DANIEL 5:23 - ASII LAKDAP Bible (BSI)

²³ Ümniiraq ramungtan na siti Shiikeawe shummii tlaü! Laüta apaiq Shomjam wa alam wan kok nai nüchhong winpin thun kra tlam wa laü. Laüta ümnaq nai ümsengi aki miikiimbi, ümchaktiim, kiimaq ümchakliip nyungtiim raq, kra kok thun kiijaq che tsüm nyang lanta, sumla phra kong; chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai sumla phra thun; amak maq chhimak; ani maq taimak; kiimaq jamlai min sap mak thun kra tiitsam kamtlan. Shatmaq, ümtsitsü phansangketi, ümtsitsü raü shamti, ümniiraq jamlai wa klo wantlaü kra kunkun peng raüta thapthiketi Shiikeawe ka shreng maü riilaü.

Hawa Naga Bible 2001

²³ Mnoz rueq raungmungx Taungjix kuex khawx lvlx vtueq vpiq Shomc Yuimx wawc vlvmz wvnc kok nuiyc wanc htenc kuex lvmz vshuiux. Mnoz nuiyc mnoz vyungx vlaungx bix muinz, mtaungx nyuiuz hez nuiyc mtaungx nyuiuz ruinx hez rueq muinz kvyuq svpiq tix nuingx vtueq, kuimshawx, kuimphox, nvyrvyx, yanx, pulx nuiyc lung htenc maq vtvhungx muik khiz muq, nac tay muq, yvmx muinz tuiuz muq tishox htenc muex tvtsvmc kvmc wuez vshuinx. Yuq muinz mnoz kuex mrullungx nuiyc mnoz rueq shuimx kaz vshuiux phvnx ruip saz kuex shuimc lawc jix Tishox muex tvtsanc nganc vshuiux rvmuq.

DANIEL 5:23 Referencias Cruzadas

RAPHA HIQWA LAK 14:19

Raüta apaiq ma shiiman kuqto. Raüta akha ramkuqto, “Ratsan Ramong Nyang Na Siti Shiikeawe, ra nai hiq klotiwe raq Abram ka mishmanlaq!

RAPHA HIQWA LAK 2:7

Kra raütiishe Tati Shiikeawe raq hiq ka phanshise tsunto. Raüta kriimaq maiq weshi kloto. Raüta apaiq raq tsitsü rilung ka akhüpu wiinai na meikuqto. Kiimaq maiqwe ka atra miishe jawanto.

2 HOKHVMX 14:10

Riita Amajia lei, ümniiraq Edom mung ka khat laü. Laüta tanglaü. Kiimaq ümniika kai shiikong tlaü. Ümtsa ümki jongtlaq kra miitu chochi khiq maq jam na ngaphaq liina. Maiq ka shukshaqki laüta ümnaq thenkai chang nai ümsengi thenkai chang thiikho ka jaram wa thutlaü?”

YOBA 12:10

Shiikeawe riili ajaq maq phan sang wantaq atra phan rilung ka shunshea tlo; maiqse loweatek miisaq ka apaiq jaqkhon na sitlo.

YOBA 31:4

Ngi raq jamlai jaq wa shamtiikang ka Shiikeawe raq wiita asap siisaq; ikiimwiiq awea ka apaiq raq achhi.

Tvtsvmc 104:29

Ümtiikiiwa ümmak liika jainong shungtlaü, tsangshiq ka ahai riitlo; ümtiikiiwa ümtsitsü ka ajang riiwantlaü, tsangshiq ka atsai riitlo, kiimaq tsangshiq dongchang hiqda ma hali jaki nongtlo.

Tvtsvmc 115:16

Ramungtan ka Tati apaiq riili dongdii, shatmaq apaiq raq hiq ka maiqse ma kuqto.

Tvtsvmc 139:3

Ümniiraq ngi achhihaü kata, ngi ka jaqsham sha angasea wa; ümniiraq ngi tiimeshitiikang ka wiita asaphaü.

Tvtsvmc 146:4

Ümtiikiiwa tsangshiq ka tsaikijiiq, tsangshiq ka hiqda ma mijaki nong, kra ranaiqli tsangshiq raq jaqsham ümchuwa süriiwantaq kra wiita mithumki.

TAKSU LAK 20:24

Tatiwe raq, nashiq rilung lam ka atankewi she. Ikhii jiika maiqse raq, ümra lam mo kihotlaq, kra jamkho misap?

ISAIA 13:11

Tati raq ngutlo, “Ngi raq mangjong hiqraikhü na chamchao jonghea mitiisaüha. Lata abi kloti thun ma tsangshiq ngarai kha miitu mo mitiihoha. Ngi raq shiikong miilongti thun loweatek ka aranse ma mitiijaha. Kiimaq wanshak shakti nai maiq ka jimaq nishishiti thun ma mo mitiihoha.

