Matthew 10:27 - ASII LAKDAP Bible (BSI)

²⁷ Ngi raq ümchaü namshiq ma jamlai bom wa kaiq shakshak maq chongkuq tiikang, arka namshiq raq ranaiq shethungpii na chap lanta, maiqse ma chongkuq ronglaq. Ngi raq ümchaü namshiq ma jamlai bom wa, tapmong nyang maq chongkuq tiikang arka, namshiq raq rinkinku maq chap lantiishe chiiriim lanta chongke chang miraq.

Hawa Naga Bible 2001

²⁷ Ngaz rueq nuimhez muex raungnyauk mungx maq jungx kuq vphaungx kuex raungwuic nuex jungx kuq shuinz, nuimhez rueq kuiyqshuik baung maq tay tuit htenc kuex yuimx wux khux htauk maq ramc jungx shuinz.

Muklom

²⁷ Nga nim ma anak o batphang shi, nim aa alit o ka eq bat inn. Nga nim ma naq o batphang shi, nim aa himkho náng lang wang eq ring eq bat inn.

Matthew 10:27 Referencias Cruzadas

ISAIA 22:1

Arka Riisham bomchong chang hiqthung Tan tsütsa. Jamlai wa trang kongchatla? Kra chelati mungmaiqse ka tsangshiq kiitelong jam wukhu thung na thungtii raüta jamlai poi wa klorattla?

Matthew 24:17

Kiimaq maiq juwa ajam wukhu na angawa bala cha jiiq, kriiti ka jam mong wa hupsam lam wan latiitiq mijuha nguta jam mong na nyap wa nong ka ra mak.

Luke 12:3

Krai mren, namshiq raq jamlai wa ahukse maq riichong tlan, kriika ranaiq shethungpii niishe mirchong. Kiimaq namshiq raq tapmong nyang maq, riishap riishaü lanta jamlai bom wa riichong wan lan kriika, rinkinku maq chap raütiishe mirüm wan.”

Luke 8:10

Kiimaq apaiq raq treto, “Shiikeawe Mungtan na apaü raüta athü kra sap miitu tak wan tsii ka namshiq miili kuqto. Maiq nanok ahinti miika, manphan miili chongkuqtlo. Kriika tsangshiq raq ümtinkhan li lii raü min, chhi mak miraq. Kiimaq tsangshiq raq ümtinkhan li tai raü min, tak mak miraq.”

John 16:1

“Ngi raq namshiq ma ara tsii chongkuq tiipha arka, namshiq kamtsantsii thaq baiq man chang miitu chongkuq tiikang.

John 16:13

Shatmaq, ümtiikiishe wa, Asii Wenyi ka saüki jiiq, kra akhing niishetiq apaiq raq, namshiq ma Shiikeawe tingting rilung bomtsi thun kra mitiichhi kuq wan. Apaiq riishetiq namshiq ma teng man tlaq bomtsi thun liichum kra arang chong maq thu raütiishe mitru chongkuq wan. Apaiq riika, apaiq tsiitsii maq chong kuq mak. Apaiq raq jamlai wa ani maq tai tlaq, kriili namshiq ma michong kuq. Kiimaq, rawiichii akhing na jamlai phan saüho chang wa sitlaq, kriithun bomchong kra namshiq ma michongkuq.

John 16:25

“Ngi raq namshiq ma, shiiton bom maq arthun ara chongkuq kang she. Shatmaq, akhing she misaü wan, ngi raq bom chongke ka shiiton bom miika chong mang she. Shatmaq, ngi raq namshiq ma, Awe manphan ka liitatat hea she michong kuq kang.

John 16:29

Kiijiishe, ajaqshisetiim raq apaiq bom ka treto, “Riita, ümchaü ümniiraq liitatat miishe bom ka chongkuq tlaü. Shiiton bom miika riimak she.

Acts 17:17

Kriikha maq, apaiq raq sinagok maq Jehudinok rai kiimaq Shiikeawe shomnoqti Pongnok phan maiqse rai riiphan chanto. Kiimaq ranaiqtek kejat thung maq, kiijaq maiq juwa akhum ashiimti achachati kiima trahokuqto.

Acts 5:20

“Shomjam kiina kironglaq. Lanta, kiijaq mungmaiqse ma ara rilung anye lamphan bomchong ara chongkuq kirongkiq,” nguta thaüto.

Acts 5:28

“Naishiq raq, Jesuq aming holanta, mungmaiqse ma trahoke maimak nguta, tri atsin maq, namshiq ma aming kuq kai. Shatmaq, liirong laq, namshiq raq jamlai wa riilan ara! Namshiq traho bomchong maq, Jerusalem chela ka wiita she tiinyam baiq lan. Kiimaq, namshiq raq apaiq tsaitaq mat kha ka, naishiq khuthaq na tiikü kuq tlan!” ngutiishe tsangshiq ma kha ka nyanto.

2 Corinthians 3:12

Riita, ara chongtiikai pattup pat-sa Tsütsa Ahea achhai anyii jaqsham, naishiq raq sham tiikai arka, ümtiikiimin poiki mak phan. Kiimaq mutki mak phan. Arka chhainyii wan ruq li she misi wan.