DUNGWVNC 13:5 - Hawa Naga Bible 2001

⁵ Yehowa rueq nuimshiq jix vwaz tamx muex kvtuemc khvmc kuq tueq Kanaan, Hitti, Amori, Hiwi nuiyc Jebusi miqsaz htenc httax yaq mungx kuex nuimshiq muex kuq phaungx ngoz tueq. Vpiq rueq tvkaz vtueq puix nuiyc nyaq ngurx dung yaq mungx nuex nuimshiq httuiuc kaz ruiux yuq, wawc tek vphaungc yapix nuex vkhoc moalx kuex moalx wuez shuinz.

ASII LAKDAP Bible (BSI)

⁵ Tatiwe raq namtitiim ma sinkham khoq ramkii maq kha raüta, Kanannok hiq, Hitaiqnok hiq, Amoraiqnok hiq, Hiwaiqnok hiq, kiimaq Jebusaiqnok hiq kra namshiq ma mikuqha nguta kiqkham kuqto. Ümtiikiiwa apaiq raq namshiq ka kra hiqpo hiqwin mung kiina shea wan raüla, namshiq raq ara poi arka rawiitek rawii phawan jipi lü na klo lanta lang wan ratlo.

DUNGWVNC 13:5 Referencias Cruzadas

RAPHA HIQWA LAK 26:3

Majuiuc httax vtuiux vyuq lawx httax kuiuz, ngaz kuex mnoz rulc vdvmz httax vtueq ruimrix kuq phaungx. Vruex hong lotlaz kuex mnoz muex nuiyc msuiuz msaz htenc muex ngaz rueq kuq phaungx. M-waz Abraham muex ngaz rueq bomkhvmc kuq tauk rulc rv-ngvlc ngaz rueq ruez shaungx.

RAPHA HIQWA LAK 50:24

Piq rueq vphuz hez muex ngoc, “Ngaz kuex vthueyc wvnc shex, ngaz vguez yuq muinz Tishox rueq nuimshiq muex vsuingc suing lawc mawc kuq kv-phuinx, nuimhez kuex vruex mungtan vwawc shvlx wvnc vtueq Abraham, Esak, Yaku muex kuq phaungx ngoz tueq bomkhvmc kuq tueq mungx kvyuq shvlx wvnc kv-phuinx,” ngoz tueq jungx kuq tueq.

1 KAÜWA WERAÜ 1:15

Hiwi, Arki, Sini,

DUNGWVNC 12:24

Mnoz nuiyc msuiuz msaz htenc rueq tvrac vruex rullungx wvlex phvnx wuez shuinz.

DUNGWVNC 13:10

Moalx vruex moalx jauz shex httuiuc ruiux yuq wawc tek moalx wuez shuinz.

DUNGWVNC 13:11

“Yehowa rueq Kanaan miqsaz httax yaq mungx kvyuq nuimshiq kuex shvlc wvnc tvkoc nuimshiq nuiyc nuimshiq jix vwaz tamx muex vpiq rueq daungdaungx bomkhvmc taq tueq. Kvruex mungx kuex nuimshiq muex kuq ruiux yuq,

DUNGWVNC 3:17

Ngaz rueq tsuingshiq kuex Ejip mungx wawc tvdungc shvlc wvnc tvkoc htvp htaz wuez shex, tsuingshiq guirguenz yaq kvwawc shvlx wvnc vtueq, puix nuiyc nyaq ngurx dung yaq mungx, Kanaan, Hitti, Amori, Perizi, Hiwi nuiyc Jebusi phvnx htenc httax yaq mungx nuex shvlx wvnc tvkoc htvp htaz tauk shex.