ISAIA 14:13

Ümniika ramungtan na düwantlo hajaq nguta pinthum shiikut chaq wan laü. Laüta ümhokham ngacho ka ratsan ramong nyang na raiqsaiq thun thaq na diiluhea pinthum ba na nga wa hajaq nguta shiichaq tlaü. Ümtsan mong na kra pum khu thaq na shekhu nünü kiijaq phra kong ngongthun tlaq ba kiijaq hokhamwe ikha ngahajaq nguta tan khan wan laü.

ISAIA 2:12

Kra ranaiq akhing na, Ajong Pinthum Tati raq ajong ala maiqse angu thun wiita loweatek kiimaq shiikong miilong siti thun loweatek kra kiimaq akhü tiinga raüta ngi dea ajong nguta sitlaqti thun kra wiita ma jea mitiingaü.

ISAIA 33:10

Tatiwe raq maiq mung thun ma akha ngutlo, “Ümchaü ka Ngi she mitiimeha. Ngi raq iningkun jong kra mitiichhiha.

ISAIA 37:19

Raüta tsangshiqnok phra kong thun ka wa maq chaqbaiqto. Kriika ngohea dea tisho kong ka riimak. Kriithun ka maiqse raq jaq maq pe wa ahai kiimaq long maq ahai sumla phongli dongdii.

ISAIA 37:23

Ümniiriika ju shummiitiikang ngutiiwa tiima tlaü? Kiimaq chuphit nüphit laüta ju wa shipoq tiikang ngutiiwa tiima tlaü? Ümniiraq Ngi asii Israilnok Shiikeawe ka shummii shaq shaq saisi tlaü.

ISAIA 42:5

Shiikeawe raq ramungtan thun ka phansangto, raüta rawang win na chanto; apaiq raq hiq ka tiiqto, kiimaq kiijaq siti thun wiita phansangto; apaiq kiijaq siti asengi tlotli ma rilung nai tsitsü kuqto. Raüta ümchaü Tatiwe Shiikeawe raq ajaqshi se ma akha ngutlo,

JEREMIA 10:23

Tatiwe, ngi raq asapha jurmin maiqmii ningthoi ka sap mak; jurmin maiqmii rilung ka riimlot mak.

JEREMIA 48:26

Tatiwe raq nguto, “Mob ka che ma tiichok laq, jamkhano ngukla apaiq raq ikiq khiito. Mob ka apaiq phai raitaq kriithaq kiijaq akap atsea miküliisiq laq. Kiimaq maiq raq apaiq ka chhi raüta minai küsiq.

JEREMIA 50:28

(Munglu wansha Bebilon mung wa lun wan raüta aju wanti ka Jerusalem na saüto. Raüta tsangshiq raq nashiq Tatiwe nashiq Shiikeawe raq, Bebilon mungti raq Shomjam ka tiithenbaiq kha na, tsangshiq khuthaq na jamkho phuk lamtaq kra tsütsa ka chonghoto.)

JEREMIA 50:29

“Liq shamti sreabi kiima Bebilon mung ka khat rong laq nguta chong rong laq. Maiq loweatek jurwa liqsham atsinti thun ka tarü rekhat wa tiiwa ronglaq. Lanta chela ka trotam maq kom ronglaq. Lanta chela mong wa maiq ka ashi min tiijubaiq raamak. Apaiq raq jamlai wa abi klo wantaq kra tham ka apaiq ma thamkuq ronglaq. Apaiq raq nanok ka jamkho haihiitaq kra phan phan apaiq kiimin haihii ronglaq. Jamkhano ngukla apaiq raq Ngi, Israilnok Rümti Asiiwe ka roi raüta shiikongkhiq maq ajiq kiimungto.

EJEKIEL 28:17

Ümniika ümsham tsomhea khana shiikongsiq laü, kiimaq ümmang jong tsaki raq ümniika angiwe ikhiishe tiijabaiqto. Kiimaq angiwe ikha kiimung tlaü. Arningkhan Ngi raq ümniika hiq na tiidea baiqkang. Kiimaq ümnaq tiideabaiq kang kriika hokhambi ahinti ma honlam chongke riito.

EJEKIEL 28:2

“Maiqse lei, Tajar mung pengtiwe ma, Ngi, Tati Rakaü Hiqwe raq apaiq ma jam bom wa chongtiikang kra chonglaq: Ümkhü tiinga raü shiikongtlaü: Ümniika phra kaü nguta tsütsit tlaü. Ümniinga phra kaü ikha hokham ngacho na ngatiikang ngutlaü. Ümtro na khamjong chum thun maq rukje. Ümniika phra kaü nguta tiichongsiq tlaü sham. Shatmaq riimak. Ümniika maiqse, ratiwe riimak.

EJEKIEL 28:5

Ümniiraq khonglaqhea maq piikii laüta laopan jalaü kiimaq amet ka lap wan ruq laptlaü. Ümniika chiithe kha na ra na dü ma phipii shiikong tlaü!

