JEREMIA 4:6 - ASII LAKDAP Bible (BSI)

⁶ Jajon nü na walam tiichhikuqlaq! Jutlo ronglaq! Naq tiijai jongkiq! Tatiwe raq phiiptsi chang thenjen tiikitlo kiimaq shekhu nü mung wa henghea tiithenkaiti saühotlo.

Hawa Naga Bible 2001

⁶ Zion ghaq nuex tvtac wuez shuinz! Kvwungx tvkoc yuz kuinz! Nauk kenc kaz! Yehowa rueq bac wvnc juing yunghvlc thuimkux kuex ghaqkhux kox maq lvmz laq shuex.

JEREMIA 4:6 Referencias Cruzadas

ISAIA 62:10

Jerusalemti lei, chela kinphai na kironglaq Kiimaq namshiqnok pongmung wa jang wan tlaqti kra wa ma lam ka thu ronglaq! Mung lamjong kaü tiije ronglaq; lam wa long ka dobaiq ronglaq! Lanta lamhum na miithii shong ronglaq Maiq thun raq lam ka misaplaq

JEREMIA 10:22

Taironglaq! tsütsa she saükito! Shekhu nü mung maq reshe dong wanto! Kra re raq Juda mung wa chela thun ka kumtsaiphii ma mitiijabaiq, miikakoi kong sichang miishe mija wan.”

JEREMIA 18:11

Riita ümchaü man, Juda mungti nai Jerusalemti ma chongkuqlaq, Ngi raq tsangshiq ka tiithenbaiq miitu khatan raütu sürii wan tiikang. Tsangshiq ma imo mitiihoha. Tsangshiq ma ngarai rilung lamphan ka thaqbaiq ronglaq nguta chongkuqlaq. Tsangshiq raq ashut lamphan kra klai ronglaq kiimaq tsangshiq raq jamlai wa kiimungtlaq kra thaqbaiq ronglaq nguta chonglaq.

JEREMIA 21:7

Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”

JEREMIA 22:7

Ngi raq ara tiithen baiqkai miitu re kong she tiiki tiikang. Tsangshiq tarü raq mang doraq chhaq maq kiraüta, maisak pe maq toqpum kham thun tsomhea ahai kra wiita midaqbaiq. Raüta wa niishe michaq baiq.

JEREMIA 25:9

‘Ngi raq mangjong maiqse tlotli khuthaq na, shekhu nü mung wa, re mitiikiha, kiimaq ijaqshise Bebilon Hokhamwe Nebukadnejar kriishe mitiikiha. Ngi raq tsangshiq kra sheaho lata Juda mungti nai Juda mung tro na siti maiq mung thun kra mitiikhat wanha. Ngi raq armung ara kiimaq armung tro na siti maiq mung thun kra wiita re ma tiikhat lata botkhulai rai she pattup miitu mishotbaiqha. Maklii jai na tiijangphat kiimaq maiqphiip maiqjiip she mitiithen baiqha. Arka Ngi, Tatiwe raq toqtan tiikang.

JEREMIA 4:21

Ümtincho na saüli wa ngi raq redong ara miliisiqha kiimaq nüchhong lerong thun tsütrang phoktlaq kra mitaisiq hata?

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

JEREMIA 50:22

Kra mung na re riikhat trang ka tiitai raitlo. Kiimaq kra mung ka miqchup thum wanto.

JEREMIA 51:12

Bebilon chela ruk thun kra run miitu jaq maq jap lanta tiichhi kuq ronglaq. Phenlabi ka apa maq tiikhe ronglaq! Kintsongti thun ka tsong ronglaq! Bom hai lanta tiikheli ronglaq!” Tatiwe raq Bebilon mungti khuthaq na jamlai mikloha ngutiiwa chongtaq, kriika kloto she.

JEREMIA 51:27

“Rekhat chap wan miitu jaq maq jap laq! Hünong ka buk laq! Laüta maiq mung thun raq mitailaq! Maiq mung thun kun kun Bebilon mung khatkai miitu rechap tiije ronglaq! Ararat mungti ma chonglaq. Minini mungti ma chonglaq. Kiimaq Ashkenaj mungti ma khat ronglaq nguta chonglaq. Phentu jong weshi ma lam tiishea laüta tiikhat phaholaq. Kumrang phong ka kupchi longtlaq ikha tsuq wan laq.

JEREMIA 51:54

Tatiwe raq ngutlo, “Taironglaq Bebilon mung na maiqho trang ka, tsangmung thentaq kriikha na maaho.

JEREMIA 6:1

Benjamin wangti lei, maiqmii khupi jutlo ronglaq! Jerusalem wa chiim jintlo ronglaq! Tekoa hiq na redong hünong buktlo ronglaq. Kiimaq Beth-Hakherem hiq na redong wanii tu tiinyaitlo ronglaq. Shekhu nü maq mungthen wan chang nai mungbun wan chang rahai ka saü wantlo she.

JEREMIA 6:22

Tatiwe raq nguto, “Maiq ka shekhu nü mung wa misaüho. Maiq mung ashi ningkun jonghea riimtinok kiimaq luhea na sitinok ka arkhat miitu rechap shuntlo.

EJEKIEL 9:1

Kiijiishe ngi raq Shiikeawe giwa trang taikang, “Warong ra ana, namshiq srea nolabi Jerusalem ma mo tiihokaitibi. Namshiq rekhat chang ko aliq thun ka holanta ana warong ra.”

EJEKIEL 9:2

Kra ngori tlothit miili maiq wetrok ka Shomjam maq shekhu nü na kinphai ruk kilamchong kriiwa dong wanto, loweatek jaq na rekhat chang hupsam ka piraq chhaq maq. Tsangshiq rai maiq weshi asi. Apaiq ka raihi-nairai khealü miirii samraü. Kiimaq ajaq niika lak waiq chang hupsam kriimin shamshat. Tsangshiq tarü ka wato. Raüta miiki berong-wacha tho kiijaq chaprang chapkito.

JEPHANIA 1:10

Tatiwe raq ngutlo, “Kra ranaiq namshiq raq, Jerusalem na Ngiq Kilamchong na, agi asii maiqho trang mitai han. Kiimaq namshiq raq anye atei han, chela ba kiijaq, maiqhotrang mitai han. Kiimaq kin thun kiijaq atham wan trang, jonghea mitai han.

JEKERIA 6:6

Kumrang nyaq kaü nai raq hittlaq leng ka, Bebilon mung maq shekhu nü na wawanto. Kiimaq kumrang ronglü kaünai raq hittlaq leng ka shenyap mung nü na wawantlo. Kiimahali kumrang kaünai tsamrü tsamra rong raq hittlaq leng ka shemai nü mung na wawantlo chhikang.