DUNGWVNC 3:8

kvkhoc rvtueq Ejip miqsaz yauk wawc tsuingshiq kuex palc wvnc vtueq, Ejip mungx maq tvdung wvnc ruiux, puix nuiyc nyaq ngurx dung yaq mungx nuex tsuingshiq kuex shvlc wvnc tvkoc ngaz svt kaz tauk. Kvruex mungx kvyuq Kanaan, Hitti, Amori, Perizi, Hiwit nuiyc Jebusi phvnx htenc majuiuc httax wuez yaq,

DUNGWVNC 32:13

Mnvrc waz hez Abraham, Esak nuiyc Yaku kuex rvwvl tvmaung shuiuz. Mnoz rueq tsuingshiq suiuz vsaz htenc kuex raungwawc ruiysuiyq ikhoc tvpux paung shuiux lvmz nuiyc mnoz rueq tuemc khvmc kuq toq mungx htenc kuex tsuingshiq suiuz vsaz htenc rueq pattup lvp wvnc tvkoc bomkhvmc vkuq kuex rvwvl tvmaung shuiuz,” ngoz tueq thoz tueq.

DUNGWVNC 33:1

Yehowa rueq Moshe muex ngoc, “Mnoz nuiyc mnoz rueq Ejip mungx wawc tvdung shvlx wvnc toq miq htenc kuex vruex hong vmaq kvtenc kaz wvnc vtueq, ngaz rueq Abraham, Esak, Yaku nuiyc tsuingshiq suiuz vsaz muex kuq phaungx ngoz tueq bomkhvmc vkuq mungx kvyuq kaz kuiuz.

DUNGWVNC 34:11

Majuiuc raungnuiyq ngaz rueq mnoz muex kuq phaungx tvrac htenc kuex phvnx shuinz. Ngaz rueq nuimshiq kay juing lvmx wawc Amori, Kanaan, Hitti, Perizi, Hiwit nuiyc Jebusi miqsaz htenc kuex yurc gay shaungx.

DUNGWVNC 6:4

Kvdvyx rvmuq tsuingshiq kuex wuinz waz ikhoc dvyx httax wvnc tueq Kanaan mungx kuex tsuingshiq muex kuq phaungx ngoz tueq, ngaz rueq tsuingshiq rulc bomkhvrc taq tauk.

DUNGWVNC 6:8

Abraham, Esak, Yaku hez muex kuq phaungx ngoz tueq ngaz rueq khvmc kuq tauk mungx kvyuq nuimshiq kuex tvhttuiuc phaungx; ngaz rueq kvruex mungx kuex nuimshiq muex kuy tvlanc kuq phaungx. Ngaz kuex Yehowa rvtauk,’ ngoz tueq jungx shuiuz,” ngoz tueq.

JEREMIA 11:5

Kvmaq majuiuc tsuingshiq httax yaq vrungx vwanx nuiyc ghaq vbur mungx kuex tsuingshiq jix vwaz tamx muex kuy tvkoc ngaz rueq bomkhvmc kuex tv-phaungx shaungx lvmz tsuingshiq muex ngaz rueq jungx tauk,” ngoz tueq jungx tueq. Ngaz rueq, “Rvtueq, Yehowa lex, ngoz tauk.

JEREMIA 32:22

Tsuingshiq jix vwaz tamx rulc mnoz rueq bomkhvmc taq toq rulc rv-ngvlc, mnoz rueq vruex vrungx vwanx nuiyc ghaq vbur mungx kuex tsuingshiq muex kuq toq.

EJEKIEL 20:6

Kvruex ngaz rueq tsuingshiq kuex Ejip mungx wawc tvdung wvnc vtueq mungtan lotlaz htauk nuex vhvlx pinhtumc ghaq vraungx puix nuiyc nyaq ngurx kaz yaq mungx ngoz yaq tsuingshiq tvkoc ngaz rueq vthvl shec mungtan nuex shvlc wvnc tvkoc bomkhvmc taq tauk.

LEWI 20:24

Yuq muinz vrungx vwanx nuiyc ghaq vbur mungx kuex nuimshiq rueq guimz tvkoc ngaz rueq kuq phaungx ngoz tueq bomkhvmc taq tauk kvkhoc ruez shaungx, ngaz kuex Yehowa nuimshiq Tishox rvtauk, nuimshiq kuex vganc miqphvnx wawc tv-phvlc vtueq, ngaz rueq vthvl wvnc miqphvnx rvtuit.

