DUNGWVNC 7:17 - Hawa Naga Bible 2001

¹⁷ Taungjix hokhvmx waz lex, Yehowa rueq ngoc ngaz Yehowa rvtauk lvmz mnoz rueq yvmx khoc maq tuiuz juing lac ngoz ruiux lec, majuiuc ngaz rueq shuimx shaungx vruex maq tuiuz lvp shuiux. Ngaz rueq ngvlhtulc maq yuix ruilx kuex wung ruiux yuq, yuix kuex tvguiy muex yaungx wvnc tuex.

ASII LAKDAP Bible (BSI)

¹⁷ Chaü lei, ümchaü, Tatiwe raq ümniima ngutlo, apaiq ka juwa kra ümniiraq apaiq jaqsham kra chhi laütiishetiq misap haü nguta chongtlo. Liilaq, ümchaü ngi raq jurai wa kham ka ara nyeakii armaq mitsat-ha, kiimaq jürai wa kham ka tiijai ma mijaki.

DUNGWVNC 7:17 Referencias Cruzadas

1 HOKHVMX 20:28

Shvmmax washiz kuex Hokhvmx Ahab kox nuex kaz vtueq, “Yehowa rueq vkhoc jungx yaq: ‘Ngaz ngoc kuz vkanx wawc tishox vshiz rvtueq, ngoz tueq Siria miqsaz rueq ngoz yaq ningkhvnc nuex ngaz kuex Yehowa rvtauk lvmz mnoz nuiyc mmiqsaz htenc rueq tuiuz wvnc laz juing, tsuingshiq nolaungx daungx kuex taungx gay lot juing laungc kuex ngaz rueq mnoz muex kuq phaungx,’ ngoz tueq jungx yaq,” ngoz tueq.

2 HOKHVMX 19:19

Majuiuc, Yehowa nuiyshiq Tishox lex, nuiyshiq kuex Asiria miqsaz kox wawc tvwungx wvnc koq, kvkaq mungkawx miqsaz lotlaz rueq mnoz dvyx Yehowa Tishox rvtoq kuex tuiuz wvnc wuez shuex,” ngoz tueq thoz tueq.

Tvtsvmc 105:29

Vpiq rueq tsuingshiq yuix yungx ruilx htenc kuex tvguiy muex tvyaungc gay ruiux, ngaq htenc lotlaz thvt gay tueq.

Tvtsvmc 78:44

Vpiq rueq Ejip htenc yuix nuingx lvp muq laz juing, yuix saz yuix yungx wawc yuix htenc kuex tvguiy tvyaungc gay tueq.

Tvtsvmc 83:18

Mnoz dvyx Yehowa rvtoq lvmx nuiyc ghaq ruiykhuix lotlaz guimz lawc jix waz rvtoq lvmz kuex tsuingshiq rueq mtuiuz wvnc wuez shueq.

Tvtsvmc 9:16

Yehowa rueq vpiq tsuingrux maq phox yaq lvmz htenc nuex vpiq shauk pumz tvkhic yaq nuiyc layx bac jix htenc kuex tsuingshiq rueq shuimx yaq honc vyaungc rulc rv-ngvlc bix nuex manz wuez yaq.

DUNGWVNC 1:22

Kvkhoc ningkhvnc nuex hokhvmx rueq, “Hebre nyuiuz tamx rueq vjawx miqwaz saz vngoz htenc kuex Sinai yuix yungx kvyuq tuip gay rax, yalxjuik sahez kvdvyx vtvraungx tvy rax,” ngoz tueq piq miq muex bomc tvdvy kuq tueq.

DUNGWVNC 10:2

kvruex kuex mnoz rueq msaz hez nuiyc msuiuz hez muex jungx kuy tvkoc muinz rvtueq. Ngaz Yehowa rvtauk lvmz kuex nuimshiq lotlaz rueq tuiuz wvnc shuinx,” ngoz tueq jungx tueq.

DUNGWVNC 4:9

Mkhoc shoc maq tsuingshiq kuex vwangc juing phvnx nueyc kvmac muinz kvmx muq, mnoz muex muinz tsuingshiq kvmx muq, mnoz rueq jungx shuiux kvjaz muinz tay muq shauk ngoz ruiux kuex, mnoz rueq Nile ruilx wawc yuix kuex khuz vtueq taung kvyuq shvy shuiuz. Kvruex yuix kuex tvguiy muex yaungx wvnc tuex,” ngoz tueq jungx tueq.

