JEREMIA 27:9 - ASII LAKDAP Bible (BSI)

⁹ Namshiq raq nam shammibi bom ka naq tai rongkiq. Riimakla maiq weshi ra raq rawiichii pat achat na jamlai hong wan chang wa sitlaq kra apaiq raq rawama maq chhilata, riimakla majikong ka healata michong lot ha, riimakla mintin klo lata michong lot ha nguta tiitsakitlaqti bom ka naq tai rongkiq. Tsangshiq wiitarü raq namshiq ma Bebilon mung hokhamwe puk na naq nyap rongkiq nguta chongtlo,

Hawa Naga Bible 2001

⁹ Raungwvrx maung vlvmz jalc jungc jix htenc, vthueyc vmaungx jix siyac kuex gvl vtueq luinglawc maq max kox wawc jungx lot yaq ngoc jix htenc, rvmuq ngoz ruiux nuimshiq shvmmax bix kvjaz kuex nauk tay wuez kaz. Tsuingshiq lotlaz rueq nuimshiq muex Babelon hokhvmx waz bomc nvrc juing muex yaungx muit tvkoc jungx wuez yaq.

JEREMIA 27:9 Referencias Cruzadas

DUNGWVNC 22:18

“Jechak re nyungshi ra raq mintin klo raüla, apaiq ka atsea baiq ratlo.

DUNGWVNC 7:11

Kiijiishe hokhamwe raq asenginok taksu maiqsetiim nai mintin klotibi thun ka tiihea kito. Kiimaq tsangshiq raq mintin klo raüta kiikhiisii kloto.

TAKSU LAK 19:27

Ise lei, phaqchi tsin ma, adam ajo she riihaüla, ümniiraq jamlai wa saptsin laü, kriimin amoshe mirki.

ISAIA 8:19

Shatmaq maiq raq namshiq ka maiqjaq liitibi kiimaq wulum rai riibomti tha shammibi raq thatam raüta riisham bom chongtlaq kriiti phana riisham bom tiiwaikai mitiiki kiiphanjo. Tsangshiq raq, “Maiqse ngutlaq ka tewe shammibi nai peta loqlebi phaniika kaichang dongdii. Raüta maiqse atrati miitu maji bomchong kriika taichang,” nguta mingu.

JEREMIA 14:14

Shatmaq Tatiwe raq treto, “Shammibi raq imang shaphaq raüta arot chongtlo. Ngi raq tsangshiq ka thaü mangdea. Kiimaq ngi raq tsangshiq ma aming min kuqmang dea. Kiimaq tsangshiq ma bom tsishi min chongkuq mang dea. Tsangshiq raq riisham makchhi chongtlaq thun ka ngi raq atiichhikuqha riimak. Tsangshiq raq tiithaitlaq riisham bom ka tsangshiq maiqmii khutsai maq adong bomtsi chongtlo.

JEREMIA 23:16

Tati Ningkun Ajongwe raq Jerusalemti ma ngutlo, “Shammibi raq jamlai wa chongtlaq kra naqtai rongkiq. Tsangshiq raq namshiq mongjii ka arot ranphan bom chongkuq raüta tiinyamtlo. Tsangshiq raq namshiq ma chongtlaq kriika tsangshiq tsan mong maq adong. Ngi raq achongkuqha bom riimak.

JEREMIA 23:25

Ngi raq shammibi imang shaphaq raüta arot akiq bomchongti, ngi raq chongkuq mang taü miinin chongkuqto nguta bom chongketi, kiimaq ngi raq tsangshiq ma tsütsa ka rawa ma maq tiichhikuq mang wiimin tiichhi kuqto nguta chongtibi thun ka wiita asap-ha siisaq.

JEREMIA 23:32

Tairong laq, Ngi Tatiwe raq chongtiikang ara! Ngi ka shammibi ümriiti riiwa tsangshiq rawama, arot akiq thun kra chongketi kra pinthum ngeng tiikang. Tsangshiq raq ara rawa ma thun kra chongkuqtlo, kiimaq tsangshiq arot bomtsi chongkuqtlaq kiimaq tsangshiq shiikong tlaq kra lümaq isenginok ka lamjiq na sheahotlo. Ngi raq tsangshiq ka tiiki mangdea. Kiimaq tsangshiq ka kironglaq nguta aming min kuq mang dea. Kiimaq tsangshiq ka mungmaiqse ma jamlai achu min ahü. Arka Ngi, Tatiwe raq ngutiikang.”

JEREMIA 29:8

Ngi, Tatiwe, Israilnok Shiikeawe raq, namshiq ma honlam tsii chongkuq tiikang, namshiq ka namshiq phong na shammibi sitlaq kriiraq, kiimaq maiq ahinti namshiq rai sidamtlaq kriiti raq, rawiichii na jamlai wa saü wan tlaq kra asaphai nguta, riisham bomtsi chongkuq tiikai nguta tiitsakitlaq kriiti ma naq tlao rongkiq. Kiimaq maiq wiijamti raq rawiichii na jamlai wa misaü wan kra asaphai nguta tiitsakitlaq kriiti ma tlao raamak. Tsangshiq raq rawa ma thun chongtlaq kra akhiismin naqtai rong kiq.

