DANIEL 5:18 - ASII LAKDAP Bible (BSI)

¹⁸ “Ajong Thaq na Ajong Shiikeawe raq ümwe Nebukadnejar ka wiitarü thaq na ajong pinthum hokham ma shongto. Raüta apaiq kharü kiimaq angao jonghea kuqto.

Hawa Naga Bible 2001

¹⁸ “Johvlc Tishox rueq m-waz Nebukhadnezar kuex hokhvmx yunghvlc muex tvyaungc vtueq ngauz vngax nuiyc muingjungc khushec kuex kuq tueq.

DANIEL 5:18 Referencias Cruzadas

2 HOKHVMX 25:28

Ewilmerodakh raq apaiq ma mangchang tsantsii tiichhi kuqto. Raüta apaiq rai nanok ahinti hokhambi kiijaq Bebilon mung na munglu shumwi ma atsuq wan kra phong na, apaiq ma shreng manto ajong lin she kuq raüta shongto.

Tvtsvmc 47:2

Tatiwe, Ajong Shiikeawe ma ahai chang; apaiq ka ajong hokhamwe, mangjong tlotli pengti.

Tvtsvmc 7:17

Ngi raq Tatiwe ma kechutum tiikang apaiq tingting tri maq kha phokuqtlo, Ngi raq Tatiwe, Ratsan Ramong Nyang na sitiwe ma tiitsam shinge tiikang!

Tvtsvmc 9:2

Ümnaq miitu ngi chojong chise mishiha. Ümnaq tiitsamkam mishingeha, Ningkun Ajong Shiikeawe lei.

Tvtsvmc 92:8

jamkhano ngukla, Tatiwe lei, ümniika Ajong pinthum pattup pat-sa siti kata.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 27:5

“Ngi arang jonghea riimtiikang kra lümaq kiimaq iningkun jonghea hotiikang kra lümaq, Ngi raq ara mangjong hiq ara, maiqphan kra, kiimaq ngamsaü ngiqse phan hiq raikhü na diimtlaq thun kra klowan kang. Kiimaq Ngi raq juma ke wan wa rotiikang, kriiwe ma arthun ara kuq tiikang.

JEREMIA 27:7

Mangjong hiq na siti maiq mung wiita raq apaiq klishe mishkumpan wan. Kiimaq tsangshiq raq ase kiimaq apaiq ma asaü kra mishkum pan wan. Kriika apaiq mungtan kra then wan akhing na saüli miraq. Kra jai miishe ka apaiq mungtanti asengi raq maiq mung thun ningkun jonghea hotibi nai hokham ajong jongbi thun kra wokhong niishe misi wan.

AJONJÜ 3:35

Apaiq raq nashiq ma thektlaq nguta athiiq ka, ümtiikiiwa lapmai riijiiq kra apaiq raq asap.

AJONJÜ 3:38

Ahea tri lamphan nai ajiq tri lamphan ka, apaiq aming maq siisaq shamtlo.

EJEKIEL 31:11

Kra ningkhan, Ngi raq kra chong ka tiishaübaiq kang she. Kiimaq pongmung pengtiwe jaq niishe mikuqbaiqha. Apaiq raq kra pechong ma apaiq ajiq jaqsham wantaq kra phan phan riikhaqli thap raüta mo mitiiho.

DANIEL 4:17

Arka tsangrak maq khebomti rasetiim raq, khatan tri raütu ashat thü. Arka maiqse angu wiita raq, ratsan ramong nyang na siti, Ningkun Ajong Shiikeawe raq, mangjong maiqse kunli, hupkhangtlo nguta misap laq. Apaiq kli honyung hokham shongti, wepuq wese miili jiimin wela jaqshamke, apaiq raq thithi.’

DANIEL 4:19

Kiijiishe Daniel, apaiq ka Belteshajjar ngutiimin ngutlo, ka anü maq abom min donglot mak, akiinyii rai nai atiirai she riito. Kra chhiraüta hokhamwe raq apaiq ma nguto, “Belteshajjar lei, ara rawama kra tailaüta nai kra liichum ka chhilaüta, ümniika naq kiinyiikhiq.” Kiijiishe, Belteshajjar raq treto, “Chaü lei, ngi raq tiima kla ara rawa ma kra nai kra liichum ka ümnaq miitu riimak, ümjaqtibi miitu, nguraüjaq ahea riichang nguta tiima tiikang.

DANIEL 4:2

Ngi ma Ajong Thaq Na Ajong Shiikeawe raq amao chang kiimaq awang chang jaqsham thun tiichhikuqtaq kra chong tiikang tai ronglaq.

DANIEL 4:32

Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 5:21

Raüta, apaiq ka maiqse phong wa ajoshe riibaiqto. Raüta apaiq tsantsii ka ngamtsii miishe jakito. Apaiq ka rumnyamse kumtoq kong rai she sito. Raüta minsaü pong we ikha nyiimjaq phaq raüta sito. Kiimaq hiqsii thung niilishe bumto. Kiimaq bangkham sa wa akhum tiikhe chang khea min ahü maq sito. Atiisup niishe, apaiq raq Ajong Thaq Na Ajong Pinthum Shiikeawe riili dea mangjong hiq wa maiqse angu honyung hokhambi thun kra pengtlo; kiimaq apaiq raq juwe ma kero wa, kriiwe ma hokham jaqsham kuqtlo ngutiishe sapto.

DANIEL 6:22

Shiikeawe raq arase tiiki raüta hangsikong nübok ka wiita phupbaiqto. Krai mren tsangshiq raq ngi ka kaqlot mak riito. Apaiq raq akha tiikhup wongkuqtaq arka, apaiq raq ngi ka maiqsang nguta asap. Kiimaq Chao lei, ngi raq ümniima jammin ashut klo mang.”

Acts 26:13

Chaü lei, ngi ka kiitiikaq lam na awarai riikang. Rashe ka ranaiq shethung shekham bala riito. Kiijaq ngi raq ra maq atli rawüli henghea, rashekii chhai nam miimin henghea ka ngi nai i kongtitiim ngi rai wadamti tro niishe chhairaito kra chikang.

Acts 26:19

“O ajong Hokham we Agripa lei, riita ara chong tiikang arai mren, ngi ma ramungtan maq riisham bomchong aming akuq wan kriika, ngi raq phaqchii nichii maq lang wan kang.

Acts 7:48

“Shatmaq, Ratsan Ramong Nyang na siti Shiikeawe ka, maiqse raq jaq maq ahai jam thun niika simak. Shammi weshi raq akha waiqthüto:

TRI CHONGKE 32:8

Ratsan Ramong Nyang Na Sitiwe raq maiq mung thun ma tsangshiq hiqshong chum kuqto; apaiq raq maiq phan thun ma asi anga chang hiq tiihong kuqto. Apaiq raq maiq mungtek ma phra achhuq chhuq kuqto.