DUNGWVNC 5:2

Hokhvmx waz rueq, “Yehowa ngoz yaq kuex ukhaq lac? Yvmx ngoz tueq lac ngaz rueq piq kvjaz kuex tay kuq vtueq Israel miqsaz kuex tvkaz shaungx? Ngaz rueq kvruex Yehowa kuex tuiuz mauk; Israel miqsaz kvmuinz tvkaz lot mauk,” ngoz tueq tvralc tueq.

DUNGWVNC 6:7

Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.

DUNGWVNC 7:20

Moshe nuiyc Arun kuex Yehowa rueq nvr tueq kvkhoc rvwuez tueq. Arun rueq hokhvmx waz nuiyc piq miq vyungx vlaungx bix khaungkac nuex ngvlhtulc kuex tenz vtueq yuix ruilx kuex wung koq tueq, yuix lotlaz kuex tvguiy muex yaungx kaz tueq.

DUNGWVNC 7:5

Kvkaq ngvy yauk tvlanc vtueq Israel miqsaz kuex tsuingshiq mungtan wawc tvdung wvnc shaungx nuex, ngaz kuex Yehowa rvtauk lvmz Ejip miqsaz rueq tuiuz wvnc wuez shuex,” ngoz tueq jungx tueq.

EJEKIEL 25:17

Ngaz rueq tsuingshiq muex songhvlc murx tvgurc shaungx, tsuingshiq kuex tvhtumx laz phuiuq lvmz shaungx. Tsuingshiq rueq ngvy thuinkhvy kuex humc phauk shuex. Kvruex yimaq ngaz Yehowa rvtauk kuex tsuingshiq rueq tuiuz wvnc shuex,” ngoz tueq jungx tueq.

EJEKIEL 29:9

Ejip kuex kuiyqshuik kuiyqkhvmx baung muex yaungx wvnc tuex. Kvkaq ngaz Yehowa rvtauk kuex mnoz rueq tuiuz wvnc shuiux. “Nile ruilx kuex mnoz rueq guimz yaq mnoz rueq vtvdung ngoz tueq ngoz vshuiux,

EJEKIEL 30:19

Ngaz rueq vkhoc maq Ejip muex murx tvgurc shaungx yuq, tsuingshiq rueq ngaz Yehowa rvtauk kuex tuiuz wvnc wuez shuex.”

EJEKIEL 30:8

Ejip mungx nuex ngaz rueq wvr tvsauz ruiux yuq, kvruex mungx kuex tvkhup tvguing jix lotlaz thvy gay rvhumc tuex, kvruex yimaq tsuingshiq rueq ngaz Yehowa rvtauk kuex tuiuz wvnc wuez shuex.

EJEKIEL 32:15

Ngaz rueq Ejip mungx kuex kuiyqshuik kuiyq khvmx nuiyc sawc ric sawc tsvmx baung muex tvyaungc ruiux, kvyuq httax jix lotlaz kuex tvbac gay shaungx nuex, ngaz Yehowa rvtauk kuex tsuingshiq rueq tuiuz wuez shuex.

EJEKIEL 32:6

Ngaz rueq mtvguiy kuex kuz vkanx htenc nuex khuiuc gay ruiux, yuix saz ruilx htenc kuex tvmvrc shaungx.

EJEKIEL 38:23

Ekvkhoc maq ngaz yungx luz vtaungx nuiyc vsawc yaungx vtaungx kuex miqphvnx lotlaz muex tvkhic shaungx. Kvkaq ngaz Yehowa rvtauk kuex tsuingshiq rueq tuiuz wvnc wuez shuex.”

EJEKIEL 39:28

Kvruex yimaq ngaz Yehowa tsuingshiq Tishox rvtauk kuex ngvy miqsaz htenc rueq tuiuz wvnc wuez shuex. Yvmx khoc lac ngoz ruiux lec ngaz rueq tsuingshiq kuex tvthuq wvnc ruiux, majuiuc tsuingshiq wawc vshiz muinz gay shec mauk maq tvtuimx vtueq, tsuingshiq mungtan nuex shvlx wvnc shaungx ningkhvnc nuex tsuingshiq rueq tuiuz wvnc wuez shuex.

