DANIEL 4:17 - ASII LAKDAP Bible (BSI)

¹⁷ Arka tsangrak maq khebomti rasetiim raq, khatan tri raütu ashat thü. Arka maiqse angu wiita raq, ratsan ramong nyang na siti, Ningkun Ajong Shiikeawe raq, mangjong maiqse kunli, hupkhangtlo nguta misap laq. Apaiq kli honyung hokham shongti, wepuq wese miili jiimin wela jaqshamke, apaiq raq thithi.’

Hawa Naga Bible 2001

¹⁷ Vruex kuex honc lvmz hvt maq bvmc yaq raungkamx waz hez rueq htvp htaz yaq lvmz rvtueq. Kvkhoc rvtueq Johvlc Tishox rueq miqsaz mungtan htenc htauk nuex luimc vkawc httax yaq lvmx muinz, vpiq rueq yvmx muinz rvmuq miq kuex thvl wvnc vtueq vkhek miq muex tvyaungc tueq lvmx muinz baung ruip saz wawc miq rueq mtuiuz wvnc shueq,’ ngoz tueq ramc tueq.

DANIEL 4:17 Referencias Cruzadas

1 HOKHVMX 21:25

(Tatiwe makki na Ahab raq arilung kiinongtlii raüta abi pinthum ngarai klo wantaq kiikha klo wanti maiq ahin ka jumin ahü. Arthun klo wantaq arka tsangnyung Jejebel raq thaü tlaq kra phan phan siisaq klo wanto.

2 KAÜWA WERAÜ 28:22

Riita apaiq dii na chamchao sangrai ka henghea she saü wan kiita, Ahaj raq Tatiwe makki na ngarai ka pahea tang wan wan khoti riito.

Tvtsvmc 103:19

Tatiwe raq apaiq hokham ngacho ka ramungtan na ashongwi she; apaiq ka kunli thaq na hokham.

Tvtsvmc 9:16

Tatiwe raq apaiq sham ka ajaqsham tingting khapho miishe tiichhi kuqto, kiimaq abi kloti ka tsangshiq maiqmii jaqsham thiikho niili dea wantlo.

DUNGWVNC 9:16

Shatmaq ümniima iningkun tiichhike miitu, Ngi raq ümniika atra tiisitiikang. Arka imang chong tsaki kra mangjong tlotli na tiinyam wa miitu atra tiisitiikang.

ISAIA 6:3

Tsangshiq ka tsangshiq liipan na akha riibomtlo: “Asii, asii, asii! Ajong Pinthum Tati ka asii! Apaiq khushü ngao raq mangjong hiq ka nyamtlo.”

ISAIA 6:8

Kiijiishe ngi raq Tati raq akha nguto taikang, “Ngi raq juwa mitiikiha? Nashiq kiimwe ma juwa mija?” Kiijiishe ngi raq trekang, “Ngi mikikang! Ngi tiikiliina!”

EJEKIEL 25:17

Ngi raq tsangshiq ka tiinamtok mitsat baiqha. Lata iphuk ka tsan tiiheali milamha. Tsangshiq raq itsankhiq walü nyai heng kra misap wan. Kiijiishetiq tsangshiq raq Ngi ardea Tatiwe nguta misap wan.”

EJEKIEL 7:24

Ngi raq maiq mung abi pinthum mung thun ka ajaq mishea wanha. Lata tsangshiq ma namshiq jam thun kra milikuqha. Namshiq raq phra sumla thun shomnoq wan chang hiqba thun kra ngi raq tsangshiq lümaq mitiishebaiq ha. Kra riihala namshiq phongwa srea nola jongbi kiimin ahok ajaq tiikhai rokrok, ningkun ahü she, tsang tsaiji wiita she midoq.

DANIEL 11:21

Kiimahali rase raq akha chongkuqto: “Kra jaiwa Siria mung hokhamwe shongtlaq kriika abi pinthum she miraq. Apaiq ka hokham ja thek mak. Shatmaq apaiq raq lule klo raüta jurmin tiima chhimak miili, hokham ngachang ka minyea. Raüta kra mung ka mipeng.

DANIEL 2:21

Apaiq ka rahiq jipi thapthi wantiwe! Jurai liirai tiihongtiwe! Hokhambi shongti min apaiqli, hokhambi runbaiqti min apaiqli. Apaiq kli anyan phaqchi keti, kiimaq taksu tsii keti.

DANIEL 4:2

Ngi ma Ajong Thaq Na Ajong Shiikeawe raq amao chang kiimaq awang chang jaqsham thun tiichhikuqtaq kra chong tiikang tai ronglaq.

DANIEL 4:25

Ümniika maiqse phong wa, ajoshe mirbaiq. Raüta ümniika rumnyamse kong rai she misidam haü. Rawii wiimiishi na saüli, ümniika minsaüpongwe ikha sangphii phaq laüta misihaü. Laüta hiqsii thung na mikon haü. Kiijaq ra wa bangkham ka ümkhum na mirok. Kiijiishetiq ümniiraq Ajong Thaq Na Ajong Shiikeawe riili dea, maiqse angu hokhambi mangjong na sitlaq kra pengtlo. Kiimaq mangjong hiq na hokham jaqsham ka apaiq raq ümriiti ma kewa lungwii tlaq, kriiti ma kuqtlo nguta misap haü.

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

Romans 13:1

Maiqse angu tarü ka mungtubi wokhong na sichang. Shiikeawe raq arang kehü miika, juwe riimin mung thaq na wela jalot mak. Krai mren, ümchaü mung rümti hokhambi sitlaq kriika, Shiikeawe raq ashong wan.

1 Corinthians 1:28

Apaiq raq mangjong maiqse raq shummii laqpii saisi tlaq kra tsea tlo. Kiimaq mangjong maiqse raq arka jam min taimak, hiqtili nguta liiwan tlaq, kriiti ka tsea tlo. Arka mangjong maiqse raq jamlai wa akhek nguta thü tlaq kra shiithen baiq miitu tsea tlo.

1 Timothy 5:21

Ngi raq arthun aming ara Shiikeawe man na, Jesuq Khristo man na, kiimaq asii rasetiim man na, ramram lata, ümniima arthun arang ara kuq tiikang. Ju miimin tiishaü tiiji naq riikiq. Wiitarü ka maklii shi maq peng laq.

Revelation 4:8

Kra chongtiikai ngamkaü blai wiita dü niika kaüshi khum niili arakong ka trokrok. Kiimaq kra arakong thun ka, akii niimin, among niimin, amakpo siisaq tiidiimshat. Ranaiq rawa tsaq mak phan maq, tsangshiq raq akha Shiikeawe ka shomnoq shitlo: “Asii, asii, asii Tati Ajong Shiikeawe ka asii. Apaiq ka man na min asi, ümchaü min asi kiimaq jai na saühoti we.”

1 SAMUEL 2:8

Apaiq raq miitsanti, botkhulai wa ra na dotlo, chamchao mong na siti ka tiichhanchhi wantlo. Apaiq raq tsangshiq lüwasetiim rai, kongshi tiichap ngatlo, raüta tsangshiq ka mungtu shiilangbi tiija wantlo. Mangjong hiq khamchong ka, Tatiwe rii; kriithun thaq na apaiq raq, mangjong hiq ka tiiqto.