Arjaq shonglaq. Kiimaq Ngi ka ümniirai misi kang. Kiimaq ümniika mishman kuq kang. Ngi raq armung thun tlotli ka ümniima mikuqha kiimaq ümsaü ümsetiim ma mikuq kang. Ngi raq ümwe Abraham ma kiqkham raüpot khakuq kang kra mitiikuha.
DUNGWVNC 13:5 - ASII LAKDAP Bible (BSI) Tatiwe raq namtitiim ma sinkham khoq ramkii maq kha raüta, Kanannok hiq, Hitaiqnok hiq, Amoraiqnok hiq, Hiwaiqnok hiq, kiimaq Jebusaiqnok hiq kra namshiq ma mikuqha nguta kiqkham kuqto. Ümtiikiiwa apaiq raq namshiq ka kra hiqpo hiqwin mung kiina shea wan raüla, namshiq raq ara poi arka rawiitek rawii phawan jipi lü na klo lanta lang wan ratlo. Hawa Naga Bible 2001 Yehowa rueq nuimshiq jix vwaz tamx muex kvtuemc khvmc kuq tueq Kanaan, Hitti, Amori, Hiwi nuiyc Jebusi miqsaz htenc httax yaq mungx kuex nuimshiq muex kuq phaungx ngoz tueq. Vpiq rueq tvkaz vtueq puix nuiyc nyaq ngurx dung yaq mungx nuex nuimshiq httuiuc kaz ruiux yuq, wawc tek vphaungc yapix nuex vkhoc moalx kuex moalx wuez shuinz. |
Arjaq shonglaq. Kiimaq Ngi ka ümniirai misi kang. Kiimaq ümniika mishman kuq kang. Ngi raq armung thun tlotli ka ümniima mikuqha kiimaq ümsaü ümsetiim ma mikuq kang. Ngi raq ümwe Abraham ma kiqkham raüpot khakuq kang kra mitiikuha.
Apaiq raq aphutiim ma nguto, “Ngi ka atsai wan cho she. Shatmaq Shiikeawe raq namshiq ka tengteng mishililii kuq wan. Raüta namshiq ka armung arwa shunshea wan raüta, Abraham ma, Isak ma, kiimaq Jakob ma sinkham raüta mikuqha nguta chongtaq mung kiina mishea wan.”
“Tatiwe raq namshiq ma nai namtitiim ma Kanan mung ka mikuqha nguta sinkham kuqtaq kra mung na namshiq ka mitsuq wan. Ümtiikiiwa kra mung ka namshiq ma kuqtlaq,
Ngi raq tsangshiq ka Ejip mung na ümtinkhan wa haihii raüta tiichamchaotlaq kiiwa ahin niishe mitsuq wanha nguta thimi wankang she. Lata tsangshiq ka hiqpo hiqwin mung niishe Kanannok sichang, Hitaiqnok sichang, Amoraiqnok sichang, Perijaiqnok sichang, Hiwaiqnok sichang, kiimaq Jebusaiqnok sichang mung niishe mitsuq wanha.
Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.
Ümjaq shisetiim Abraham, Isak, kiimaq Jakob ka tsan na tiitsanglaq. Kiimaq ümniiraq tsangshiq ma tsangsaü tsangsetiim ka ra na raiqsaiq diimtlaq kiikha mitiipaha nguta ramram kongphiq kiqkham kuqlaü kra tiimalaq. Kiimaq tsangshiq saüsetiim ma mung ashi ka wiita pattup pat-sa miitu tsangshiq tachong hupsam ma mikuqha nguta kiqkham kuq laü kra tsan na tiitsanglaq.”
Tatiwe raq Mosheq ma nguto, “Arba arwa laüwan ronglaq, ümnaq nai mungmaiqse ümniiraq Ejip mungwa tsuq wan laü thun kra. Laüta Ngi raq Abraham ma, Isak ma kiimaq Jakob ma nai tsangshiq saü asetiim ma mikuqha nguta kiqkham kuqkang mung kiiniishe laüwan ronglaq.
Ümchaü ranaiq Ngi raq namshiq ma thungtri raütu thun kuq tiikang kra lang ronglaq. Ngi raq Amoraiqnok, Kanannok, Hitaiqnok, Perijaiqnok, Hiwaiqnok, kiimaq Jebusaiqnok thun kra namshiq jamkho sinkhu na wawantlan, kra phan phan wiita mijobaiqha.
Kiimaq Ngi raq tsangshiq rai itong min shong kang. Kra tongshong raükha kiqkham ka Ngi raq tsangshiq ma Kanan mung, tsangshiq wanshawe ma ja raüta shong wantaq kra tsangshiq ma mikuqha nguta kiqkham kuq kang.
Ngi raq namshiq ka Ngi raq sinkham ramkham tiibok lata, Abraham ma, Isak ma, kiimaq Jakob ma armung ara mikuq kang nguta kiqkham kuq kang, kra mung kiiniishe namshiq ka mishea wan kang. Kiimaq Ngi raq kra mung ka namshiq ma tachong hupsam miitu she mikuq kang. Ngi ka Tatiwe.’”