EJEKIEL 31:10

“Ümchaü min, Ngi, Tati Rakaü Hiqwe raq ümniima chongpha, kra pechong ra na phumda thin lili jongraitlaq kra jamkhiiwa jawantla. Kra chong ka jamkho jong rai wantaq, kai shiikong wanto.

DANIEL 11:12

Apaiq raq rekhat tang raüta kiimaq rewe phenlabi pahea tsatbaiq wantaq kra miitu, jarap jirap alachongwa lishe, mishkong siq. Shatmaq apaiq raq rekhat ka tangwan ruq tang mak miraq.

DANIEL 4:37

“Riita, ümchaü sanha, ngi Nebukadnejar raq Sanseng Ramungtan na siti Hokhamwe kriili she tiitsam tiikang, shreng tiikang, kiimaq apaiq khushü kra tiijong tiikang. Jamkhano ngukla, Apaiq jaqsham kaiwa ka tingting, apaiq tri raütu kappe khaqkhaq, kiimaq apaiq raq kumrong kumraq maiqse ka, anun pinthum ma tiijabaiqtlo,”

DANIEL 8:11

Kiimaq kriiraq ramungtan na siti Hokhamwese phenlabi thun kra dongdii min teimak khat wanto. Kiimaq Hokhamse ma ranaiqtek nyamse honglu takuqtlaq kriimin wiitashe tiithaq baiqto. Kiimaq Shomjam kra wiitashe tiishe baiqto.

HABAKUK 2:4

Bomtsi chongtiikang ka ara waiq laq: ‘Abi ati maiqse thun ka atsai mirki; Shatmaq kechu maiqse thun ka atra misi wan. Jamkhano ngukla tsangshiq ka Shiikeawe bom, tsapkapkap maq langtlo.’”

Acts 17:25

Riimak la, apaiq ma phanshi ra rongra tlaq ngo chang chang ikha, maiqse raq jaq maq khrum shanke wan chang lam ka jam min ahü. Ara jamkhano chongtiikang ngukla, apaiq kli maiqse angu tarü ma rilung tsitsü raü chong. Kiimaq miisaq. Kiimaq maiqse ma jamlai phan wa rong raa tlaq kra kewanti.

1 Corinthians 8:4

Riita ara chongtiikai arai mren, thatsang maiqse raq sumla phra thun kra noq ma nguta ataa kuq thatsang ngam ka Phungmaiqse raq phaqsea mimai sha, maimak wa nguta bom tiiwai lan irshe chongkuq pha: Nashiq raq asap i, sumla phra nguta maiqse raq shomnoq tlaq kriika, riikhaqli miika kiikha phra ka ahü. Nashiq raq asap i, Shiikeawe ka ashi li.

1 Timothy 3:6

Apaiq ka kamasham rilung na akha adiq she riichang. Ahon atsii ka aku she riichang. Kra riimak ngu raü ka, apaiq ka ashkong tiina mirki. Raüta, Shiikeawe raq Thawe jamkho tiidea baiqtaq kiikha, apaiq min midia.

Hebrews 4:13

Maiqse raq, Shiikeawe maklii wa apaü chang ka jam min ahü. Ramungtan na nai mangjong hiq na ümtinkhan wa diim tlaq thun kra, Shiikeawe raq achhi kiimaq asap siisaq. Nashiq tarü raq narilung ara miitu wiita apaiq ma heshap kewan chang miraq.

Revelation 9:20

Atinkhan sawa tha wa raq tiichamchao jai min, mangjong hiq na maiq ümchuwa tiichongtaq, kra raq tsangshiq jaq maq ahai sumla phra shomnoq ka thaq mak phanli shatshat riito. Tsangshiq raq thatsang ka thaqmak dea riito. Maiqse jaq maq aklo chaq sumla, kampho sumla, koti ngam maq ahai sumla, longkaü maq ahai sumla, kiimaq pe maq ahai sumla, mak ahü, ni ahü, khumtsü mak, tsitsü ahü phra sumla shomnoq ka thaqmak phanli shatshat riito.

PHOWEBI 16:23

Philistain mung hokhambi thun ka adam na thung raüta, poi ajong klo raüta tsangshiq phra Dagon ma honglu ajong takuqto. Tsangshiq raq, “Nashiq na phra kaü raq nashiq jaqtiwe Samson ka tiitangkuqto!” nguta shitrangto.

1 SAMUEL 17:26

Kiijiishe Dawit raq, apaiq tho na chaptibi kriima waito, “Riita ara Philistainwe ara tsat raüta, Israilnok ma shummii kharii tiihotlaq kriiwa tiichhii kewantiwe ma jamlai poksi jiq mikuq ngukai? Riita atra Shiikeawe phenlabi Israilnok ka jimaq nishishi raüta shummiitiwe ara thatsangti Philistainwe arka ju wa?”

1 SAMUEL 17:36

Ngi raq hangsi thun nai chapbi thun tsatbaiq kang. Krai mren sii hali, ara thatsang borii waitiwe Philistainwekaü armin, atra Shiikeawe phenlabi shummiitiwe armin kiikhiisii mitsatbaiqha.