JEREMIA 50:44 - ASII LAKDAP Bible (BSI)

⁴⁴ “Hangsi kaü ka Jordan raikii tan na rumnyangkhi mong maq dong wan raüta, skukong rümchang sangphii tan na dong wantlaq ikha, Ngi, Tatiwe ka midong wanha. Lata Bebilon mungti ka tsangshiq chela mong wa tiihanghiiq miili mitiipin baiqha. Kra latiishe Ngi raq mung pengti weshi shong wantiikang we raq mung ka mipeng. Ngi rai triingea chang maiq ahin ka asi sha? Ngi rai riilong lati maiq ka asi sha? Ngi rai riikhettotti hokham ka asi sha?

Hawa Naga Bible 2001

⁴⁴ “Hangsic kuex yaruix luingx mungx maq dung kaz yaq ikhoc, Yodan ruilx hong maq raz tueq htauk kox wawc wuiljuit wuiljaungx ngac remc juing nuex httuiuc laz, ngaz, Yehowa kuex kaz vtueq, Babelon miqsaz htenc kuex tsuingshiq ghaq kvwawc vhuingc rvhek laz tvyuz gay shaungx. Kvruex yimaq ngaz rueq vthvl taq vyungx vlaungx waz rueq kvruex miqphvnx kuex guimz shuex. Ngaz kuex ukhaq rulc lac tv-ngvlc lot phvnx? Ngaz rulc ukhaq lac rvlongx lot tvnx? Ngaz kuex mkhoc guimz lawc jix waz rueq lac tuingshaung lot phvnx?

JEREMIA 50:44 Referencias Cruzadas

Tvtsvmc 89:6

Ramungtan na ümniikhan ka ahin jumin ahü, Tatiwe lei; ramungtan na siti winji kong wa ümniikhan jumin ahü.

Tvtsvmc 89:8

Tati Shiikea Ajong Pinthumwe lei, ümniikhan ningkun ajong rümti ahin ahü; phanrap na ümniili tsapkapkap jaqshamti, O Tatiwe lei.

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

ISAIA 40:18

Shiikeawe ka jurai wa mithapthi? Apaiq ka jamkhiiwa kra ümniiraq jamkho mishton haü?

ISAIA 40:25

Asii Shiikeawe ka jamlai rai wa mithapthi? Apaiq khan maiq ka weshi ra asi shea?

ISAIA 41:25

“Ngi raq maiq weshi shedong mung na sitiwe ka tsea wan kang she; Ngi raq apaiq ka sheawa lata shekhu nü mung maq mitiikhat phahoha. Apaiq raq hokhambi ka boqda ikhli nishishi miraq, hamtak loti raq hamliihiq nitlaq ikha.

ISAIA 43:10

“Israilnok lei, namshiq ka isaqse kong; Ngi raq ümniika ijaqshi miitu tsea wan kang, ümniiraq Ngi sap wan miitu kiimaq ngi makam wan miitu. Laüta Ngi arlishe dea Shiikeawe nguta sap wan miitu. Ngi tlea raüta ahin shiikea ka ahü she; man niimin ahü dongdii, kiimaq jai miimin ahü dongdii miraq.

ISAIA 46:11

Ngi raq maiq weshi shedong mung wa heatiikang; apaiq ka liihawe raq phiimtlaq ikha phümsaqli she miphiim wan, raüta Ngi raq jamlai kiimung wa thapthi kang kra riikhaqli mitiiku wan, Ngi raq ngukang she, krai mren miku wan dongdii.

ISAIA 46:9

Tiitsang ronglaq rathup na jamlai mra wa pinta; Ngi ara lamlamli Shiikeawe nguta kholam kholiiq sironglaq, kiimaq Ngi rai thapthi chang ka jumin ahü she.

ISAIA 48:14

“Mungthung ronglaq, lantea namshiq tarü raq ibom ara tai ronglaq! Sumla phra phong raq juwe riimin tiithailot wan mak riito, Ngi raq tsea wan kang kriiwe raq Bebilon ka mikhat nguta; apaiq riika Ngi raq jamlai wa thaü tiikang kra misham wan.

JEREMIA 12:5

Tatiwe raq nguto, “Jeremia lei, ümniika maiq rai aju riilong laüta aniishe riiki haüla, kumrang rai ka jamkhiishe wa aju mirlong haü? Ümniika wakram hiqsii thung na alu chaplot maü jiika, rum na Jordan rai tan miika jamkho miju haü?

JEREMIA 25:38

Tatiwe raq asenginok ka hangsikaü raq apaiq bumchang longsha baiqthütlaq ikha miimbaiqto she. Redong phiiptsi chang rathaiq saü wantaq kriiraq nai Tatiwe tsankhiq henghea waniitu raq, mung ka kumtsaiphii botkhulai mung miishe tiija baiqto.

JEREMIA 30:21

Tsangshiq pengti tuwe ka tsang mungti wa mishong, tsang hokham se ka tsangshiqnok wa mishong wan. Ngi raq apaiq hea tiikang na Ngi phana miwa, tiiheahü miika juwa miwalot? Tsangshiq ka isenginok miraq; kiimaq Ngi ka tsangshiq Shiikeawe mirha. Arka Ngi, Tatiwe raq ngutiikang.”

JEREMIA 50:15

Chela trotam maq rechap wan hünong tam rong laq! Ümchaü Bebilon mungti ka rewe jaq mong na nyap wato she. Chela tro ruk ka wiita tiibun baiqto she. Raüta siiqbaiqto she. Ngi raq Bebilon mungti khuthaq na iphuk she lamtiikang. Arningkhan namshiq phuk lam Bebilonnok ka khat ronglaq. Tsangshiq raq nanok jamkho haihiitaq kiikha tsangshiq kiimin haihii ronglaq.

JEKERIA 11:3

Tsanbi tsi ma mungtubi hoqtrang tlo, tsangshiq khushü thumto she! Taimanta rum na hangsikong gitrang, tsangshiq haisea chang Jordan raiwiiq, shiithen baiqto she!

WEAWEA 16:5

Kra raütiishe apaiq raq Kora nai asenginok ma akha nguto, “Anap ranap Tatiwe raq nashiq ma, apaiq rii maiq ka juwa tsea wantaq, kriiwe ka nashiq ma mitiichhikuq. Apaiq raq juwa ajaqshi ma shongtaq, kriiwe ka apaiq phana mitiiwa. Raüta berong-wacha na honglu ka mitiikuq wa.