Acts 4:29 - ASII LAKDAP Bible (BSI)

²⁹ Riita, ümchaü min, Tati Shiikeawe lei, tsangshiq raq naishiq ka atsea ata ma tankhan raüta, tiiphiip jiip tlaq ara ümniiraq liikuq laq. Ümniiraq naishiq, ümdisetiim arma, ümbomtsi ka khangriri hea maq, kiimaq haisong mai maq chongke miitu, naishiq ma ningkun kuqlaq.

Hawa Naga Bible 2001

²⁹ Taungjix lex, majuiuc tsuingshiq rueq tvhiz sungx yaq vruex lawc shuiuz, mnvrc waz hez rueq mbomjungc kuex khvmc thuinz vhttax maq tvluingc kuy tvkoc romc kuq koq.

Muklom

²⁹ Etho Teyhungwa, thanga ning aa tacho pan aa ri siin u; etho ba sanga tang aa rapney han eq ba phanchan bat ma kot u.

Acts 4:29 Referencias Cruzadas

ISAIA 58:1

Tatiwe raq ngutlo, “Tiihong laüta agilülü riimlaq! Isengi Israilnok ma tsangshiq ngarai thun kra chongkuqlaq!

ISAIA 63:15

Tatiwe, naishiq ka ramungtan maq liilaq. Kiijaq ümniika asii arai kiimaq achhai anyii waheala sitlaü. Riita ümniiraq naishiq miitu ümtsan tsihea maq tiimatlaü irha ümbano? Ümningkun jong ira ümbano? Ümnaq mangchan tsantsii nai tsantsi mongtsi maq lungwii tsii riimtlaü ira ümbano? Naishiq ka naq shipoqkiq.

AJONJÜ 3:50

Arka Tatiwe raq sanseng ramungtan maq, nashiq liikuq mak wiiwii saruq miraq.

AJONJÜ 5:1

O Tatiwe lei, naishiq jamkho thenjen wan kai, kra ümtsan na tiitsang laq. Naishiq khushü jam tlaq ara liilaq.

EJEKIEL 2:6

“Shatmaq, ümnaq atsaikaiti maiqse ka tsangshiq ma naqhaikiq. Kiimaq tsangshiq raq jamlai wa bomtlaq kriima naq haikiq. Tsangshiq raq ümkiq ka akhii miraq kiimaq ümniika shummii shaq shaq li miraq. Kriika phangkaü phong rai sidam ikha miraq. Shatmaq tsangshiq phoq ngeng nok kra chhi laüta naqhaikiq. Kiimaq tsangshiq raq jamlai wa ngutlaq kriima naqhaikiq.

DANIEL 9:18

Naishiq achujaü tre laq, O, Shiikeawe lei; naishiq phana liilaq, ümtinkhan wa chamchao tiikai ara. Kiimaq ümmangchong raüta siti Jerusalem chamchao tlaq kra liilaq. Naishiq raq ümjaq wa achu jaü tiikai arka, ümniika tiihang mangchan rümti kha maq jaütiikai. Naishiq raq riikhaqli jaqsham tiikai nguta riimak.

Mikha 3:8

Shatmaq ngi kla Tatiwe ningkun raq asho awo kiimaq, apaiq wenyi raq alüm alei sitiikang. Kiimaq Israilnok raq jamlai ngarai wa klotlaq kra, tiichhit tra chongke miitu, achaq awaq ningkun tri kuqtlo.

Acts 13:46

Shatmaq, Paul nai Barnabas riika, kra thaq na achat raütiishe, chaqchaq miishe hali akha ngutiishe tra hokuqto: “Shiikeawe bomtsi ka namshiq ma kongkhu chongke chang akhek. Kriikha maq namshiq ma kongkhu chongkuq tiikai. Shatmaq, ümchaü namshiq raq, Shiikeawe bomtsi ka shipoq baiq tlan. Krai mren, namshiq ka pattup pat-sa tsitsü rilung lap wan chang wa, sinchiitsap jamkho tsuq baiq tlaq ikhli she, maiqmii nai maiqmii li she tiitsuq baiq wan tlan. Riita, ija ahea na. Ikhiijiika, ümchaü sanha, namshiq ka baiqthü laitiishe, naishiq raq Shiikeawe bomtsi ka Pongnok phan maiqse miishe michong kuq hai.

Acts 14:3

Kiimwe nai ka kiijaq rahiq luhea sito. Raüta, Tatiwe tsütsa ka achaq awaq maq nokmaiqse ma chongkuqto. Krai mren, tsangnai raq Tatiwe kaphap mangchan bomchong tlaq kriika, tengteng dea chongtlo nguta atai wantibi ma tiichhike wan miitu, Tatiwe raq tsangnai ma awang chang nai amao chang jaqsham miitu ningkun jonghea kuqto.

Acts 19:8

Paul ka jipi lü tsam tingkhit sinagok na walili raüta, nokwe ma Shiikeawe bomtsi ka tsangshiq ma achaq awaq maq chong kuqto. Kiimaq tiitho tiipha phanchan chongkuq raüta, tsangshiq tsantsii ka Shiikeawe puk na nyap wan lamphan na tiinin ja wan hajaq nguta pinthum shiikut chaqto.

