DUNGWVNC 5:1 - ASII LAKDAP Bible (BSI) Kra raütiishe Mosheq nai Aron ka Ejip Mung hokhamwe phana kihoto. Raüta akha nguto, “Tatiwe, Israilnok Shiikeawe raq akha ngutlo ‘Isenginok ka tiiwalaq. Tsangshiq raq Ngi shreng ma kumtsaiphii rumnyangkhi wang na poi miklolaq.’” Hawa Naga Bible 2001 Kvruex yimaq Moshe nuiyc Arun kuex Ejip hokhvmx waz kox nuex kaz vtueq, “Yehowa Israel Tishox rueq ngoc, ‘Ngvy miqsaz htenc kuex tvkaz shuiuz, tsuingshiq rueq ngaz muex tvtsanc nganc kuy tvkoc kumtsvy tvnx maq moalx mmoalx kaz kueq,’ ngoz wuex,” ngoz tueq jungx kuq tueq. |
Kiitiikaq Ahab raq Elija ka chhi raüta, apaiq raq nguto, “Ijaqtiwe loi, ümniiraq ngi hali chhirat wa nong laü nya?” “O, tengto. Ngi raq ümniika humrat kang,” nguta Elija raq treto. “Ümniiraq ümrilung ka Tatiwe makki na jamlai wa ashut kra klowan niilishe dea kiinong kuqbaiq laü kata.
Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.
Kiimaq ümniiraq ikiq ka tlea rugli tlea haüla, Ngi raq anap ranaiq ümmung arjaq kupchi mitlongha.
Kiijiishe Mosheq raq treto, “Naishiq wiitarü mikihohai. Naisetiim nosere thun kiimaq nyungwere thun kunli hutjok. Naishiq raq naisetiim maiqwe sere kiimaq jechaksere thun, kiimaq naishiq skukong, kiimaq chhechhi kong, kiimaq naishiq minsaü kong thun wiita. Jamkhano ngukla naishiq raq Tatiwe shreng poi jonghea klo chang.”
“Ümniiraq tsangshiq ma jamlai wa chongkuq tlaü ka isenginok raq mitai. Laütiishe ümniika Israilnok welabi thun kra sheaho laüta Ejip mung hokhamwe phana kai ratlo. Laüta apaiq ma akha chonglaq, ‘Tatiwe, Hibrunok Shiikeawe ka naishiq ma apumsii maq asham tiichhikito. Ümchaü min ümniiraq naishiq ka rumnyangkhi kumtsaiphii wang na Tatiwe, naishiq Shiikeawe ma honglu takekai miitu ranaiq tsam khumchang loq na saüli kaiho miitu naishiq ma aming kuqlaq.’
Ikhla, ümchaü ümniiraq jamkho thapthi tlaü kra ngi ma chongkuqlaq. Kra ngu raütiq ngi raq ümjaq ka aheawiq misham kuqlotha kiimaq ümniiraq lungwii tlaü kra jaq ka misham kuq lotha. Tsan na tiitsang shat riilaq, armung arka ümsenginok miitu ümniiraq tseatsiiq wan laü.”
Ngi raq ümniima ise ka tiiwa ratlo. Apaiq raq Ngi ka mishomnoq laq. Shatmaq ümniiraq apaiq ka ningtang laü. Ümchaü min, Ngi raq ümse chhikhuwe kriishe mitsat baiqha.’”
“Kilaq. Laüta Ejip mung hokhamwe ma apaiq raq Israilnok ka Ejip mungwa tiiwa baiq raa dongdii nguta chong kikiq.”
Tsangnai raq Ejip mung hokhamwe ma Israilnok ka kharü mong wa tiidonglaq nguta chongkuqto.
Laüta hokhamwe ma akha ngulaq, Tatiwe, Hibrunok Shiikeawe raq ngi ka ümniima asenginok ka tiiwa laq, raüta tsangshiq raq apaiq ka kumtsaiphii rumnyangkhi wang na mishomnoq kilaq nguta tiichong kito. Shatmaq ümchaü niitaq ümniiraq kra bom chong ka taimaü li ngiimtlaü.