EJEKIEL 21:29

Namshiq raq riisham makchhi thun chhitlan kriika arot. Kiimaq namshiq raq tiithaitlan kra arot. Namshiq ka abi kiimaq ashut kiimungti. Kiimaq namshiq ningthoi ranaiq ka saüwantlo she. Namshiq ma mo tiiho ranaiq. Nepja ka nam dangkong niishe misaü.

DANIEL 4:7

Krai mren, maiqjaq liitibi, mintin klotibi, along liitibi, kiimaq raiqsaiq jipi shammibi thun wiita iman na triitam kang. Lata ngi raq tsangshiq ma ima kra chongkang. Shatmaq tsangshiq raq ima liichum ka chongkuq lot mak riito.

Mikha 3:7

Riisham bom chongti raq jea she mingaü.” Jamkhano ngukla tsangshiq raq achongkuq riisham bomtsi ka teng mak. Tsangshiq ka jeangaü raütli she mitsai, jamkhano ngukla Shiikeawe raq, tsangshiq achujaü ka tremak.

JEKERIA 10:2

Phra sumla ma bom waiti ka banbokmii, jaqliiti ka arot chongti. Rawa ma chongketi ka ajiq, tewe langlii kiimin shaqmii. Tsangshiq raq achong tsaijido bomtsi shaqmii, kriikha na mungmaiqse ka, sku kong arümti ahü ikha, rum na tiimii baiqtlo.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Acts 8:11

Apaiq raq mungmaiqse ka mintin loqle jaqsham maq tiibok raüta, rahiq luhea, tsangshiq ka kai tiiwang siqto. Kriikha maq, tsangshiq raq apaiq bomchong kiima kamwan raüta sito.

Ephesians 5:6

Krai mren, namshiq ka arot akiq, joksaü liiqse bom na naqshon bii rongkiq. Ara chongtiikai ngarai thun arkha na, Shiikeawe tsankhiq walü ka, jurwa apaiq aming lang mak shishe tlaq, kriiti thun thaq na misaüho.

TRI CHONGKE 13:2

Kriika ümniiraq man na shomnoq wan maü phan sumla phra thun kra tiishomnoqho kham ma kiimaq ümniika tiishonho kham ma nguta mimaitai kiiphaü. Bom shiiton kra apaiq kiqkham bomtsi kra ngohea dea li kupi wan raü min,

TRI CHONGKE 18:14

Kra raütiishe Mosheq raq nguto, “Ümchaü namshiq raq mung jiiwan nam nam she kiijaq, kra mung na siti mungmaiqse riika langliiti raq chongtlaq kra phan phan shamtlo. Kiimaq atiijishi kra lii raüta jaq shamtlo. Shatmaq Tatiwe üm Shiikeawe raq arthun jaqsham arka ümniima tiisham mak.

JOSHUA 13:22

Riita Israilnok raq tsatbaiqtaq phong niika Beor se, jaqliiti shammiwe Balaam kiimin tsatto.

Revelation 18:23

Ümchela mong na wa tlü chaqti maiq jumin ahü she miraq. Maiq riilam riiwati junrii norii bom nai trang min ahü she miraq. Ümsengi laopanbi thun ka mangjong maiqse tlot li thaq na ajong pinthum chiithe lüwa siisaq nguta siwanto ihata. Kiimaq ümniiraq arot akiq along alea bomtsi chongkuq wan laüta mangjong maiqse tarü laophaq wan laü ihata!”

Revelation 21:8

Shatmaq, haisuti thun, mung shaphaqti thun, maiqse ka lamjiq na shunsheati thun, showe ma jawanti thun, sethoq jawanti thun, maiqwuq maiqlongti thun, sumla noq wanti thun, kiimaq arot akiq bom chong wanti thun ka, tlotli wamungtan na nyiimwin wa ikha nyai tlaq kiijaq mitiidea baiq. Arka thongnai tsai ngutlaq kriishe.”

Revelation 22:15

Shatmaq chela phai na ashang baiq wanti maiqse thun kriika, ajok aliiq kiimaq maiqwuq maiqlongti, sethoq sepii jati, kiimaq showe lumwe ma jati, sumla phra noqtibi kiimaq abom asa na kiimaq jaqsham kaiwa na arot akiq wanti bi thun ka miraq.

Revelation 9:21

Kriithaq niimin, tsangshiq raq maiqtsattaq mat kha, tsangshiq raq maiqwuq maiqlong wantaq kha kiimaq sethoq sepii jawantaq kha, kiimaq ahuk arot jawantaq kha thun ngarai ka tiidii mak dea riito.