JEREMIA 27:8 - ASII LAKDAP Bible (BSI)

⁸ “Shatmaq maiq mung ashira raq kiimaq hokham weshi ra raq, apaiq puk na nyap mak raüla, Ngi raq kra mung ka re ma mitiikhat ha, lata sintsang maq mitsat ha, ram tiidong lata, ram ma mitiitsaiha; kiimaq tha tiidong lata mitiijiimbaiqha. Lata kra mung ka Nebukadnejar ma tiikhat lata botkhulai rai mishot baiqha.

Hawa Naga Bible 2001

⁸ “Yuq muinz mkhoc miqphvnx, rvmuq ngoz ruiux mkhoc mungtan dvyx ngoz ruiux muinz, piq rueq guimz lawc yaq kuex phvnx muq ngoz ruiux yuq, tsuingshiq kuex tvdup suik tvbac gay tvkoc Nebukhadnezar tvkaz shaungx vkhing nuex httuiuc laz kvruex miqphvnx kuex ralx rvlungc nuiyc khvmx vrvmc thuimkux maq ngaz rueq murx tvgurc shaungx.

JEREMIA 27:8 Referencias Cruzadas

JEREMIA 24:10

Ngi raq re mitiidongha; ram mitiidongha; kiimaq tsangshiq khuthaq na tha mitiidongha; lata ara Ngi raq tsangshiq ma nai tsangtitiim ma akuqha mung arjaq maiq ka weshi min tiichong mang maq thumthum miqchup mitiijiimbaiqha.”

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 27:11

Shatmaq ümra mungti wa Bebilon hokhamwe puk na nyap wan tlaq, raüta apaiq wokhong na sitlaq, raüla, kra mungti ka ngi raq tsangshiq maiqmii mung na, mitiishong nga wan ha. Raüta maiqmii wak ajam kra mishamsiq wan. Arka Ngi Tatiwe raq toqtan tiikang.”

JEREMIA 27:13

Ümniika kiimaq ümsengi mungmaiqse ka re na jaram tsai wa? Kiimaq ram raq amang maq jaram jiimrai wa? Riimakla thadong raq jaram jiimrai wa dantlan? Arka Tatiwe raq Bebilon hokhamwe puk na ümra mungti wa nyap mak kriiti miitu kha ka akha atoqtan wan wishe.

JEREMIA 28:14

Tati Ningkun Ajongwe, Israilnok Shiikeawe raq nguto, apaiq raq maiq mung thun tlotli khuthaq na jin thaikii she mitiiho. Krai mren tsangshiq raq Bebilon mung Hokhamwe Nebukadnejar puk na siisaq nyap raüta, apaiq ka mishkumpan. Tatiwe raq nguto, apaiq riika rum nyamsekong kra dongdii min Nebukadnejar puk na mitiinyap wan.”

JEREMIA 28:4

Kiimaq Ngi raq Juda mung hokhamwe Jehoiakim se Jehoiachin nai mungmaiqse munglu shumwi ma Bebilon mung na atsuq wan kra, wiita ana Juda mung na hali mitsuqho nongha. Tengteng, Ngi raq Bebilon mung hokhamwe ningkun ka wiita she mitiibun baiqha. Arka Ngi, Tatiwe raq toqtan tiikang.”

JEREMIA 29:17

Tati Ningkun Ajongwe raq ngutlo, ‘Ngi raq arjaq siti ma re mitiidongha, ram mitiidongha lata amang maq mitiihaüha, kiimaq tsangshiq ma tha mitiidongha. Lata Ngi raq tsangshiq ka phupmuptsi, wiita namtoktok, aphaq asea maimak ikhiishe mitiija baiqha.

JEREMIA 29:18

Ngi raq tsangshiq ka re ma mitiijo wanha. Ram tiidong lata, ram ma mitiihaüha, kiimaq tsangshiq ma tha mitiidongha. Raüta tsangshiq thenjen wan kra chhi raüta mangjong hiq na siti maiq mung thun tlotli ka phiip raq mitsai. Ngi raq tsangshiq ka barap binrii na mitiipin baiqha. Tsangshiq thenjen wan ka chhi raüta mangjong maiqse ka akii anyii phiipraq atsai miraq. Maiqse raq tsangshiq ka aslailii, ashummii she mirwan. Raüta tsangshiq mang ka chong raüta maiqse liipan na manson bom shiiton ma mitiija wan.

JEREMIA 40:9

Gedalia raq tsangshiq ma akha chongkuqto, “Ngi raq namshiq ma kamtu kamtaq maq chongtiikang, namshiq ka Bebilon mungti puk na nyap wan ma jamlai haisong chang ahü. Namshiq ka armung na aheawiq maq shongnga ronglaq. Lanta Bebilon mung hokhamwe kli shiikum pan ronglaq. Kra raüla, namshiq ka hansang rakhang maq misi han.

EJEKIEL 14:21

Tati Rakaü Hiqwe raq akha ngutlo: “Ngi raq Jerusalemti ma, ijaq wa abi pinthum phanblai mo tiihochang asi kra mitiisaüha. Arka redong, ramdong, rum ngamphong, kiimaq thadong mitiisaüha. Lata mungmaiqse kiimaq jam nyamse kong kra thumthum pili mijiip baiqha.