Ngi raq ümniima aming kuqtiikang thun ka wiita Aron chonglaq, kiimaq apaiq raq hokhamwe ma Israilnok ka amungtan kiiwa tiiwalaq nguta michong.
Kiijiishe Tatiwe raq Mosheq ma thaüto, “Hokhamwe phana walaq. Laüta apaiq ma Tatiwe raq ngutlo, ‘Isenginok ka tiiwalaq. Raüta tsangshiq raq Ngi mishomnoqlaq.
Tatiwe raq Mosheq ma nguto, “Aron ma chonglaq, anyeakii maq hiq na buklaq nguta. Raüla Ejip mung tlotli wa botkhulai ka shecham miishe mijaki.”
Kiimaq Aron raq anyeakii maq hiq na riihot bukto. Kiimaq Ejip mung tlotli wa botkhulai ka shecham ma jakito. Raüta maiqse nai nyamse thun khum na bok wanto.
Tatiwe raq Mosheq ma thaüto, “Anap ranap chu maq walaq laüta hokhamwe ka jürai na kitlaq kiijaq riihumlaq. Laüta apaiq ma Tatiwe raq akha ngutlo nguta chonglaq, ‘Isenginok ka tiiwa laq. Raüta tsangshiq raq Ngi mishomnoq laq.
Naishiq ka ranaiq tsam lam loq na kumtsaiphii rumnyangkhi wang kiina kaiho chang ratlo. Laitiitiq Tatiwe naishiq Shiikeawe raq naishiq ma aming kuqtaq kra phan phan honglu ka takekai chang dongdii rakito.”
Tatiwe raq Mosheq ka thaüto, “Hokhamwe phana kilaq. Laüta apaiq ma Tatiwe, Hibrunok Shiikeawe raq, ‘Isenginok ka tiiwalaq. Raüta tsangshiq raq Ngi mishomnoq walaq.
Arjaq Jajon Pum na Tati Ajong Pinthumwe raq mangjong wa maiq mung thun tlotli ma phaqsea poi jonghea miklo. Kra phaqsea poi ka pinthum asum akam phaqsea. Kiimaq che min sumhea pinthum.
“Shatmaq, ümnaq atsaikaiti maiqse ka tsangshiq ma naqhaikiq. Kiimaq tsangshiq raq jamlai wa bomtlaq kriima naq haikiq. Tsangshiq raq ümkiq ka akhii miraq kiimaq ümniika shummii shaq shaq li miraq. Kriika phangkaü phong rai sidam ikha miraq. Shatmaq tsangshiq phoq ngeng nok kra chhi laüta naqhaikiq. Kiimaq tsangshiq raq jamlai wa ngutlaq kriima naqhaikiq.
Namshiq ka i sengi kha maq wanghuptibi nai hokhambi rung na mitiichap. Kriika namshiq raq tsangshiq ma nai tsangshiq sengibi ma kiimaq Pongnok phan ma Tsütsa Ahea kra chongke wan miitu.
Maiqse riika han-ngam khum kli mitsat lot; shatmaq wenyi ka tsatlot mak she. Tsangshiq miika naqhai rongkiq. Shatmaq han-ngam nai asak tsitsü kra wamungtan na tiikai lotti we Shiikeawe miili haisong tsantsii ka rüm lanta siwan lili ronglaq.
Riita, ümchaü min, Tati Shiikeawe lei, tsangshiq raq naishiq ka atsea ata ma tankhan raüta, tiiphiip jiip tlaq ara ümniiraq liikuq laq. Ümniiraq naishiq, ümdisetiim arma, ümbomtsi ka khangriri hea maq, kiimaq haisong mai maq chongke miitu, naishiq ma ningkun kuqlaq.
Ara ningkhan, nashiq raq Tiichhii Wan Poi klo rong i. Riita ara Poi klo arka, nashiq ngarai achü pi maq sho raüta atiija winsii phu nai ashut winsii phu kra phaq laita ka riimak. Shatmaq pi maq shohü winsii, siirairai nai tengman tlaq winsii phu kra phaq laita poi ka klo rong i.