WEAWEA 11:12

Tsuinghez kuex ngvy wuk nuex gurx vtueq vjawx hez haz rvtvnx! Mnoz rueq tsuingshiq jix vwaz muex kuq phaungx ngoz tueq bomkhvmc taq toq mungx nuex kay juing lvmx wvlex nuex nox tvguilc jix waz rueq ikhoc, yvmx rvtueq lac ngaz rueq tsuinghez kuex tenpix vshaungx nguinx?

WEAWEA 13:27

Tsuinghez rueq Moshe muex ngoc, “Nuiyhez rueq kvruex mungx nuex kaz vtueq helc roalc koq tueq, kvruex mungx kuex phuiuz vsvy rungwanx vtueq ghaq vbur waq kuex tuiuz tiq; pulx thuey htenc vruex kuex kvruex mungx wawc vdung pulx thuey rvtueq.

WEAWEA 14:16

mnoz rueq kuq phaungx ngoz tueq bomkhvmc taq toq mungx kvyuq tvhttuiuc shvlx lot muq ningkhvnc nuex, miq htenc kuex yaruix tvnx nuex tvhtumx thvt gay tueq ngoz tueq jungx saq wuez shuex.

WEAWEA 14:30

Nuimshiq kuex tvhttax phaungx ngoz tueq bomkhvmc vtaq mungx kvyuq Kaleb nuiyc Yoshua maq lvy vtueq ukhaq muinz nyuip lvp muit.

WEAWEA 32:11

‘Nuimshiq rueq ngvy lvmx rvkhauk phvnx muit ningkhvnc nuex Ejip mungx maq vkaz wvnc miq kvwawc rullungx wawc roknueyc maq htauk kox miq, miqwaz rulx htenc kuex Abraham, Esak, Yaku muex ngaz rueq kuq phaungx ngoz tueq bomkhvmc vtaq mungx kvyuq nyuip lvp muq,’ ngoz tueq tuemc vtueq jungx kuq tueq.

TRI CHONGKE 12:29

“Nuimshiq kay juing mungx nuex httax yaq miqphvnx htenc kuex Yehowa nuimshiq Tishox rueq tvbac gay shuex ningkhvnc nuex nuimshiq rueq kvruex mungx kuex lvp wvnc vtueq kvruex mungx kvyuq httax wuez tuinx.

TRI CHONGKE 19:1

“Yehowa nuimshiq Tishox rueq nuimshiq muex kuq shuex mungx nuex httax yaq miqphvnx htenc kuex tvbac gay yix, nuimshiq rueq tsuingshiq ghaqyungx htenc nuiyc yuimx htenc kuex khvt lvp wvnc vtueq httax ngaungc wvnc wuez ruiux yuq,

TRI CHONGKE 26:1

“Yehowa nuimshiq Tishox rueq kuq kv-phuinx mungtan kuex lvp wvnc vtueq kvruex mungx kvyuq httax tuinx yix maq,

TRI CHONGKE 7:1

“Yehowa nuimshiq Tishox rueq nuimshiq rueq lvp wvnc shuinz mungx kvyuq nuimshiq kuex shvlx wvnc vtueq, kvruex mungx wawc miqphvnx paunghvlc kuex yurc gay tueq. Nuimshiq kvtenc kaz wvnc ruiux yuq, vpiq rueq nuimshiq htauk nuex muinz miq vpaung, luimc vkawc httaz hvlc miqphvnx mvshix rvtueq, Hitti, Girgashi, Amori, Kanaan, Perizi, Hiwi nuiyc Jebusi miqsaz htenc kuex yurc gay shuex.

JOSHUA 24:11

Nuimshiq rueq Yodan ruilx kuex yanz wvnc vtueq Yerikho nuex httuiuc kaz tuit. Amori, Perizi, Kanaan, Hitti, Girgashi, Hiwi nuiyc Jebusi miqsaz htenc rueq ruez tueq ikhoc Yerikho miqsaz rueq nuimshiq kuex khvt tueq. Yuq muinz ngaz rueq tsuingshiq kuex nuimshiq muex lotlaz tvtaungx gay phaungx.