Acts 26:26

Ajong Hokham we Agripa lei! Ngi raq ümman na bom chong ka kholam kholiiq lata, i tsan mong na jamlai phan kankop wan min ahü maq, bom tiikang. Ara jamkhano akha bom wan tiikang ngukla, ara chongtiikang mra pin wantaq thun arka, ümniiriimin kunli asap haü siisaq. Ara chong tiikang thun mra pin taq kriika shokshaüno wa bom ka riimak.

Acts 28:31

Raüta apaiq raq tarü ma, Shiikeawe Mungtan bom ka trahokuqto kiimaq Tati Jesuq Khristo tsütsa kra achaq awaq maq nai jamlai tiibanbi min ahü maq shrinkuqto.

Acts 4:13

Ngongwebi thun welabi raq, Petar nai Johan ka thungtri saptsin wanti, tsüwe tsitwe min riimak, shatmaq ahai asong jam min ahü maq, tsangshiq man na, bom chongke kra chhi raüta, amaorai li she riito. Kra taksma bomtre kra chhi raütiishe, tsangshiq raq tsangnai ka Jesuq rai kongshi maq siwan damti kha maq, kiitin khan asung saptsin wantlo nguta bom ka tak wanto.

Acts 4:21

Kra, tai nong raütiishe hali, Rung welabi raq, tsangnai ka tiiphiip miijiip raüta, kiq atsin maq hali, Jesuq mang na nanok ma trahoke maimak dongdii nguta, shiikeng miileng raütiishe, tsangnai kharü ka diibaiq raüta tiiwa baiqto. Jamkhano ngukla, tsangshiq raq tsangnai tiishut chang lam ka hum mak. Kiimaq, mungmaiqse tarü raq, “Shiikeawe raq awang chang shamto. Apaiq ka awangchang Shiikeawe,” nguta Shiikeawe tiitsam kamti siisaq.

Acts 4:31

Krai mren, tsangshiq raq ara achu jaü lot ri, tsangshiq riitam ngachang ba ka hiqjong mu raq bai tlaq ikha, atiikhai riiban li she tiimeto. Kiimaq tsangshiq tarü ka, Asii Wenyi raq ama chhaq rom wanto. Krai mren, tsangshiq raq Shiikeawe bomtsi ka khangriri hea, haihii songhü miishe chongkuq wanto.

Acts 9:27

Kiijiishe, Barnabas raq Saul ka khrumto. Apaiq raq apaiq ka kiimwebi phaniishe shea wanto. Raüta, Saul raq lam maq Tatiwe rai jamkho riihumtaq, kiimaq Tatiwe raq apaiq ma bom ka jamkho chongkuqtaq, kra thun tsütsa kriishe tsangshiq ma tru chongkuqto. Kiimahali, Saul raq Damaskas chela na, nokmaiqse ma, Jesuq mang na achaq awaq maq tra hokuqtaq kra tsütsa kiimin tsangshiq ma tiitai chongkuqto.

Acts 9:28

Kra chongkuqtaq krai mren, kiimwebi raq apaiq ka tao wanto. Kiimaq Saul ka tsangshiq rai adam miishe pong damto. Raüta, achaq awaq maq Jerusalem hamli na konchi koncha khum raüta, Tatiwe mang na tra hokuqto.

1 Corinthians 14:13

Riita arkha maq, jurwa maiq raq taimak phan bom maq bom tlaq, kriiti riika, apaiq raq jamlai wa bom tlaq kra kleke miitu ningkun kongphiq mikuq laq nguta achu jaü raüta misi laq.

2 Corinthians 3:12

Riita, ara chongtiikai pattup pat-sa Tsütsa Ahea achhai anyii jaqsham, naishiq raq sham tiikai arka, ümtiikiimin poiki mak phan. Kiimaq mutki mak phan. Arka chhainyii wan ruq li she misi wan.

Philippians 1:14

Ngi phaqtek na shaq kha maq, Phungmaiqse phunainotiim apako raq, Tati ma kamtsantsii thü wan tlaq kra, kamtsantsii rang ka apha riiwan tlo. Kiimaq tsangshiq ka hai mak maq, Tsütsa Ahea kra chongke shiichaq wan tlo.

1 Thessalonians 2:2

Naishiq ka namshiq phana, Thesalonia chela na misaü wan hai shaq niiphü, Philipia chela maq, Tsütsa Ahea chongke wan kha na, maiqse raq pinthum ngeng raüta, tiitsü ngii wanto, kiimaq shummiito, kra tsütsa ka namshiq raq atai wishe dongdii riilan. Kiimaq naishiq ka namshiq phana saü wan kai akhing niimin, Tsütsa Ahea chongke lam kra tangtati, maiq ka pahea asi riito. Li jiimin, Shiikeawe raq naishiq ma ningkun kewan kha maq, Tsütsa Ahea Shiikeawe apaiq nübok wa adong bomtsi kra, namshiq ma chongkuqkai.

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.