DUNGWVNC 10:9 - Hawa Naga Bible 2001

⁹ Moshe rueq, “Nyuiuz waz, nosaz nuiyshiq lotlaz kaz tix. Nuiyshiq suiuz vsaz htenc, khelbuenx nuiyc khelx htenc manx htenc lotlaz shvlc lvy juing, yvmx khoc lac ngoz ruiux lec Yehowa muex tvtsanc nganc moalx moalx kay ningkhvnc nuex rvtueq,” ngoz tueq jungx tueq.

ASII LAKDAP Bible (BSI)

⁹ Kiijiishe Mosheq raq treto, “Naishiq wiitarü mikihohai. Naisetiim nosere thun kiimaq nyungwere thun kunli hutjok. Naishiq raq naisetiim maiqwe sere kiimaq jechaksere thun, kiimaq naishiq skukong, kiimaq chhechhi kong, kiimaq naishiq minsaü kong thun wiita. Jamkhano ngukla naishiq raq Tatiwe shreng poi jonghea klo chang.”

DUNGWVNC 10:9 Referencias Cruzadas

RAPHA HIQWA LAK 50:8

Piq yuimx wuinz, vphuz vnox hez nuiyc taungnyuing sanox htenc muinz piq rulc waung naungx tueq. Tsuingshiq suiuz vsaz nosaz rulx nuiyc khelbuenx nuiyc khelx vmanx kung htenc dvyx shex Goshen nuex taq shec tueq.

DUNGWVNC 10:10

Hokhvmx waz rueq, “Yalxjuik nosaz rulx htenc kuex tvkaz mauk lvmz Yehowa muex ngaz kvtuemc vtaungx! Nuimshiq rueq khawc lvlc tvkoc dvnc vshuinx kuex kvkhic yaq.

DUNGWVNC 10:26

Kvkhoc rvtueq nuiyshiq nyvmx saz htenc kuex vshiz muinz tvjungx miq goalc lvy juing; nuiyshiq rueq nyvmx saz kuex httauk vtueq Yehowa nuiyshiq Tishox muex shomc nawk kuy juing. Yuq muinz kvruex baung kvyuq httuiuc vtueq jix mruex kuiux maq shomc kuy juing lac kuex tuiuz lot shix,” ngoz tueq jungx tueq.

DUNGWVNC 12:32

Nuimshiq khelbuenx, khelkhix nuiyc manx kung htenc tulx laq shuinz. Ngaz muex muinz ruimrix thoz kuq kuit,” ngoz tueq jungx tueq.

DUNGWVNC 12:37

Israel miqsaz kuex Ramese ghaq maq Sukkot ghaq nuex httuiuc laz yasawx maq kaz wvnc tueq. Yalxjuik nosaz wvlc guez maq tsuinghez miqwaz rulx dvyx senc tvruk tanc rvtueq.

DUNGWVNC 12:38

Vganc phvnx miqsaz muinz paunghvlc, khelbuenx, khelkhix, manx htenc muinz paunghvlc tsuingshiq rulc vdvmz shvlx laq tueq.

DUNGWVNC 13:6

Nuimshiq rueq raungx mvshix tup wisiz lomx muq wanx kuex phauk vtueq, raungx mvshix vngoz raungnuiyq kuex Yehowa muex tvtsanc nganc moalx moalx wuez rax.

DUNGWVNC 3:18

“Mnoz rueq jungx shuiux kvjaz kuex ngvy miqsaz rueq tay shuex. Kvruex yimaq mnoz kuex Israel walaungx bix rulc vdvmz Ejip hokhvmx waz kox nuex kaz vtueq, ‘Hebre miqsaz Yehowa Tishox kuex kvkhic phuex shex. Majuiuc nuiyshiq Yehowa Tishox muex shomc nawk kuy tvkoc nuiyq thuimx lvmx kumtsvy tvnx nuex kaz phix,’ ngoz tueq thoz shuinz.

DUNGWVNC 5:1

Kvruex yimaq Moshe nuiyc Arun kuex Ejip hokhvmx waz kox nuex kaz vtueq, “Yehowa Israel Tishox rueq ngoc, ‘Ngvy miqsaz htenc kuex tvkaz shuiuz, tsuingshiq rueq ngaz muex tvtsanc nganc kuy tvkoc kumtsvy tvnx maq moalx mmoalx kaz kueq,’ ngoz wuex,” ngoz tueq jungx kuq tueq.

DUNGWVNC 5:3

Moshe nuiyc Arun rueq, “Hebre miqsaz Tishox kuex nuiyshiq muex kvkhic phuex. Nuiyshiq Yehowa Tishox muex shomc kuy kay tvkoc nuiyq thuimx lvmx kumtsvy tvnx kvyuq tvkaz koq. Nuiyshiq rueq kvkhoc ruez miq ngoz ruiux, vpiq rueq nuiyshiq kuex vmac vtsac, rvmuq ngoz ruiux jaq vralx maq tvthvt gay phuex,” ngoz tueq jungx tueq.

TAKSU LAK 3:9

M-ghaq wawc dung yaq tsak vnyvmx lotlaz wawc vhvlx pinhtumc htenc maq shomc kuq vtueq Yehowa muex tvtsanc nganc shuiuz.

THARC TVLUINGC 12:1

Kvkhoc rvtueq yalxrox pat jauz nuex mnoz rueq, “Ngaz vshuenc vruenc httax lot mauk shex,” ngoz tueq vkuilc vdaz vraungx nuiyq vraungx wawc max httuiuc shauk nuex mnoz Tvdungc Sungc jix Waz kuex rvwvl shuiuz.

WEAWEA 29:12

Nuimshiq rueq lex mvshix yapix raungx rokshiz rac raungx bv-ngac raungnuiyq vdvmz nuex rvtuimx vtueq nawk palx rax. Yehowa tvtsanc nganc moalx vruex kuex raungx mvshix tup moalx rax, kvruex kaq yauk shuimc mvy muq.

Ephesians 6:4

Vnyuiuz vwaz rulx lex, nuimshiq sahez thuinkhvy juing kuex nauk ruez kaz. Kvkhoc ruec tvraung, tsuingshiq kuex Taungjix thuinroc rulc rv-ngvlc tvhonc tvtharc wuez shuinz.

JOSHUA 24:15

Nuimshiq rueq vpiq muex nawk palx tvkoc raungc raq muit ngoz ruiux yuq, Mesopotamia maq nuimshiq jix vwaz tamx rueq nawk palx wvnc tueq tishox htenc, rvmuq ngoz ruiux majuiuc nuimshiq httax vtuinx Amori phvnx rueq nawk palx yaq tishox htenc wawc, mruex jix lac nawk palx shuinx kuex majuiuc raungnuiyq dvyx thvl wvnc shuinz. Ngaz nuiyc ngvy yuimx wuinz htenc rueq kuex Yehowa muex dvyx nawk palx shix,” ngoz tueq jungx tueq.