DANIEL 4:18 - ASII LAKDAP Bible (BSI)

¹⁸ “Ngi raq rawa ma ka ara ma kang,” nguta Hokhamwe Nebukadnejar raq nguto. “Riita, Belteshajjar lei, ümchaü min, ngi ma kra liichum ka chongkuq laq. Iwokhong na siti isengi ngi danhontibi raq jurmin ngi ma ara chongkuq lot mak. Shatmaq ümniiriika milot haü, jamkhano ngukla, ümkhum na asii phra kong wenyi asi.”

Hawa Naga Bible 2001

¹⁸ “Hokhvmx Nebukhadnezar rueq, “Vruex kuex ngvy maung rvtueq. Majuiuc Belteshazar lex, kvruex vlvmz yvmx lac rvtvnx ngaz muex jungx kuq koq. Ngaz hokhvmx rulc rvjungc rv-phvnc jix hez rueq jalc jungx kuq tsic muq, yuq muinz mnoz kuex vsawc tishox htenc siyac mnoz nuex httax yaq ningkhvnc nuex jalc jungx lot shuiuz,” ngoz tueq.

DANIEL 4:18 Referencias Cruzadas

RAPHA HIQWA LAK 40:12

Kiijiishe Joseph raq nguto, “Kra liichum ka ara: akü kotsam kriika ranaiq tsam.

RAPHA HIQWA LAK 41:15

Kiimaq hokhamwe raq apaiq ma nguto, “Ngi raq rawa ma ashi makang. Shatmaq kra liichum ka jurmin chongkuq lot mak. Nanok raq ngi ma, ümniiriika rawama liichum thun michongkuq lot haü nguta chongto.”

RAPHA HIQWA LAK 41:8

Ranap niishe apaiq ka achapa she riito. Kra ningkhan apaiq raq Ejip mung na siti mintin logle kloti thun kiimaq taksmabi thun kra tiihea kito Raüta tsangshiq ma apaiq rawa ma ka chongto. Shatmaq tsangshiq phong wa weshi ra riimin apaiq rawa ma liichum ka chongkuq lot mak riito.

ISAIA 19:3

Ejip mungti jaqsham siirütlaq thun ka Ngi raq mitang tabaiqha. Lata tsangshiq tsaiji kra mitranbaiqha. Tsangshiq ka ümkha ijasiq she miraq. Raüta tsangshiq sumla phra phong kriiphana ki raüta khrum mijaüki. Kiimaq tsangshiq ka wulum rai riibomti shammibi phana miki. Raüta wulum rai tsü riichongkai miki.

DANIEL 1:20

Hokhamwe raq jamlai phan bomli wairaü min, kiimaq apaiq raq jamlai phan mra khuthaq na bom wairaü min, tsangtsam weblai riika, maiqjaq liitibi nai mintin kloti amungtan na siti kra wiitarü kunli thaq na, manroqshi achan asap riito.

DANIEL 2:38

Apaiq raq ümniika ara mangjonghiq raikhü na maiqse sitlaq kra pengti, kiimaq rumnyamse, kiimaq peshap wushi wiita kra pengti ma shongto. Kra chaq maq alo khupo ka ümnaq riilaü.

DANIEL 2:7

Kiijiishe tsangshiq raq hokhamwe bom ka akha treto, “Chaü lei, ümma ka jamlai wa malaü kriili chonglaq, raüla naishiq raq kra liichum ka michongkai.”

DANIEL 5:15

Ngi raq danhontibi, kiimaq mintin klotibi thun ka ara maiqjaqwaiq kra phatkuq ronglaq lanta kra liichum ka ngi ma chongkuq ronglaq nguta tiihea wakang. Shatmaq tsangshiq raq kra liichum ka humlot mak.

DANIEL 5:8

Kiijiishe, hokhamwe danhonti thun ka kiijaq wato. Shatmaq tsangshiq phong wa jurmin kra awaiq ka phatkuq lot mak kiimaq hokhamwe ma liichum ka chongkuqlot mak riito.

AMO LUIK DVP (AMOS) 3:7

Ajong Thaq Na Ajong Tatiwe raq, apaiq raq jamlai wa kiimung tlaq kra, ajaqshisetiim shammibi ma kongkhu chonghü maq, jaq ka sham wan mak phan.