DANIEL 4:16 - ASII LAKDAP Bible (BSI)

¹⁶ Kiimaq akhutsai ka wiimiishi na saüli, maiqse khutsai ka riimak she miraq, shatmaq rumnyamse khutsai miishe mijaki laq.

Hawa Naga Bible 2001

¹⁶ Piq kuex wawc mvshix tup miqsaz thuinz vtharc httax tuex rvmuq, yuq muinz ngvmx saz thuinz vtharc httax wvnc tuex.

DANIEL 4:16 Referencias Cruzadas

2 SAMUEL 18:32

“Riita jerowe Absalom ka ahea shea?” nguta hokhamwe raq waito. Dise raq treto, “Chaü lei, ngi raq tiima kla, apaiq ka jamkho jakitaq, kiikha siisaq, ümniima chiqse rewe jatibi thun wiita ka jaki raüjaq ahea riichang nguta tiima tiikang.”

ISAIA 6:10

Kra nguraütiishe apaiq raq ngi ma chongto, “Arnok khutsai ka ahü ma tiijabaiqlaq. Tsangni ka biila miishe tiijabaiqlaq. Kiimaq tsangshiq mak ka makchuk ma tiijabaiqlaq. Kraimren tsangshiq raq chhimak she, kiimaq taimak she kiimaq takmak she mirlaq. Tsangshiq raq chhi raü jiika, tai raüjiika, takraü jiika iwokhong na miwa wan wa. Raüta tsangshiq ngarai tsi si ka atiihea mirkuqha wa.”

DANIEL 11:13

“Siria mung hokhamwe ka tsang mung na hali mijang wan nong. Raüta aphenlabi ka kongkhulak wa kriithaq niimin achan pahea she hali mirchom nong. Raüta akhing hongtoshe angu na, apaiq raq asengi phenlabi ka kongkhulak na sheahotaq kriithaq na apa, pahea she sheaho raüta, kiimaq rekhat chang hupsam chamtraq hoho raütiishe rekhatkai mijangki nong.

DANIEL 12:7

Kiijiishe rase raq ajaq wiinai ka ra nü na doraüta, pattup pat-sa Shiikeawe mang na, ramkhamkok sham raüta, akha kiqkham kuqto. Apaiq raq akha nguto taikang, “Kriika wiitsam ri wiithiq miraq. Shiikeawe sengi tiichamchao wan jai maq, arthun mra arshe mipin wan.”

DANIEL 4:23

Chaü lei, ümniiraq kra pechongkaü ka liisea rea liipan niili, ramungtan wa rase ashi satki raüta akha nguto, ‘Pechong ka daqbaiq laq. Laüta wiita tiithen baiqlaq. Shatmaq akhuk ka hiq na tiichapshatli thülaq. Achongkhuk kiijaq jin nai miiki maq alo jinraü maq banthü laq. Laüta kra achongkhuk ka sangphii rü niili baiqthü laq. Raüta ra wa na bangrok tlaq kra arwe dü na misa laq. Raüta apaiq ka kiijaq nyamse kong rai wiimiishi ümsidam laq.’

DANIEL 4:25

Ümniika maiqse phong wa, ajoshe mirbaiq. Raüta ümniika rumnyamse kong rai she misidam haü. Rawii wiimiishi na saüli, ümniika minsaüpongwe ikha sangphii phaq laüta misihaü. Laüta hiqsii thung na mikon haü. Kiijaq ra wa bangkham ka ümkhum na mirok. Kiijiishetiq ümniiraq Ajong Thaq Na Ajong Shiikeawe riili dea, maiqse angu hokhambi mangjong na sitlaq kra pengtlo. Kiimaq mangjong hiq na hokham jaqsham ka apaiq raq ümriiti ma kewa lungwii tlaq, kriiti ma kuqtlo nguta misap haü.

DANIEL 7:25

Apaiq raq Ajong Thaq Na Ajong Shiikeawe kra mishummii. Kiimaq Shiikeawe sengi wiita, hok maq nishishi mitiichamchao. Apaiq raq tsangshiq Shiikeawe, shomnoq thunglai nai poi tri thun ka, laibaiq wan mitan khan. Kiimaq Shiikeawe sengi ka, apaiq raq wiitsam ri wiithiq mijam sha wan.

DANIEL 7:28

Arshe riishammakchhi bomchong raüpot cheke thum. Ngi ka phiipraq tsaikang. Ithea ka lütaitai kiinyii kang. Kiimaq phanrap chhitai wan kang thun ka itsan mongniili shaq thükang.

Hebrews 1:11

Ara ra nai hiq thun arka athum mirki, Shatmaq, ümniika siruqli misi haü. Arthun arka, khu akhea riimki tlaq ikha, ariim mirki.

Revelation 12:14

Kra jechak nyung ma, liiha we rakong ajong anai kuqto. Kra rakong maq, apaiq ka kumtsaiphii na, apaiq tiipaü kai chang hiq bashi tiihongje kiina biwan raüta misiki. Kiijaq apaiq ka wiitsam ri wiithiq, natkaü raq longliiq kilot mak chang na, aheawiq maq shiililii raüta mitiisi.