Kiikha singa wan raüla, Ngi raq ikiqkham bomtsi tsangtitiim ma akuqha kra mithüha, ümchaü tsangshiq shongtlaq hiqpo hiq win mung ara mikuqha nguta bomkham kuqkang.” Ngi raq ngukang, “Tengto, Tatiwe lei.”
Laüta ümniiraq tsangshiq ma ara hiqpo hiq win mung ara kuq wan laü. Arka ümniiraq tsangtitiim ma mikuq kang nguta kiqkham kuq laü kra phanphan kuq laü.
Kra akhing na, Ngi raq tsangshiq ma tsangshiq ka Ejip mung wa ashea mirwanha. Lata Ngi raq tingsang atsea arwanha hiqpo hiqwin mungtan ashi, mangjong tlot li na ahea pinthum mung kiijaq mishea wanha nguta ikiq khamkuq kang.
Shatmaq Ngi raq ara hiqpo hiqwin mung arka namshiq ma tachong hupsam miitu mikuqha nguta kiqkham kuq wan kang she. Krai mren Ngi raq namshiq ma mikuqha. Ngi ka Tatiwe namshiq Shiikeawe. Kiimaq Ngi raq namshiq ka maiq mung ahinti thun phong wa pong na arai latiishe tseatsiiq wan kang.
Ngi raq tsangshiq ka phansang mang dea. Riimakla ngi raq tsangshiq ka chii mang dea! Riita ümniiraq ngi ka noboqti nyung ma jalata tsangshiq ka ijaq na do lata noshiisetiim kong ikha, ümniiraq mung ashi mikuqha nguta tsangtitiim ma kiqkham kuqlaü kra mung na saüli boq wan laq nguta jaram wa thaü tlaü?
Raüta tsangshiq raq Mosheq ma akha nguto, “Naishiq raq mung ka liiwakai. Laita mung ka chiithe jong hiq kiimaq hiqpo hiq win mung chhiwakai. Arjaq lamhokai petsi wiq tsam tu thun arli liimanta.
ümniiraq ümsenginok rumnyangkhi bintang jüngi mung na tsatbaiq laü kriika, ümniiraq tsangshiq ma mung ashi mikuqha nguta kiq kham kuq laü mung kiijaq shea wan lot maü kha miishe jiipbaiq laü nguta mingu.
Ngi raq namshiq ka kra mung na tiishong nga wan miitu kiq kham kuqkang. Shatmsq Kaleb nai Joshua kra tlea raüta, namshiq phong wa maiq ahinti ka jumin kiina shong wan lu man mirhan.
‘Ngi raq atiitum lata ngutiikang, tsangshiq ka iwokhong na phaq chii nichii maq simak kha na, maiqwere arawii wiiroqnai riimakla kriima alati thun Ejip mung wa laü wantaq phong kiiwa weshi ra dongdii min, Ngi raq Abraham, Isak, kiimaq Jakob ma mung ashi mikuqha nguta kiq kham kuq kang kiijaq saü wan lot mak miraq.’
Mosheq raq Israilnok ma nguto, “Tatiwe namshiq Shiikeawe raq namshiq maiq mung thun kra khat wantlan kra phan phan wiita miqchup mishthen baiq wan. Kiimaq namshiq kra mung thun ka mijii wan han. Lanta kiijaq mishong nga wan han.
Mosheq raq Israilnok ma nguto, “Tatiwe üm Shiikeawe raq maiq mung thun kra wiita miqchup jiipbaiq raüta, ümniima like wan jai na, kiimaq ümniiraq tsangshiq chela thun nai jam thun kra jiiwan laüta siwan tlaü na,
Mosheq raq Israilnok ma nguto, “Ümniika Tatiwe üm Shiikeawe raq ümniima kuqtlaq mung kra jiiwan laüta kiina shong nga wan jai she,
“Tatiwe namshiq Shiikeawe raq namshiq ka Kanan mung na mishea wan. Kra mung ka namshiq riishe milap wan han. Kiimaq apaiq raq kra mung wa maiq phan pahea mung ka ajo mirbaiq. Namshiq ka kra mung khat wan wan maiq mung thun kra jiiwan tlan kra phan phan, apaiq raq namshiq thaq na maiq mung jonghea hea kiimaq namshiq thaq na ningkun jonghea hotinok mung miishi kra mijobaiq wan: Tsangshiq ka Hitaiqnok, Girgashaiqnok, Amoraiqnok, Kanannok, Perijaiqnok, Hiwaiqnok, kiimaq Jebusaiqnok thun kra mijobaiq wan.
Lanta namshiq raq Jordan rai ka jinlan. Lanta Jeriko niishe saülan. Jerikoti raq namshiq khatto. Kra niqriri sii hali Amoraiqnok, Perijaiqnok, Kanannok, Hitaiqnok, Girgashaiqnok, Hiwaiqnok, kiimaq Jebusaiqnok thun riimin namshiq khatto. Shatmaq ngi raq namshiq ma tsangshiq thun ka wiita tiitang kuqkang.