Matthew 10:28 - ASII LAKDAP Bible (BSI)

²⁸ Maiqse riika han-ngam khum kli mitsat lot; shatmaq wenyi ka tsatlot mak she. Tsangshiq miika naqhai rongkiq. Shatmaq han-ngam nai asak tsitsü kra wamungtan na tiikai lotti we Shiikeawe miili haisong tsantsii ka rüm lanta siwan lili ronglaq.

Hawa Naga Bible 2001

²⁸ Gvnngvmx thvt gay lot ruiux siyac kuex thvt gay lot muq jix kvmac nauk hiz kaz; siyac rulc nongx gvnngvmx kuex ngarvyx mungx nuex tvdvy gay lot jix waz Tishox muex dvyx kvhiz wuez kuinz.

Muklom

²⁸ Nim hanphung sha tathom eq chak ajo tho nim tsija sha jin tathom moq tey tangma nim nak cho inn; etharin Shkewa ma cho inn. Piq aa nim hanphung nia tsija thani sha wal mungtan o jin tathom eq na.

Matthew 10:28 Referencias Cruzadas

2 HOKHVMX 17:39

Namshiq ka iwokhong niili misihan. Ngi ka namshiq Tatiwe, nam Shiikeawe, kiimaq Ngi raq namshiq ka namjaqtinok jaq wa mitiichhii kuq wanha.”

YOBA 37:24

Arningkhan, awang rai chang ka ahü, maiqse angu wiita ka apaiq man na khakii akei alei chaptlo, kiimaq apaiq raq taksu maiqsetiim nguta tiitsakiti ka brorii mak.

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

THARC TVLUINGC 5:7

Ümniiraq ümtinkhan sham-akai li hang haü jiimin, ümtin jaqsham kaiwali hunnii rai haü min, ümtin khanli tsütsit haü min, ümniika Shiikeawe man na, tiihaisongshat maq chap changli dongdii miraq.

ISAIA 51:12

Tatiwe raq ngutlo, “Ngi ka ümniima ningkun shoqketiwe. Ümniika han-ngam hiqda maiqse jaram haiwa, apaiq ka sangphii ikha aloseli misi riimaksha?

ISAIA 51:7

“Ibom tai ronglaq, namshiq riikhaqli jaqsham saptlanti raq, jurwa ngi raq ashrinkuqha tri ka tsan na shaqtlanti raq. Naqhai rongkiq maiq raq namshiq slailiitlaq raüta shummiitlaq na;

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

JEREMIA 5:22

Ngi ka Tatiwe; Namshiq ngi ma hai man ka jaro? Namshiq raq ngi ma namhai tiisiman jaro ngikilan? Ngi raq khamjong chumkii na kumtsai ka phong lata khamjong chum hiq rai thükang. Kriika pattup pat-sa miitu. Kham raq liim wan lot mak she. Khamjong chum ka rathaiq wan raüla miblunrai sham. Shatmaq ara takii rai ka lüm wan lot mak she. Khamjong chum ka miblun siq wan sham. Shatmaq takii raikang kra lüm wan lot mak.

Matthew 10:26

“Ara chongtiikang arkha maq, namshiq ka maiqse ma naqhaikiq. Ümchaü jamlai wa apang raüta thüshan wantlaq, kriika alin she mirbaiq. Kiimaq ümchaü ümchu wa apaü ashan raüta thü wantlaq, kra thun ka wiita ra na tiiphong raü rashra she mitiichhi kuq.

Matthew 25:46

Riita ümchaü sanha arthun arka pattup pat-sa thum mak miq mak chamchao wamungtan kiiniishe mitiidea baiq wan. Shatmaq, kechu maiqse thun arka pattup pat-sa rilung lap wan raütiishe misi wan.”

Matthew 5:22

Shatmaq, ümchaü ngi raq namshiq ma chongpha: Jurwa phunaino ma khiq riq tlaq, kriiti ka rung na mitiichap. Kiimaq jurwa phunaino ma, ‘Ümnaq ara thiihü pinthum!’ nguta sontlaq, kriiti ka Rung na mitiichap. Kiimaq jurwa phunaino ma, ‘Ümnaq ara ralang bangbang li’ nguta sontlaq, kriiti ka wamungtan na dea wan nam nam she ikha miraq.

John 5:29

Kra tai raüta, tsangshiq ka maiqmii maakho mong wa midong wan. Juwa arilung na tingting maq siwantaq, kriiti ka amaa wa dong wan raüta, atra she misi wan. Shatmaq, juwa arilung na ajiq jaqsham raüta siwantaq, kriiti ka amaa wa dong wan jai, atiishut she mirbaiq wan.

Acts 21:13

Shatmaq, Paul raq tsangshiq ma, “Namtsam ka akha jamkho ngi rai tlan? Aho anyi trang lanta, i tsan ara tiibun baiq sha dan tlan? Ngi ka Jerusalem na shumraü kharü maq tiikha lamlamse li ka riimak! Tati Jesuq miitu, Jerusalem na atsai ma kham tiikang,” nguta tsangshiq bom ka treto.

Hebrews 10:31

Riita, arthun ara ningkhan, atra Shiikeawe jaqkhon mong na dea wa ngutlaq kriika, pinthum haisi chang!

Hebrews 11:35

Kiimahali, kamtsantsii lümaq, jechakre raq, tsangshiq ma tanyang senobi ka, atsea arbaiq wa, amaa wa, atra tiijang wanto. Raüta, tsangshiq raq khoqriiq shishiiq maq tao wanto. Wiijamti riika, atra sinam ma, maiqjaq khon mong na chamchao raüta, tsai riiwe ka ahea nguta tsaito. Kra tsai wantaq kriika, tsangshiq raq amaa wa dong wan jai, rilung ahea lap wan miitu tsaito.

James 4:12

Shiikeawe kli Thungtri keti we kiimaq phowe. Apaiq kli maiqse rilung tiichhiiketi we kiimaq maiqse miisaq tiithum baiqti we. Arkha maq, ümniiraq ümphuno we ka ajiq alam nguta chechiip lot maü.

1 Peter 3:14

Shatmaq namshiq raq athuk atsom jaqsham tlan kra taü miimin, maiq raq namshiq tiichamchao raüla, kriika namshiq ma kopan jonghea riito ngutli tiima rong laq.

Revelation 2:10

Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.