DUNGWVNC 10:9 - ASII LAKDAP Bible (BSI)9 Kiijiishe Mosheq raq treto, “Naishiq wiitarü mikihohai. Naisetiim nosere thun kiimaq nyungwere thun kunli hutjok. Naishiq raq naisetiim maiqwe sere kiimaq jechaksere thun, kiimaq naishiq skukong, kiimaq chhechhi kong, kiimaq naishiq minsaü kong thun wiita. Jamkhano ngukla naishiq raq Tatiwe shreng poi jonghea klo chang.” Ver CapítuloHawa Naga Bible 20019 Moshe rueq, “Nyuiuz waz, nosaz nuiyshiq lotlaz kaz tix. Nuiyshiq suiuz vsaz htenc, khelbuenx nuiyc khelx htenc manx htenc lotlaz shvlc lvy juing, yvmx khoc lac ngoz ruiux lec Yehowa muex tvtsanc nganc moalx moalx kay ningkhvnc nuex rvtueq,” ngoz tueq jungx tueq. Ver Capítulo |
Riimak. Naishiq raq naishiq nyamse kong kriimin naishiq rai nong nong lamho chang. Jai niika kaüshise dongdii min baiqthü mai. Naishiq raq maiqmii jaq maq nyamse thun kriiwa tsea laita, Tatiwe naishiq Shiikeawe ka shomnoq chang. Kiimaq naishiq ka kiijaq saüho hü miika, nyamse phong kiiwa jamlai phan honglu take chang wa kriika naishiq raq chonglot mai.”
“Ümniiraq tsangshiq ma jamlai wa chongkuq tlaü ka isenginok raq mitai. Laütiishe ümniika Israilnok welabi thun kra sheaho laüta Ejip mung hokhamwe phana kai ratlo. Laüta apaiq ma akha chonglaq, ‘Tatiwe, Hibrunok Shiikeawe ka naishiq ma apumsii maq asham tiichhikito. Ümchaü min ümniiraq naishiq ka rumnyangkhi kumtsaiphii wang na Tatiwe, naishiq Shiikeawe ma honglu takekai miitu ranaiq tsam khumchang loq na saüli kaiho miitu naishiq ma aming kuqlaq.’
Kiijiishe Mosheq nai Aron raq treto, “Hibrunok Shiikeawe apaiq ka naishiq phana kito. Raüta naishiq ma asham tiichhi kito. Naishiq ka ranaiqtsam lam na saüli kumtsaiphii rumnyangkhi wang na tiiwalaq, naishiq raq Tatiwe, naishiq Shiikeawe ma honglu thun takuq kiphai. Naishiq raq kra klo mai riihai jiila, apaiq raq naishiq ka tha tiidong raüta riimakla re na mitiitsai.”
Kiimaq namshiq raq apaiq ka shomnoq man ngochang jiila, ümchaü ranaiq namshiq raq thapthi ronglaq, ju wa mishomnoq han. Namtitiim raq Mesapotamia mung maq shomnoqtaq phra thun kriisha mishomnoq han, shea namshiq sitlan hiqshong wa Amoraiqnok phra thun kriiwa mishomnoq han. Shatmaq ijamtitiim nai ngi raq kla, Tatiwe kriili mishomnoq hai.”