DUNGWVNC 7:17 - ASII LAKDAP Bible (BSI) Chaü lei, ümchaü, Tatiwe raq ümniima ngutlo, apaiq ka juwa kra ümniiraq apaiq jaqsham kra chhi laütiishetiq misap haü nguta chongtlo. Liilaq, ümchaü ngi raq jurai wa kham ka ara nyeakii armaq mitsat-ha, kiimaq jürai wa kham ka tiijai ma mijaki. Hawa Naga Bible 2001 Taungjix hokhvmx waz lex, Yehowa rueq ngoc ngaz Yehowa rvtauk lvmz mnoz rueq yvmx khoc maq tuiuz juing lac ngoz ruiux lec, majuiuc ngaz rueq shuimx shaungx vruex maq tuiuz lvp shuiux. Ngaz rueq ngvlhtulc maq yuix ruilx kuex wung ruiux yuq, yuix kuex tvguiy muex yaungx wvnc tuex. |
Shammiwe ashi ka Hokhamwe Ahab phana wato. Raüta akha nguto, “Tatiwe raq akha ngutlo: ‘Sirianok raq Ngi ka pum na siti phrakaü, hiq thung na siti phrakaü riimak. Arningkhan Ngi raq ümniima Sirianok phenlabi pahea ra ma hiq ma kra ümniima mitiitang kuqha. Krai mren ümniiraq nai ümsenginok raq Ngi ardea Tatiwe nguta misap han.’”
Riita ümchaü min, Tatiwe, naishiq Shiikeawe lei, naishiq ara Asiria mungti jaq khon mong wa tiichhii kuq laq. Krai mren, mangjong maiqse tlotli raq ümniikli dea, O Tatiwe, Shiikeawe nguta misap wan laq.”
Apaiq raq tsangshiq jürai thun tiijai ma tiijabaiqto raüta tsangshiqnok ngiq wiita tiijiimbaiqto.
Apaiq raq jürai thun ka tiijai ma tiijabaiqto, raüta Ejip mungti ma kham anyang chang ahüshe riito.
Tsangshiq raq ümniikli dea Tatiwe nguta misaplaq, mangjong tlotli pengti ajong pinthum nguta misaplaq.
Tatiwe raq apaiq sham ka ajaqsham tingting khapho miishe tiichhi kuqto, kiimaq abi kloti ka tsangshiq maiqmii jaqsham thiikho niili dea wantlo.
Atiisup niishe hokhamwe raq asenginok tlotli ma aming ashi akha kuqto, “Hibrunok sere noshii setiim maiqwe sere chiitlaq kra doho lanta Nail Rai na baiqki rongkiq. Shatmaq jechaksere chiitlaq kriili atra misilaq.”
Kiimaq namshiq raq namsetiim nai namsaütiim ma, Ngi raq Ejip mungti ka awang chang jaqsham lata, tsangshiq ka jamkho angok anginok ma tiijabaiq kang kra manphan ka michong kuq han. Namshiq tarü raq Ngi ka Tatiwe dea nguta misap han.”
Kiimaq ara awang chang laknai she arma min tsangshiq ka ümniima kammak li la raüla, kiimaq ümniiraq jamlai wa chongtlaü kra ma kammakli raüla, Nail rai wa kham ka khulaq, laüta hiq na nyuklaq. Raüla kra kham ka tiijai miishe mijaki.”
Kiijiishe hokhamwe tsangnai ma shiitep waito, “Tatiwe ka juwa? Ngi raq apaiq bom ka jaram taiwa? Lata Israilnok ka jaram tiiwa baiq wa? Ngi raq Tatiwe ka sap mang. Kiimaq ngi raq Israilnok kiimin tiiwa mang.”
Ngi raq namshiq ka isenginok shaq miishe mitiija wanha. Lata Ngi ka namshiq Shiikeawe miishe mija wanha. Kiimaq namshiq raq Ngi ka Tatiwe namshiq Shiikeawe nguta misap han. Arka ümtiikiiwa Ngi raq namshiq ka Ejip mung na dikong ma jatlan kriiwa dokda wan tiikang akhing niishe misap wan han.
Kiijiishe Mosheq nai Aron raq tsangnai ma Tatiwe raq aming tattaq kra phan phan kloto. Hokhamwe makki na nai asenginok ajong alabi thun makki na, Aron raq anyeakii ka ra na doto. Raüta jürai wa kham ka riihot bukto. Kiimaq kiiwa kham tlotli ka wiita tiijai miishe jakito.
Ngi raq ijaq ka tsangshiq khuthaq na dolata, mo tiiho latiishe Israilnok ka tsang mung wa tsuq wan tiikang kra chhi raütiitiq, Ejip mungti raq Ngi ka Tatiwe dea nguta misap.”
Ngi raq tsangshiq ka tiinamtok mitsat baiqha. Lata iphuk ka tsan tiiheali milamha. Tsangshiq raq itsankhiq walü nyai heng kra misap wan. Kiijiishetiq tsangshiq raq Ngi ardea Tatiwe nguta misap wan.”
Ejip mung ka hiqmiq changkhü ma mijaki. Kiijiishetiq ümniiraq Ngi ardea Tatiwe nguta misaphaü. “Jamkhano ngukla ümniiraq Nai rai ka ümrii. Kriika ümniiraq aphan sanghaü nguta tiitsaki tlaü.
