikeawe raq, mangjong maiqse kunli, hupkhangtlo nguta misap laq. Apaiq kli honyung hokham shongti, wepuq wese miili jiimin wela jaqshamke, apaiq raq thithi.’

DANIEL 4:19

Kiijiishe Daniel, apaiq ka Belteshajjar ngutiimin ngutlo, ka anü maq abom min donglot mak, akiinyii rai nai atiirai she riito. Kra chhiraüta hokhamwe raq apaiq ma nguto, “Belteshajjar lei, ara rawama kra tailaüta nai kra liichum ka chhilaüta, ümniika naq kiinyiikhiq.” Kiijiishe, Belteshajjar raq treto, “Chaü lei, ngi raq tiima kla ara rawa ma kra nai kra liichum ka ümnaq miitu riimak, ümjaqtibi miitu, nguraüjaq ahea riichang nguta tiima tiikang.

DANIEL 4:22

“Chaü lei, kra pechong ka ümnaq. Jonghea luhea kiimaq ningkun jonghea sitlaü. Ümniika jonghea pinthum she jong wan laüta ratsan ramong nyang na saüli she saülaü. Kiimaq ümningkun jonglu kiimin mangjong hiq wiita hamli she ham wanto.

HABAKUK 2:5

Tsiiq nai nyam tum maiq laoti, sükha maiqse rawa konhü si; wulum makho ikha hongto ngumak phan; Arkha na tsangshiq raq, mangjong hiq wa maiq mung thun, mungshi shi maq khat wan wan, mangjong hiqshong jiiwan wan, riitlo.

John 19:11

Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

Romans 13:1

Maiqse angu tarü ka mungtubi wokhong na sichang. Shiikeawe raq arang kehü miika, juwe riimin mung thaq na wela jalot mak. Krai mren, ümchaü mung rümti hokhambi sitlaq kriika, Shiikeawe raq ashong wan.

Revelation 5:9

Atra ngam kaütiim nai nyungwere raq Skuse ma tiitsam shi anye ashi akha shito: “Maiqshaq ka ümniili ara lakdam kom jaüti. Sil atrap phan kra tiibun laüta lakdam kom linti ka ümniili. Ümniika maiqse angu khupi ma tsat baiqto, Ümniika honglu na tsai laü. Laüta ümtiijai maq rilaü Shiikeawe miitu, maiq aphantek wa, abomtek wa, amungtek wa, kaüwatek wa.