DANIEL 4:17

Vruex kuex honc lvmz hvt maq bvmc yaq raungkamx waz hez rueq htvp htaz yaq lvmz rvtueq. Kvkhoc rvtueq Johvlc Tishox rueq miqsaz mungtan htenc htauk nuex luimc vkawc httax yaq lvmx muinz, vpiq rueq yvmx muinz rvmuq miq kuex thvl wvnc vtueq vkhek miq muex tvyaungc tueq lvmx muinz baung ruip saz wawc miq rueq mtuiuz wvnc shueq,’ ngoz tueq ramc tueq.

DANIEL 4:32

Mnoz kuex miq phungc wawc yurc gay rvhumc vtueq yaruix ngvmx saz htenc rulc vdvmz wawc mvshix tup manx rueq ikhoc renhttuingx kuex phauk shuiux. Kvkaq Johvlc Tishox rueq miqsaz mungtan htenc htauk nuex guimz yaq luimc vkawc lvp vtueq vpiq rueq vthvl ukhaq muex muinz vpiq rueq kuq lot yaq kuex mnoz kvjungc tuiux,” ngoz tueq.

DANIEL 4:37

“Majuiuc kuex, ngaz, Nebukhadnezar rueq, raungmungx Hokhvmx waz ngauz vngax kuex tvtsanc nganc, tvtsvmc kvmc vshaungx. Vpiq rueq shuimx wvnc tueq phvnx ruip saz kuex vlvmx nuiyc tsuingrux yaq ningkhvnc nuex vpiq rueq ngamc vngax maq shuimc vkay jix ukhaq muinz tvruinc rvgay yaq,” ngoz tueq.

DANIEL 5:21

Piq thuinz vtharc kuex ngvmx saz vshiz ikhoc yaungx wvnc vtueq, miq phungc wawc yurc gay rvhumc tueq. Piq kuex yaruix loze htenc rulc vdvmz httax vtueq, manx rueq ikhoc namx kuex phauk ruiux buing jamx nuex woalc yaq. Tvsuip nuex Johvlc Tishox vpiq rueq vthvl miq ukhaq muex muinz miqsaz mungtan lotlaz kuex guimz tvkoc kuq yaq kuex piq kvjungx yaq.

DANIEL 5:23

Mnoz rueq raungmungx Taungjix kuex khawx lvlx vtueq vpiq Shomc Yuimx wawc vlvmz wvnc kok nuiyc wanc htenc kuex lvmz vshuiux. Mnoz nuiyc mnoz vyungx vlaungx bix muinz, mtaungx nyuiuz hez nuiyc mtaungx nyuiuz ruinx hez rueq muinz kvyuq svpiq tix nuingx vtueq, kuimshawx, kuimphox, nvyrvyx, yanx, pulx nuiyc lung htenc maq vtvhungx muik khiz muq, nac tay muq, yvmx muinz tuiuz muq tishox htenc muex tvtsvmc kvmc wuez vshuinx. Yuq muinz mnoz kuex mrullungx nuiyc mnoz rueq shuimx kaz vshuiux phvnx ruip saz kuex shuimc lawc jix Tishox muex tvtsanc nganc vshuiux rvmuq.

Revelation 11:6

Tsuingnueyc rueq Tishox bomjungc jungphvnx yaq baunglaung raungyunx muq tvkoc raungx tuing gay lot juing vrangx vpangx httax yaq. Yuix kuex tvguiy muex tvyaungc gay lot juing vrangx vpangx muinz httax yaq: tsuingnueyc thuinroc httax yaq tek ghaq nuex thuimkux phvnx ruip saz tvdaungc kuy vrangx vpangx httax yaq.

Revelation 8:8

Vnueyc ngoc yaungc raungkamx waz rueq bolic tuimz koq tueq, wvrluic thuiyc yaq ikhoc kanx yunghvlc vshiz kuex svmuktvrax nuex tvdvy gay tueq. Kvkhoc rvtueq svmuktvrax yuix mvnthuimx wawc mvnshiz kuex tvguiy muex yaungx wvnc tueq.