DANIEL 4:37 - ASII LAKDAP Bible (BSI)

³⁷ “Riita, ümchaü sanha, ngi Nebukadnejar raq Sanseng Ramungtan na siti Hokhamwe kriili she tiitsam tiikang, shreng tiikang, kiimaq apaiq khushü kra tiijong tiikang. Jamkhano ngukla, Apaiq jaqsham kaiwa ka tingting, apaiq tri raütu kappe khaqkhaq, kiimaq apaiq raq kumrong kumraq maiqse ka, anun pinthum ma tiijabaiqtlo,”

Hawa Naga Bible 2001

³⁷ “Majuiuc kuex, ngaz, Nebukhadnezar rueq, raungmungx Hokhvmx waz ngauz vngax kuex tvtsanc nganc, tvtsvmc kvmc vshaungx. Vpiq rueq shuimx wvnc tueq phvnx ruip saz kuex vlvmx nuiyc tsuingrux yaq ningkhvnc nuex vpiq rueq ngamc vngax maq shuimc vkay jix ukhaq muinz tvruinc rvgay yaq,” ngoz tueq.

DANIEL 4:37 Referencias Cruzadas

2 KAÜWA WERAÜ 33:19

Kiimahali hokhamwe raq achu jaütaq nai Shiikeawe raq apaiq achu jaü tretaq bom thun, kiimaq apaiq mra mitiidii wan shaq na apaiq raq ngarai tangtaq thun raüpot kra- apaiq raq ashut klowantaq thun kra, thatsang noqkujam thun haitaq kra kiimaq jechak nyung phrakaü Ashera berong thun shongtaq kra, kiimaq apaiq raq sumla thun shomnoq wantaq thun kra wiita Shammibi Manphan Lakdap na waiq thüto.

ESTHAR 6:10

Kiijiishe, “Riikhaqli tengto. Ümchaü ümniiraq ümnü maq jamlai wa chonglaü, kra phanphan, jaqlo klo laq. Samtong jong kaü nai kumrang kaü kra hit ho laüta, Jehudiwe Mordekai hokhamwe jam kilam chong na nga tliiwe kriima tiimii kuq laq. Ümniiraq jamlai phan wa chonglaü thun ka, phanshi ra min naqlaq thaq kiq,” nguta hokhamwe raq Haman ka thaüto.

Tvtsvmc 119:75

Ngi raq asapha ümniiraq kha photlaü ka tingting, Tatiwe lei, kiimaq ümniiraq ngi ma mo tiiholaü ka ngi tsapkap laüta tiiholaü.

Tvtsvmc 99:4

Ajong Pinthum Hokhamwe lei, ümniiriika riikhaqli jaqsham lungwiitlaü; ümniiraq Israil mung na tingting tri raütu shonglaü she; ümniiraq kha ka tri maq phokuqtlaü kiimaq makliishi maq photlaü.

DUNGWVNC 18:11

Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

DUNGWVNC 8:4

Makphang phong ka ümkhu thaq na, ümsengi mungmaiqse thaq na, kiimaq ümsengi ajong alabi thun khuthaq na adoq aloq haha she mirphong wan.’”

ISAIA 23:9

Arka Tati Ajong Pinthumwe raq thapthi wanto. Tsangshiq raq shiikongkhiq maq jamlai phan wa klowantaq thun kra miqchup tiithenbaiq miitu apaiq raq toqtan wanto. Kiimaq tsang mungti aki miikiimbi thun kriima jea tiingaü miitu kloto.

ISAIA 5:16

Shatmaq Ajong Pinthum Tati riika kappe sham raüta riikhaqli maq kha photlo. Raüta apaiq jonglu kra tiichhikuqtlo. Kiimaq apaiq asii rilung ka asenginok kha phokuqtlaq kra lümaq tiichhikuqtlo.

JEREMIA 50:29

“Liq shamti sreabi kiima Bebilon mung ka khat rong laq nguta chong rong laq. Maiq loweatek jurwa liqsham atsinti thun ka tarü rekhat wa tiiwa ronglaq. Lanta chela ka trotam maq kom ronglaq. Lanta chela mong wa maiq ka ashi min tiijubaiq raamak. Apaiq raq jamlai wa abi klo wantaq kra tham ka apaiq ma thamkuq ronglaq. Apaiq raq nanok ka jamkho haihiitaq kra phan phan apaiq kiimin haihii ronglaq. Jamkhano ngukla apaiq raq Ngi, Israilnok Rümti Asiiwe ka roi raüta shiikongkhiq maq ajiq kiimungto.

EJEKIEL 16:56

Riita, man na, ümniika shiikongkhiq sitlaü cho ji na, Sodom chela kra naikü maü sha riilaü?

EJEKIEL 16:63

Ngi raq ümshut ümphit thun ümchuwa klo wan laü kra kunkun midiibaiqha. Shatmaq ümniiraq kriithun ümtsan mong na mitiitsang haü. Kiimaq ümnü maq bom poshi dongdii min dolot maü pinthum mijeasi haü.” Arka Tati Rakaü Hiqwe raq toqtanto.

DANIEL 4:26

Rase raq pechong khuk ka hiq na kiikhiili thüronglaq nguta aming kuqto. Kra liichum ka ümra akhing niiwa ümniiraq ümtsan mong na, ara mangjong hiq tlotli arka Shiikeawe riidea rümtlo ngutiishe mitum haü, kra akhing niishetiq, Shiikeawe raq ümniika hokhamwe ma hali mishong nong.

DANIEL 4:3

“Shiikeawe raq amao chang jaqsham jonghea, nashiq ma tiichhikuqtlo! Apaiq raq awang chang jaqsham, ningkun henghea maq shamtlo! Shiikeawe kli pattup pat-sa miitu hokham, Apaiq riili pattup pat-sa mipeng wan.

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 5:4

Raüta chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai phra sumla thun kra tiitsamkamto.

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Acts 17:24

Shiikeawe ka ara mangjong hiq ara kiimaq ara mangjong hiq raikhü na jamlai phan wa diim tlaq, kra thun kra phansang wanti we. Apaiq ka ra nai hiq ara rümti Tatiwe. Krai mren, apaiq ka maiqse raq jaq maq ahai hun phra shomnoq chang jam thun ahai kuq kiijiika singa mak.

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.

Revelation 15:3

Raüta, tsangshiq ka Shiikeawe jaqshise Mosheq raq shingetaq kra shi nai Skuse raq shinge wantaq kra akha shinge trang taikang: “Achong lot mai awang chang ajong jaqshamti, O Tati Ajong Shiikeawe lei. Tingting tri raütu kappe shamti, Pattup pat-sa Hokham we.

Revelation 16:7

Kiijiishe, ngi raq kra berongwacha wa maiq bom ashi akha chongto taikang, “Ajong Shiikeawe lei! ümniiraq kha pho tlaü ka tengteng. Kiimaq riikhaqli, athuk atsom maq pho kuq tlaü!”

1 SAMUEL 2:3

Shiikong miilong naq gisii rongkiq, Shiikong bomchong tsaq rong laq. Tatiwe ka phaqchi Shiikeawe, maiqse raq klotlaq lotli, kha kra apaiq raq photlo.