Ümtiikiiwa Ngi raq Ejip mung ma mo ka akha mitiihoha, kiijiishetiq tsangshiq raq Ngi ardea Tatiwe nguta misap wan.”
Ümtiikiiwa Ngi raq Ejip mung ka wa maq michaqbaiqha kiimaq amung kheti thun ka mijiipbaiq, kiijiishetiq tsangshiq raq Ngi ardea Tatiwe nguta misap wan.
Ümtiikiiwa Ngi raq Ejip mung ka hiqmiq changkhü miishe mitiijabaiqha, kiimaq kiijaq siti maiq ka mitiithenbaiqha, tsangshiq raq Ngi ardea Tatiwe nguta misap wan.
Ngi raq ümtiijai ka ku akin thun kra minyam shaq wiiwii kiimaq jüraisetiim thun kra wiita mima shaq wiiwii raübaiq wan ruq mirha.
Arthun jaqsham ara lümaq, Ngi raq mangjong hiq na maiq mung thun ma, Ngi ka ajong pinthum kiimaq Ngi ka asii nguta mitiichhi kuqha. Tsangshiq raq Ngi ardea Tatiwe nguta misap wan.”
Kiijiishetiq i senginok raq Ngi ardea Tatiwe tsangshiq Shiikeawe nguta misap wan. Tsangshiq kra jamkho misap wan ngukla, Ngi raq tsangshiq ka munglu shumwi kong ma tiijabaiq wan kang. Shatmaq ümchaü ka Ngi raq tsangshiq ka adam na hali triitam tsuq wan nong kang. Lata tsang mung na hali tiishong nga wan nong tiikang. Ngi raq tsangshiq phong wa maiq weshi ra dongdii min jai na baiqthü mang.
Arka tsangrak maq khebomti rasetiim raq, khatan tri raütu ashat thü. Arka maiqse angu wiita raq, ratsan ramong nyang na siti, Ningkun Ajong Shiikeawe raq, mangjong maiqse kunli, hupkhangtlo nguta misap laq. Apaiq kli honyung hokham shongti, wepuq wese miili jiimin wela jaqshamke, apaiq raq thithi.’
Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”
“Riita, ümchaü sanha, ngi Nebukadnejar raq Sanseng Ramungtan na siti Hokhamwe kriili she tiitsam tiikang, shreng tiikang, kiimaq apaiq khushü kra tiijong tiikang. Jamkhano ngukla, Apaiq jaqsham kaiwa ka tingting, apaiq tri raütu kappe khaqkhaq, kiimaq apaiq raq kumrong kumraq maiqse ka, anun pinthum ma tiijabaiqtlo,”
Raüta, apaiq ka maiqse phong wa ajoshe riibaiqto. Raüta apaiq tsantsii ka ngamtsii miishe jakito. Apaiq ka rumnyamse kumtoq kong rai she sito. Raüta minsaü pong we ikha nyiimjaq phaq raüta sito. Kiimaq hiqsii thung niilishe bumto. Kiimaq bangkham sa wa akhum tiikhe chang khea min ahü maq sito. Atiisup niishe, apaiq raq Ajong Thaq Na Ajong Pinthum Shiikeawe riili dea mangjong hiq wa maiqse angu honyung hokhambi thun kra pengtlo; kiimaq apaiq raq juwe ma kero wa, kriiwe ma hokham jaqsham kuqtlo ngutiishe sapto.
Ümniiraq ramungtan na siti Shiikeawe shummii tlaü! Laüta apaiq Shomjam wa alam wan kok nai nüchhong winpin thun kra tlam wa laü. Laüta ümnaq nai ümsengi aki miikiimbi, ümchaktiim, kiimaq ümchakliip nyungtiim raq, kra kok thun kiijaq che tsüm nyang lanta, sumla phra kong; chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai sumla phra thun; amak maq chhimak; ani maq taimak; kiimaq jamlai min sap mak thun kra tiitsam kamtlan. Shatmaq, ümtsitsü phansangketi, ümtsitsü raü shamti, ümniiraq jamlai wa klo wantlaü kra kunkun peng raüta thapthiketi Shiikeawe ka shreng maü riilaü.
Tsangnai jaq na ra kilü ka shaq baiq miitu arang asi. Krai mren, tsangnai raq, ra kilü ka shaqbaiq raüla, tsangnai raq Shiikeawe tsütsa chongke liipan na, ra ka jun mak she miraq. Tsangnai jaq na jüserai setiim thun ka, tiijai ma tiija baiq miitu ningkun asi. Kiimahali, tsangnai raq ara mangjong hiq na, phanphan sawa tha mitiiwalot. Tsangnai raq ümchu jang tiidongro wa, kra phanphan tha ka mitiidong lot.
Kiijiishe, rase anai ngojati riishe alerong ka tsüto. Kra tsükiita, pum kaü ngo chang chang ikha, jonghea walü tu kaü ashi ka, sammoktra jü mong na tiidea baiqto. Kra raq sammok tra jü ka mantsam wa, manshi rii ka tiijai ma tiija baiqto.